തലശേരി സ്വദേശിയുടെ മൃതദേഹം ബഹ്​റൈനിൽ ഖബറടക്കി

മനാമ: ബഹ്റൈനിൽ നിര്യാതനായ തലശേരി സ്വദേശിയുടെ മൃതദേഹം ബഹ്​റൈനിലെ കുവൈത്ത്​ പള്ളിയിൽ ഖബറടക്കി. ബഹ്റൈനിൽ താമസിക്കുന്ന മക്കളെ സന്ദർശിക്കാനെത്തിയ അറങ്ങാടൻ മഹമൂദ് (61) ആണ്​ കഴിഞ്ഞ ദിവസം നിര്യാതനായത്​.

ഹൃദയാഘാതത്തെത്തുടർന്ന് ഒരാഴ്​ചയോളമായി ബി.ഡി.എഫ് ആശുപത്രിയിൽ ചികിത്സയിലായിരുന്നു. 2012 ൽ ബഹ്റൈനിൽ നിന്ന് പ്രവാസം മതിയാക്കി നാട്ടിലേക്ക് പോയ ഇദ്ദേഹം പത്ത്​ ദിവസം മുമ്പാണ് ബഹ്റൈനിലെത്തിയത്. നാല് പെൺമക്കളിൽ രണ്ട് പേർ ബഹ്റൈനിലും, ഒരാൾ യു.കെയിലും, ഇളയ മകൾ നാട്ടിൽ പ്ലസ്​ടുവിനും പഠിക്കുന്നു. ഭാര്യ വഹീദ ബഹ്റൈനിലുണ്ട്.