കോവിഡ്​: ബഹ്​റൈനിൽ പുതിയ മാർഗ നിർദേശങ്ങൾ പുറത്തിറക്കി

മനാമ: കോവിഡ്​ വ്യാപനം തടയുന്നതി​​​െൻറ ഭാഗമായി ബഹ്​റൈനിൽ മെയ്​ ഏഴ്​ മുതൽ പാലിക്കേണ്ട പുതിയ മാർഗ നിർദേശങ്ങൾ പുറത്തിറക്കി. കോവിഡ്​ പ്രതിരോധ നടപടികൾക്കുള്ള നാഷണൽ ടാസ്​ക്​ ഫോഴ്​സിേൻറതാണ്​ തീരുമാനം.

പുതിയ നിർദേശങ്ങൾ:
1. ഉപഭോക്​താക്കൾക്ക്​ നേരിട്ട്​ സേവനങ്ങൾ നൽകുന്ന വാണിജ്യ സ്​ഥാപനങ്ങൾ​ മെയ്​ ഏഴിന്​ വൈകിട്ട്​ ഏഴ്​ മുതൽ തുറന്ന്​ പ്രവർത്തിക്കാം. കഴിഞ്ഞ രണ്ടാഴ്​ച അടച്ചിട്ട സ്​ഥാപനങ്ങളാണ്​ വീണ്ടും തുറക്കുന്നത്​. അതേസമയം, ഇൗ സ്​ഥാപനങ്ങൾ സർക്കാർ നിർദേശിക്കുന്ന മുൻകരുതലുകൾ പാലിക്കണം. പ്രധാന മുൻകരുതൽ നിർദേശങ്ങൾ: 
* എല്ലാ ജീവനക്കാരും ഉപഭോക്​താക്കള​ും മാസ്​ക്ക്​ ധരിക്കണം
* തിരക്കൊഴിവാക്കാനും സാമൂഹിക അകലം പാലിക്കാനും നടപടി സ്വീകരിക്കണം
* സ്​ഥാപനങ്ങൾ സ്​ഥിരമായി അണുവിമുക്​തമാക്കണം. 
* പ്രവേശന കവാടത്തിൽ ക്യൂ പാലിക്കുന്നതിനുള്ള അടയാളങ്ങൾ രേഖ​െപ്പടുത്തണം
2. സ്വകാര്യ മേഖലക്കുള്ള നിർദേശങ്ങൾ: 
* പരമാവധി വീട്ടിലിരുന്ന്​ ജോലി നടപ്പാക്കണം
* ഒാഫീസിൽ ജോലി ചെയ്യുന്നവരുടെ എണ്ണം കുറക്കണം. സാമുഹിക അകലം പാലിക്കണം
* തൊഴിലുടമ നൽകുന്ന ഗതാഗത സംവിധാനം ഉപയോഗിക്കുന്നവരുടെ എണ്ണം പരിമിതപ്പെടുത്തണം
3. സിനിമാ തിയേറ്ററുകൾ തുടർന്നും അടച്ചിടും
4. സ്​പോർട്​സ്​ സ​​െൻററുകൾ, ജിംനേഷ്യങ്ങൾ, ഫിറ്റ്​നസ്​ സ​​െൻററുകൾ, നീന്തൽക്കുളം, വിനോദ കേന്ദ്രങ്ങൾ എന്നിവ അടച്ചിടും
5. റസ്​റ്റോറൻറുകൾ, ടൂറിസ്​റ്റ്​ കേന്ദ്രങ്ങൾ, മറ്റ്​ ഭക്ഷണ വിൽപന കേന്ദ്രങ്ങൾ എന്നിവിടങ്ങളിൽ ടേക്​ എവേ, ഡെലിവറി എന്നിവ മാത്രം
6. ശീശ കഫേകൾ അടച്ചിടും. ഇവിടങ്ങളിൽ ഭക്ഷണം ടേക്​ എവേ, ഡെലിവറി രീതിയിൽ നൽകാം
7. സലൂണുകൾ തുടർന്നും അടഞ്ഞുകിടക്കും
8. സ്വകാര്യ ക്ലിനിക്കുകളിൽ അത്യാവശ്യമല്ലാത്ത മെഡിക്കൽ സേവനങ്ങൾ ഉണ്ടാകില്ല
9. ​​ഗ്രോസറി സ്​റ്റോറുകളിൽ ആദ്യ ഒരു മണിക്കൂറിൽ സേവനം  പ്രായമായവർക്കും 
ഗർഭിണികൾക്കും 
10. പൊതു സ്​ഥലങ്ങളിൽ അഞ്ച്​ പേരിലധികം ഒത്തുചേരാൻ പാടില്ല. പരമാവധി വീടുകളിൽ തന്നെ കഴിയണം. അത്യാവശ്യ കാര്യങ്ങൾക്ക്​ മാത്രം പുറത്തിറങ്ങുക. 
11. പൊതു സ്​ഥലങ്ങളിൽ എല്ലാവരും മാസ്​ക്ക്​ ധരിക്കണം