ഡോ. ജൗഹർ മുനവ്വിറിനെ ആദരിച്ചു

മനാമ: റയ്യാൻ സ്റ്റഡി സെന്റർ സംഘടിപ്പിച്ച വിവിധ പ്രഭാഷണ പരിപാടികളിൽ സംബന്ധിച്ച പ്രശസ്ത ഫാമിലി കൗൺസലറും ഫാറൂഖ് ട്രെയിനിങ് കോളജ് പ്രഫസറുമായ ഡോ. ജൗഹർ മുനവ്വിറിനെ സെന്റർ ആദരിച്ചു. ഉമ്മ് അൽ ഹസ്വമിൽ നടന്ന ചടങ്ങിൽ ഫിനാൻസ് സെക്രട്ടറി വി.പി. അബ്ദുൽ റസാഖ് അദ്ദേഹത്തിന് ഉപഹാരം നൽകി. സെന്റർ ഭാരവാഹികളായ രിസാലുദ്ദീൻ, യാഖൂബ് ഈസ, അബ്ദുൽ ഗഫൂർ പാടൂർ, ടി.പി. അബ്ദുൽ അസീസ്, സി.കെ. അബ്ദുല്ല, സമീർ ഫാറൂഖി എന്നിവർ പങ്കെടുത്തു.