ദു​ബൈ വി​മാ​ന​ത്താ​വ​ള​ത്തി​ൽ മൃ​ത​ദേ​ഹം 24 മ​ണി​ക്കൂ​ർ; പ്ര​തി​ഷേ​ധ​വു​മാ​യി പ്ര​വാ​സി​ക​ൾ

മ​നാ​മ: ക​ഴി​ഞ്ഞ​ദി​വ​സം നി​ര്യാ​ത​നാ​യ മ​ല​യാ​ളി​യു​ടെ മൃ​ത​ദേ​ഹം ദു​ബൈ വി​മാ​ന​ത്താ​വ​ള​ത്തി​ൽ 24 മ​ണി​ക്കൂ​റോ​ളം വൈ​കാ​നി​ട​യാ​യ സം​ഭ​വ​ത്തി​ൽ പ്ര​വാ​സി​ക​ളു​ടെ പ്ര​തി​ഷേ​ധം.

തൃ​ശൂ​ർ ചേ​ർ​പ്പ്​ സ്വ​ദേ​ശി ബ​ദ്​​റു​ദ്ദീ​െൻറ മൃ​ത​ദേ​ഹം ചൊ​വ്വാ​ഴ്​​ച വൈ​കീ​ട്ട്​ ആ​റി​നാ​ണ്​ ബ​ഹ്​​റൈ​നി​ൽ​നി​ന്ന്​ ദു​ബൈ വ​ഴി നാ​ട്ടി​ലേ​ക്ക്​ കൊ​ണ്ടു​പോ​യ​ത്. രാ​ത്രി 9.45ന്​ ​ദു​ബൈ​യി​ൽ​നി​ന്ന്​ പു​റ​പ്പെ​ടേ​ണ്ട വി​മാ​ന​ത്തി​ലാ​ണ്​ മൃ​ത​ദേ​ഹം കൊ​ച്ചി​യി​ൽ എ​ത്തി​ക്കേ​ണ്ടി​യി​രു​ന്ന​ത്. എ​ന്നാ​ൽ, നി​ശ്ച​യി​ച്ച​പ്ര​കാ​രം ദു​ബൈ​യി​ൽ​നി​ന്ന്​ ഈ ​വി​മാ​ന​ത്തി​ൽ മൃ​ത​ദേ​ഹം കൊ​ണ്ടു​പോ​യി​ല്ല.

ആ​വ​ശ്യ​മാ​യ രേ​ഖ​ക​ൾ മു​ഴു​വ​ൻ കി​ട്ടി​യി​ല്ലെ​ന്നാ​ണ്​​ വി​മാ​ന​ക്ക​മ്പ​നി ജീ​വ​ന​ക്കാ​ർ ബ​ന്ധു​ക്ക​ളെ അ​റി​യി​ച്ച​ത്.

ഇ​തേ​തു​ട​ർ​ന്ന്, മൃ​ത​ദേ​ഹം നാ​ട്ടി​ൽ സ്വീ​ക​രി​ക്കാ​ൻ കാ​ത്തു​നി​ന്ന​വ​ർ ആ​ശ​ങ്ക​യി​ലാ​യി ബ​ഹ്​​റൈ​നി​​ലെ സാ​മൂ​ഹി​ക പ്ര​വ​ർ​ത്ത​ക​രെ ബ​ന്ധ​പ്പെ​ട്ടു.

അ​വ​രു​ടെ​കൂ​ടി ഇ​ട​പെ​ട​ലി​നെ​ത്തു​ട​ർ​ന്നാ​ണ്​ ​ബു​ധ​നാ​ഴ്​​ച വൈ​കീ​ട്ട്​ 9.45ന്​ ​മൃ​ത​ദേ​ഹം കൊ​ണ്ടു​പോ​കാ​നു​ള്ള ന​ട​പ​ടി സ്വീ​ക​രി​ച്ച​ത്. രേ​ഖ​ക​ൾ ഇ​ല്ലാ​ത്ത​താ​ണ്​ കാ​ര​ണ​മെ​ങ്കി​ൽ ബ​ഹ്​​റൈ​നി​ൽ​നി​ന്ന്​ ദു​ബൈ വ​രെ എ​ങ്ങ​നെ​യാ​ണ്​ മൃ​ത​ദേ​ഹം കൊ​ണ്ടു​പോ​യ​തെ​ന്ന്​ ബ​ന്ധു​ക്ക​ൾ ചോ​ദി​ക്കു​ന്നു.

സം​ഭ​വ​ത്തി​ൽ ഇ​ന്ത്യ​ൻ എം​ബ​സി​ക്കും വി​ദേ​ശ​കാ​ര്യ മ​ന്ത്രാ​ല​യ​ത്തി​നും പ​രാ​തി ന​ൽ​കു​മെ​ന്ന്​ പ്ര​വാ​സി ക​മീ​ഷ​ൻ അം​ഗം സു​ബൈ​ർ ക​ണ്ണൂ​ർ പ​റ​ഞ്ഞു. വി​മാ​ന​ക്ക​മ്പ​നി​യു​ടെ ഭാ​ഗ​ത്തു​ണ്ടാ​യ ക​ടു​ത്ത അ​നാ​സ്​​ഥ​യാ​ണ്​ വൈ​കാ​നി​ട​യാ​ക്കി​യ​തെ​ന്ന്​ സാ​മൂ​ഹി​ക പ്ര​വ​ർ​ത്ത​ക​നാ​യ മ​ജീ​ദ്​ ത​ണ​ൽ കു​റ്റ​പ്പെ​ടു​ത്തി.