കാരുണ്യച്ചിറകിന്​ കരുത്തായി ഡോ. രവി പിള്ള

മനാമ: നാടി​​​​​​​െൻറ തണലിൽ അഭയം തേടാൻ കൊതിക്കുന്ന പാവം പ്രവാസീ... രക്ഷാ വിമാനം നാട്ടിലേക്ക്​ പറക്കു​​േമ്പാൾ ശൂന്യമായ കൈകൾ നോക്കി ഇനി നീ കണ്ണീർ പൊഴിക്കേണ്ട. ടിക്കറ്റെടുക്കാൻ പണമില്ലാത്തതി​​​​​​​െൻറ ആകുലതകൾ ഇനി നിനക്ക്​ മറക്കാം. 

മഹാമാരി തീരാദുരിതമായെത്തിയപ്പോൾ കണ്ണീരും പട്ടിണിയും ബാക്കിയായവ​​​​​​​െൻറ തോളിൽ സമാശ്വാസത്തി​​​​​​​െൻറ കൈ സ്​പർശവുമായി എത്തുകയാണ്​ ആർ.പി ഗ്രൂപ്പ്​ ചെയർമാൻ ഡോ. രവി പിള്ള. പ്രവാസിയുടെ വേദനയും നൊമ്പരവും ഹൃദയത്തിലേറ്റി ആ​ശ്വാസ കരങ്ങൾ മുമ്പും നീട്ടിയിട്ടുള്ള ഡോ. രവി പിള്ള​ ഗൾഫ്​ മാധ്യമവും മീഡിയ വണ്ണും ചേർന്നൊരുക്കുന്ന ‘വിങ്​സ്​ ഒാഫ്​ കംപാഷൻ’ പദ്ധതിയിലേക്ക്​ 150 ടിക്കറ്റുകളാണ്​ വാഗ്​ദാനം ചെയ്​തത്. നോർക്കയിലും ഇന്ത്യൻ എംബസിയിലും രജിസ്​റ്റർ ചെയ്​തവരിൽനിന്നാണ്​ അർഹരായവരെ തെരഞ്ഞെടുക്കുന്നത്​.

പാവപ്പെട്ട പ്രവാസികളെ നാട്ടിലെത്തിക്കാനുളള ഇൗ പദ്ധതിയെ ഏ​െറ സന്തോഷത്തോടെയാണ്​ അദ്ദേഹം സ്വാഗതം ചെയ്​തത്​. പ്രവാസികളെ തിരിച്ചെത്തിക്കാനുള്ള വന്ദേ ഭാരത്​ ദൗത്യത്തിൽ നാട്ടിലേക്ക്​ പോകാൻ ടിക്കറ്റിന്​ പണമില്ലാതെ വിഷമിക്കുന്നവർക്കാണ്​ ഇൗ പദ്ധതിയിൽ ടിക്കറ്റ്​ ലഭ്യമാക്കുന്നത്​. നൻമ വറ്റാത്ത പ്രവാസി സമൂഹവും വ്യവസായ നായകരും നിശബ്​ദ സേവകരും കൈകോർത്ത്​​ കാരുണ്യത്തി​​​​​​​െൻറ ചിറകുകൾ വിരിക്കു​േമ്പാൾ തണൽ ലഭിക്കുന്നത്​ അനേകം ഹൃദയങ്ങൾക്കാണ്​. 

എക്കാലവും എല്ലാവരെയും കൈനീട്ടി സ്വീകരിച്ച പ്രവാസി ഇൗ ദുരിതകാലത്ത്​ മണലാരണ്യത്തിൽ കുടുങ്ങിയപ്പോൾ രക്ഷാകരങ്ങൾ ഏത്രയും വേഗം എത്തിക്കണമെന്ന്​ തുടക്കം മുതൽ ആവശ്യപ്പെട്ടയാളാണ്​ നോർക്ക ഡയറക്​ടർ കൂടിയായ ഡോ. രവി പിള്ള. മുഖ്യമന്ത്രിയുമായി നടത്തിയ വീഡിയോ കോൺഫറൻസിങ്ങിലും അദ്ദേഹം ഇൗ ആവശ്യം ഉന്നയിച്ചിരുന്നു. ​

അദ്ദേഹം ഉൾപ്പെടെയുള്ള പ്രവാസി സമൂഹത്തി​​​​​​​െൻറ നിരന്തര ആവശ്യങ്ങൾക്കൊടുവിൽ രക്ഷാ ദൗത്യം തുടങ്ങിയപ്പോഴാണ്​ പലർക്കും പണം വെല്ലുവിളിയായത്​. ജോലിയും ശമ്പളവും ഇല്ലാതെ, സാമൂഹിക സംഘടനകളുടെ കാരുണ്യത്തിൽ കഴിയുന്നവർക്ക്​ ടിക്കറ്റിന്​ പണം മുടക്കുക എന്നത്​ ചിന്തിക്കാൻ പോലുമാകാത്തതാണ്​. ഇവരുടെ കണ്ണീരൊപ്പാൻ ഗൾഫ്​ മാധ്യമത്തിനും മീഡിയ വണ്ണിനുമൊപ്പം നിറഞ്ഞ മനസ്സോടെ പങ്കുചേരുകയാണ്​ ഡോ. രവി പിള്ള.

​