180 പേർക്ക്​ കൂടി കോവിഡ്

മനാമ: ബഹ്​റൈനിൽ 180 പേർക്കുകൂടി കോവിഡ്​ സ്ഥിരീകരിച്ചു. ഇവരിൽ 58 പേർ പ്രവാസികളാണ്​. 114 പേർക്ക്​ സമ്പർക്കത്തിലൂടെയും എട്ടു​ പേർക്ക്​ യാത്രയിലൂടെയുമാണ്​ രോഗം പകർന്നത്​. നിലവിൽ 1900 പേരാണ്​ ചികിത്സയിൽ കഴിയുന്നത്​. തിങ്കളാഴ്​ച മൂന്നുപേർ കൂടി കോവിഡ്​ ബാധിച്ച്​ മരിച്ചു. സ്വദേശികളാണ്​ മൂന്നു പേരും.

പുതുതായി 169 പേർ സുഖംപ്രാപിച്ചതായും ആരോഗ്യ മന്ത്രാലയം അറിയിച്ചു. ഇതോടെ, രാജ്യത്ത്​ രോഗമുക്​തി നേടിയവരുടെ എണ്ണം 82,469 ആയി.