കോവിഡ്​: ബഹ്​റൈനിൽ ഒരാൾ കൂടി മരിച്ചു

മനാമ: ബഹ്​റൈനിൽ കോവിഡ്​ -19 വൈറസ് ബാധയെ തുടർന്ന് ചികിത്സയിൽ കഴിഞ്ഞ ഒരാൾ കൂടി മരിച്ചു. ഇറാനിൽനിന്ന്​ എത്തിയ 63 വയസുള്ള ബഹ്​റൈൻ പൗരനാണ്​ മരിച്ചതെന്ന്​ ആരോഗ്യ മന്ത്രാലയം അറിയിച്ചു. ഇതോടെ ബഹ്​റൈനിൽ മരിച്ചവരുടെ എണ്ണം ആറായി.

പുതുതായി 11 പേർ കൂടി സുഖം പ്രാപിച്ചതോടെ രോഗമുക്​തി നേടിയവരുടെ എണ്ണം 530 ആയിട്ടുണ്ട്. വെള്ളിയാഴ്​ച 26 പേർക്ക്​ കൂടി രോഗം സ്​ഥിരീകരിച്ചിട്ടുണ്ട്​. 377 പേരാണ്​ നിലവിൽ ചികിത്സയിൽ കഴിയുന്നത്​.