കോവിഡ്​: ബഹ്​റൈനിൽ രണ്ടുപേർ കൂടി മരിച്ചു

മ​നാ​മ: ബഹ്​റൈനിൽ കോവിഡ്​ ബാധിച്ച്​ രണ്ടുപേർ കൂടി മരിച്ചു. 40കാരനായ പ്രവാസിയും 72 വയസുള്ള സ്വദേശി പുരുഷനുമാണ്​ മരിച്ചത്. ഇതോടെ രാജ്യത്ത്​ മരിച്ചവരുടെ എണ്ണം 27 ആയി.പുതുതായി 654 പേർക്ക്​ കൂടി കോവിഡ്​ സ്ഥിരീകരിച്ചു. ഇവരിൽ 314 പേർ പ്രവാസികളാണ്​. 299 പേർക്ക്​ സമ്പർക്കത്തിലൂടെയും 41 പേർക്ക്​ യാത്രയിലൂടെയുമാണ്​ രോഗം പകർന്നത്​. നിലവിൽ 5065 പേരാണ്​ ചികിത്സയിൽ കഴിയുന്നത്​. 858 പേർ രോഗമുക്​തി നേടിയതായും ആരോഗ്യ മന്ത്രാലയം അറിയിച്ചു. ഇതോടെ രാജ്യത്ത്​ സുഖം പ്രാപിച്ചവരുടെ എണ്ണം 10,326 ആയി ഉയർന്നു.