കോവിഡ്​ -19: ബഹ്​റൈനിൽ 40 പേർ കൂടി സുഖം പ്രാപിച്ചു

മനാമ: ബഹ്​റൈനിൽ കോവിഡ്​ -19 ബാധിച്ച്​ ചികിത്സയിൽ കഴിഞ്ഞ 40 പേർ കൂടി സുഖം പ്രാപിച്ചതായി ആരോഗ്യ മന്ത്രാലയം അറിയി ച്ചു. ഇതോടെ രാജ്യത്ത്​ രോഗമുക്​തി നേടിയവരുടെ എണ്ണം 703 ആയി ഉയർന്നു.

അതേസമയം, 25 പേർക്ക്​ കൂടി വ്യാഴാഴ്​ച രോഗം സ്​ഥിരീകരിച്ചു. നിലവിൽ 988 പേരാണ്​ ചികിത്സയിൽ ഉള്ളത്​. ഇവരിൽ മൂന്ന്​ പേർ ഒഴികെ മറ്റുള്ളവരുടെ നില തൃപ്​തികരമാണ്​.

18 പേർ കൂടി മുൻകരുതൽ നിരീക്ഷണം പൂർത്തിയാക്കിയതായും ആരോഗ്യ മന്ത്രാലയം അറിയിച്ചു. ഇതുവരെ 1218 പേരെയാണ്​ നിരീക്ഷണത്തിൽനിന്ന്​ ഒഴിവാക്കിയത്​.