കോവിഡ്: ബഹ്റൈനിൽ മലയാളി ഉൾപ്പെടെ രണ്ടു പേർകൂടി മരിച്ചു
text_fieldsമനാമ: ബഹ്റൈനിൽ കോവിഡ് ബാധിച്ച് മലയാളി ഉൾപ്പെടെ രണ്ടു പേർകൂടി മരിച്ചു. ആലപ്പുഴ ഹരിപ്പാട് കാരിച്ചാൽ അജിത് ഭവനത്തിൽ കെ.ടി. അജീന്ദ്രനാണ് (52) മരിച്ച മലയാളി.
11 വർഷമായി ബഹ്റൈനിൽ പ്രവാസിയായ ഇദ്ദേഹം കമ്പനിയിൽ ക്ലീനിങ് വിഭാഗത്തിൽ ജോലി ചെയ്യുകയായിരുന്നു. ഭാര്യ: ഗിരിജ. മക്കൾ: അജിത്, അരുൺ. ഇതോടെ ബഹ്റൈനിൽ കോവിഡ് ബാധിച്ചു മരിച്ച മലയാളികളുടെ എണ്ണം എട്ടായി. 84 വയസ്സുള്ള സ്വദേശിയാണ് മരിച്ച മറ്റൊരാൾ. ഇതോടെ, രാജ്യത്ത് കോവിഡ് ബാധിച്ച് മരിച്ചവരുടെ എണ്ണം 158 ആയി. പുതുതായി 375 പേർക്കുകൂടി രോഗം സ്ഥിരീകരിച്ചു.
ഇവരിൽ 138 പേർ പ്രവാസികളാണ്. 237 പേർക്ക് സമ്പർക്കത്തിലൂടെയാണ് രോഗം പകർന്നത്.നിലവിൽ 2788 പേരാണ് ചികിത്സയിൽ കഴിയുന്നത്. 369 പേർ സുഖംപ്രാപിച്ചതായും ആരോഗ്യ മന്ത്രാലയം അറിയിച്ചു. ഇതോടെ, രാജ്യത്ത് രോഗമുക്തി നേടിയവരുടെ എണ്ണം 39,945 ആയി ഉയർന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.