കോരിത്​ ജോസഫി​െൻറ മൃതദേഹം മൂന്നര മാസത്തിനുശേഷം സംസ്​കരിച്ചു

മനാമ: കഴിഞ്ഞ മെയ്​ 11 ന്​ സൽമാനിയ മെഡിക്കൽ കോപ്ലക്​സിൽ ചികിസ്​തയിൽ ഇരി​ക്കെ മരണമടഞ്ഞ പത്തനംതിട്ട കുമ്പനാട് സ്വദേശി കോരിത് ജോസഫി​​​െൻറ മൃതദേഹം മാസങ്ങൾക്കുശേഷം ഇന്നലെ സംസ്​കരിച്ചു. സൽമാബാദിലെ സെമിത്തേരിയിലാണ്​ സംസ്​കാരം നടന്നത്​. മൃതദേഹം നാട്ടിൽ കൊണ്ട്​ പോകുന്നതിന്​ സാമൂഹിക പ്രവർത്തകൻ സിയാദ്​ ഏഴംകുളത്തി​​​െൻറയും സുബൈർ കണ്ണൂരി​​​െൻറയും നേതൃത്വത്തിൽ ശ്രമങ്ങൾ നടത്തിയിരുന്നു. ഇതിനിടയിൽ നാട്ടിൽ എത്തിയ സിയാദ് ഏഴംകുളം ജോസഫി​​​െൻറ മാതാവിനെ സന്ദർശിച്ച പ്പോൾ മക​​​െൻറ മൃതദേഹം നാട്ടിലെത്തിക്കാൻ സഹായിക്കണമെന്നും അതനുസരിച്ച് രേഖകൾ ശരിയാക്കി എം ബാമിങ്ങ് അടക്കം പൂർത്തികരിച്ചതാണ്.

ഒടുവിൽ നാട്ടിലേക്ക് അയക്കാനായി വിമാനക്കമ്പനി നാട്ടിലുള്ള കുടുംബാഗങ്ങളുമായി ബന്ധപ്പെട്ടപ്പോൾ മൃതദേഹം ബഹ്റൈനിൽ സംസ്​കരിച്ചാൽ മതിയെന്ന നിലപാടിലായിരുന്നു. തുടർന്നാണ് ഇന്ന് സൽമാബാദിൽ സംസ്​കരിച്ചത്.അന്ത്യകർമ്മങ്ങൾക്ക് റവ.മാത്യു.കെ.മുതലാളി, റവ.റജി.പി.ഏബ്രഹാം, ചാക്കോ പി.മാത്യു, റജി.ടി. ഏബ്രഹാം, ബിനു കുന്നന്താനം എന്നിവർ നേതൃത്വം നൽകി. സാമൂഹ്യ പ്രവർത്തകരായ സിയാദ് ഏഴംകുളം, നജീബ് കടലായി, ബാജി ഓടംവേലിൽ, മനോജ് വടകര, എന്നിവർ സംബന്ധിച്ചു. ‘ഒാർമകൾപോലും കൂട്ടിനില്ലാതെ കോരിത് ജോസഫ്​ ബഹ്​റൈനിൽ’ എന്ന പേരിൽ കോരിത്​ ​ജോസഫി​​​െൻറ ജീവിതകഥ കഴിഞ്ഞ മാർച്ച്​ 26 ന്​ ‘ഗൾഫ്​ മാധ്യമം’ റിപ്പോർട്ട്​ ചെയ്​തിരുന്നു. . അനാഥനായി കഴിഞ്ഞ ജോസഫിനെ സാമൂഹിക പ്രവർത്തരാണ്​ ആശുപത്രിയിൽ എത്തിക്കുകയും ഇടക്കിടെ സന്ദർശിച്ച്​ വിവരങ്ങൾ അന്വേഷിക്കുകയും ചെയ്​തിരുന്നത്​.

32 വർഷമായി ബഹ്റൈനിൽ വിവിധ ജോലികളിൽ ഏപ്പെട്ടിരുന്ന ജോസഫ്​ അവസാനമായി നാട്ടിൽപോയത്​ 17 വർഷം മുമ്പായിരുന്നു. സി.പി.ആർ, പാസ്​പോർട്ട് തുടങ്ങിയ രേഖകൾ അദ്ദേഹത്തി​​​െൻറ കൈവശമില്ലാത്തതായിരുന്നു അതിന്​ കാരണം. നാട്ടിൽ ഭാര്യയും മകനും മാതാവും മറ്റ്​ ബന്​ധുക്കളുമുണ്ട്​. മാർച്ച്​ മാസത്തിൽ ബഹ്​റൈനിൽ ഹ്രസ്വസന്ദർശനത്തിന്​ എത്തിയ പി.കെ ബിജു എം.പി കോരിത്​ ​ജോസഫിനെ ആശുപത്രിയിൽ സന്ദർശിച്ചിരുന്നു.