ഈന്തപ്പനയുടെ നന്മകളുണര്‍ത്തി പ്രത്യേക ഉല്‍സവം
text_fields
മനാമ: ഈന്തപ്പനകള്‍ ഫലങ്ങള്‍ സമൃദ്ധമായി നല്‍കുന്ന ചൂട് കാലത്ത് അതിെൻറ നന്മകളെ സംബന്ധിച്ച് പ്രത്യേക ആഘോഷ പരിപാടികളൊരുക്കുന്നു. ഈ മാസം 27, 28 തീയതികളില്‍ ഹൂറത്ത് ആലിയിലെ കാര്‍ഷികച്ചന്തയിലാണ് പരിപാടി. രാജ്യത്തെ വിവിധ കമ്പനികളും കാര്‍ഷിക മേഖലയിലുളളവരും ഇതില്‍ പങ്കാളികളാവും. പൊതുമരാമത്ത്-മുനിസിപ്പല്‍-നഗരാസൂത്രണകാര്യ മന്ത്രാലയത്തിന് കീഴിലുള്ള കാര്‍ഷിക-സമുദ്ര സമ്പദ് വിഭാഗം, ബഹ്റൈന്‍ ഡെവലപ്മെൻറ് ബാങ്ക് എന്നിവയുടെ സഹകരണത്തോടെയാണ് ആഘോഷ പരിപാടികള്‍. ഈന്തപ്പഴവുമായി ബന്ധപ്പെട്ട് പ്രാദേശിക ഉല്‍പന്നങ്ങള്‍ക്ക് വിപണി കണ്ടത്തെുന്നതും വിവിധ തരം ഉല്‍പന്നങ്ങള്‍ പരിചയപ്പെടുത്തുന്നതിനും ഇത് അവസരമൊരുക്കുമെന്നാണ് കരുതുന്നതെന്ന് സംഘാടകര്‍ വ്യക്തമാക്കി. ഈന്തപ്പഴ വിപണിയില്‍ ഉണര്‍വുണ്ടാക്കുന്നതിനും ഈ മേഖലയില്‍ പ്രവര്‍ത്തിക്കുന്നവര്‍ക്ക് ആവേശത്തോടെ മുന്നോട്ട് പോകുന്നതിനും ഇത് സഹായകമാവും. രാജ്യത്തിെൻറ പാരമ്പര്യം കാത്തുസൂക്ഷിക്കുന്നതിനും പുതിയ തലമുറയെ ഇതുമായി ബന്ധിപ്പിക്കുന്നതിനും ഇത് അവസരമാകുമെന്ന് പ്രതീക്ഷിക്കുന്നു.