കരകൗശല പരിശീലന പരിപാടി തുടങ്ങി

മനാമ: ജസ്​റ കരകൗശല ​കേന്ദ്രത്തിൽ ബഹ്​റൈൻ സാംസ്​കാരിക, പുരാവസ്​തു അതോറിറ്റിയുടെ നേതൃത്വത്തിൽ ക്രാഫ്​റ്റ്​സ്​മാൻ അപ്രൻറിസ്​ഷിപ്​ പരിശീലന പരിപാടി തുടങ്ങി.2021ലെ ദുബൈ എക്​സ്​പോയിൽ അവതരിപ്പിക്കുന്ന പവിലിയ​െൻറ ഭാഗമായാണ്​ പരിശീലന പരിപാടി.

ഒക്​ടോബർ 22 വരെ നീളുന്ന പരിശീലനത്തിൽ ബഹ്​റൈനിലെ കരകൗശല ഉൽപന്നങ്ങൾക്ക്​ കൂടുതൽ വിപണി കണ്ടെത്താനുതകുന്ന തരത്തിലുള്ള പരിശീലനമാണ്​ നൽകുന്നത്​.

പ്രാദേശിക കരകൗശല വിദഗ്​ധരുടെ കഴിവുകൾ പുതുതലമുറയിലേക്ക്​ പകർന്നുനൽകുക എന്ന ലക്ഷ്യത്തോടെയാണ്​ പരിപാടി സംഘടിപ്പിച്ചിരിക്കുന്നത്​. വസ്​ത്രനിർമാണം, നെയ്​ത്ത്​, കുട്ട നെയ്​ത്ത്​, മത്സ്യക്കെണി തുടങ്ങിയവയിൽ പരി​ശീലനം നൽകും. നാല്​ കരകൗശല വിദഗ്​ധരുടെ​ നേതൃത്വത്തിലുള്ള പരിപാടിയിൽ 30 പേരാണ്​ പ​െങ്കടുക്കുന്നത്​.