ബഹ്​റൈനിൽ കോവിഡ്​ ബാധിച്ച്​ 38 വയസുള്ള സ്വദേശി മരിച്ചു

മനാമ: ബഹ്​റൈനിൽ കോവിഡ്​ ബാധിച്ച്​ ചികിത്സയിൽ കഴിഞ്ഞ ഒരാൾ കൂടി മരിച്ചു. 38 വയസുള്ള സ്വദേശി പുരുഷനാണ്​ മരിച്ചത്​. ഇതോടെ, രാജ്യത്ത്​ മരിച്ചവരുടെ എണ്ണം 163 ആയി.

പുതുതായി 382 പേർക്കാണ്​ കഴിഞ്ഞ ദിവസം രോഗം സ്​ഥിരീകരിച്ചത്​. ഇവരിൽ 165 പേർ പ്രവാസികളാണ്​. 214 പേർക്ക്​ സമ്പർക്കത്തിലൂടെയും മൂന്ന്​ പേർക്ക്​ യാത്രയിലുടെയുമാണ്​ രോഗം പകർന്നത്​. നിലവിൽ 2881 പേരാണ്​ ചികിത്സയിൽ കഴിയുന്നത്​.

418 ​പേരാണ്​ കഴിഞ്ഞ ദിവസം സുഖം പ്രാപിച്ചത്​. ഇതോടെ, രാജ്യത്ത്​ രോഗമുക്​തി നേടിയവരുടെ എണ്ണം 40967 ആയി ഉയർന്നു.