നിർദേശത്തിന് പാർലമെന്‍റ്​ അംഗീകാരം; 1976 ശിക്ഷാ നിയമത്തിലെ വിവാദവ്യവസ്ഥ ഒഴിവാക്കിയേക്കും

മ​നാ​മ: ബ​ലാ​ത്സം​ഗ​കേ​സി​ലെ പ്ര​തി ഇ​ര​യെ വി​വാ​ഹം ക​ഴി​ച്ചാ​ൽ ശി​ക്ഷ​യി​ൽ​നി​ന്ന് ഒ​ഴി​വാ​കു​മെ​ന്ന 1976 ശി​ക്ഷാ നി​യ​മ​ത്തി​ലെ വി​വാ​ദ വ്യ​വ​സ്ഥ​യാ​യ ആ​ർ​ട്ടി​ക്കി​ൾ 353 ഒ​ഴി​വാ​ക്കാ​നു​ള്ള സാ​ധ്യ​ത തെ​ളി​യു​ന്നു. കു​റ്റ​വാ​ളി​ക​ൾ​ക്ക് ര​ക്ഷ​പ്പെ​ടാ​ൻ അ​വ​സ​രം ന​ൽ​കു​ന്ന നി​ല​വി​ലു​ള്ള നി​യ​മ​ത്തി​ലെ ഈ ​പ​ഴു​ത് ഒ​ഴി​വാ​ക്കാ​നു​ള്ള നി​ർ​ദേ​ശം പാ​ർ​ല​​മെ​ന്റ് അം​ഗീ​ക​രി​ച്ച​തോ​ടെ​യാ​ണി​ത്. വി​ഷ​യം ശൂ​റ കൗ​ൺ​സി​ലി​​ന്റെ പ​രി​ശോ​ധ​ന​ക്ക് വ​രും. ശൂ​റ കൗ​ൺ​സി​ൽ പാ​ർ​ല​​​മെ​ന്റ് നി​ർ​ദേ​ശം അം​ഗീ​ക​രി​ക്കു​ക​യാ​ണെ​ങ്കി​ൽ രാ​ജാ​വ് ഹ​മ​ദ് ബി​ൻ ഈ​സ ആ​ൽ ഖ​ലീ​ഫ​യു​ടെ അ​ന്തി​മ അ​നു​മ​തി​യോ​ടെ നി​യ​മ​മാ​കും. 1976ലെ ​ശി​ക്ഷ നി​യ​മ​ത്തി​ലെ വി​വാ​ദ വ്യ​വ​സ്ഥ സ്ത്രീ​ക​ളു​ടെ പ​ദ​വി ത​രം​താ​ഴ്ത്തു​ന്ന​താ​ണെ​ന്ന് പാ​ർ​ല​​മെ​ന്റ് അം​ഗ​ങ്ങ​ൾ ചൂ​ണ്ടി​ക്കാ​ട്ടി​യി​രു​ന്നു.

വ്യ​വ​സ്ഥ ഒ​ഴി​വാ​ക്കു​ന്ന​ത് നീ​തി പു​ല​രാ​ൻ ഇ​ട​യാ​ക്കു​മെ​ന്ന് ഇ​സ്‍ലാ​മി​ക കാ​ര്യ നീ​തി​ന്യാ​യ മ​ന്ത്രി ന​വാ​ഫ്​ അ​ൽ മു​ആ​വ​ദ പ​റ​ഞ്ഞു. എ​ല്ലാ മ​ത​വി​ഭാ​ഗ​ങ്ങ​ളെ​യും ബ​ഹു​മാ​നി​ക്കു​ന്ന സ​മൂ​ഹ​മാ​ണ് ബ​ഹ്റൈ​നി​ലു​ള്ള​തെ​ന്നും സാ​മൂ​ഹി​ക​വും സാം​സ്കാ​രി​ക​വു​മാ​യ മാ​റ്റ​ങ്ങ​ൾ​ക്ക​നു​സ​രി​ച്ച് നി​യ​മ​ങ്ങ​ൾ കാ​ലോ​ചി​ത​മാ​യി ന​വീ​ക​രി​ക്കാ​ൻ രാ​ജ്യം ത​യാ​റാ​ണെ​ന്നും അ​ദ്ദേ​ഹം പ​റ​ഞ്ഞു. മൂ​ല്യ​ങ്ങ​ളെ ഉ​യ​ർ​ത്തി​പ്പി​ടി​ക്കു​ന്ന രാ​ജ്യം എ​ല്ലാ​വി​ധ ക്രി​മി​ന​ൽ ന​ട​പ​ടി​ക​ൾ​ക്കെ​തി​രെ​യും ശ​ക്ത​മാ​യ നി​ല​പാ​ടെ​ടു​ത്തി​ട്ടു​ണ്ട്. ക​ഴി​ഞ്ഞ​വ​ർ​ഷം രാ​ജ്യ​ത്ത് ഒ​രു ബ​ലാ​ത്സം​ഗ കേ​സ് പോ​ലും റി​​പ്പോ​ർ​ട്ട് ചെ​യ്യ​പ്പെ​ട്ടി​ട്ടി​ല്ലെ​ന്നും പ​ബ്ലി​ക് പ്രോ​സി​ക്യൂ​ഷ​ന്റെ ക​ണ​ക്കു​ക​ൾ ഉ​ദ്ധ​രി​ച്ചു​കൊ​ണ്ട് അ​ദ്ദേ​ഹം ച​ർ​ച്ച​ക്കി​ടെ ചൂ​ണ്ടി​ക്കാ​ട്ടി.

നി​യ​മ​ഭേ​ദ​ഗ​തി സം​ബ​ന്ധി​ച്ച പാ​ർ​ല​മെ​ന്റ് അം​ഗ​ങ്ങ​ളു​ടെ നി​ർ​ദേ​ശം അ​വ​ലോ​ക​നം ചെ​യ്​​ത പാ​ർ​ല​മെ​ന്റി​ലെ വി​ദേ​ശ​കാ​ര്യ, പ്ര​തി​രോ​ധ, ദേ​ശീ​യ സു​ര​ക്ഷ സ​മി​തി, ആ​ഭ്യ​ന്ത​ര, തൊ​ഴി​ൽ, സാ​മൂ​ഹി​ക വി​ക​സ​ന മ​ന്ത്രാ​ല​യ​ങ്ങ​ളു​മാ​യും നീ​തി​ന്യാ​യ-​ഇ​സ്‌​ലാ​മി​ക കാ​ര്യ, ഔ​ഖാ​ഫ്​ മ​ന്ത്രാ​ല​യ​വു​മാ​യും ച​ർ​ച്ച​ക​ൾ ന​ട​ത്തി​യി​രു​ന്നു. ബ​ഹ്​​റൈ​ൻ വ​നി​താ സു​പ്രീം കൗ​ൺ​സി​ൽ, ഇ​സ്​​ലാ​മി​ക​കാ​ര്യ സു​പ്രീം കൗ​ൺ​സി​ൽ, നാ​ഷ​ണ​ൽ ഇ​ൻ​സ്റ്റി​റ്റ്യൂ​ഷ​ൻ ഫോ​ർ ഹ്യൂ​മ​ൻ റൈ​റ്റ്‌​സ് എ​ന്നി​വ​യു​മാ​യും വി​ഷ​യം ച​ർ​ച്ച ചെ​യ്തു. നി​യ​മ​ത്തി​ലെ പ​ഴു​ത് കു​റ്റ​വാ​ളി​ക​ൾ​ക്ക് സ​ഹാ​യ​ക​ര​മാ​ണെ​ന്നും കു​റ്റം ചെ​യ്യാ​ൻ പ്രേ​രി​പ്പി​ക്കു​ന്ന​താ​ണെ​ന്നും സ​ർ​വി​സ​സ് ക​മ്മി​റ്റി വൈ​സ് ചെ​യ​ർ​പേ​ഴ്​​സ​ൻ ജ​ലീ​ല അ​സ്സ​യ്യി​ദ്​ ച​ർ​ച്ച​ക്കി​ടെ ചൂ​ണ്ടി​ക്കാ​ട്ടി. ശി​ക്ഷ​യി​ൽ​നി​ന്ന് ര​ക്ഷ​പ്പെ​ടു​ന്ന കു​റ്റ​വാ​ളി​ക​ൾ​ക്ക് ഇ​ര​യെ ഭാ​ര്യ​യാ​യി ല​ഭി​ക്കു​ന്ന​ത് ഒ​രു സ​മ്മാ​നം കൂ​ടി ല​ഭി​ക്കു​ന്ന​തി​ന് തു​ല്യ​മാ​ണെ​ന്നും അ​വ​ർ പ​റ​ഞ്ഞു.

ത​ട്ടി​ക്കൊ​ണ്ടു​പോ​ക​ലി​നും ബ​ലാ​ത്സം​ഗ​ത്തി​നും വി​ധേ​യ​രാ​കു​ന്ന സ്ത്രീ​ക​ൾ പ​ല​പ്പോ​ഴും നാ​ണ​ക്കേ​ട് ഒ​ഴി​വാ​ക്കാ​നും കു​ടും​ബ​ത്തി​ന്റെ അ​ഭി​മാ​നം സം​ര​ക്ഷി​ക്കാ​നും വി​വാ​ഹ​ത്തി​ന് നി​ർ​ബ​ന്ധി​ത​രാ​കു​ക​യാ​ണ്. അ​ല്ലെ​ങ്കി​ൽ അ​വ​ൾ സ​മൂ​ഹ​ത്തി​ൽ​നി​ന്ന് നി​ഷ്കാ​സി​ത​യാ​കു​ന്ന അ​വ​സ്ഥ​യാ​ണെ​ന്നും ഇ​ത് പ​രി​ഷ്കൃ​ത സ​മൂ​ഹ​ത്തി​ന് യോ​ജി​ച്ച​ത​ല്ലെ​ന്നും അ​വ​ർ കൂ​ട്ടി​ച്ചേ​ർ​ത്തു. ശ​രീ​അ​ത്ത് നി​യ​മ​മ​നു​സ​രി​ച്ച് ഇ​രു കൂ​ട്ട​രു​ടേ​യും സ​മ്മ​ത​മു​ണ്ടാ​യാ​ൽ മാ​ത്ര​മേ വി​വാ​ഹ ഉ​ട​മ്പ​ടി സാ​ധു​വാ​കു​ന്നു​ള്ളു. ഇ​വി​ടെ ഇ​ര​യാ​ക്ക​പ്പെ​ട്ട സ്ത്രീ ​സ​മ്മ​ത​ത്തോ​ടു​കൂ​ടി​യ​ല്ല വി​വാ​ഹ​ത്തി​ന് ത​യാ​റാ​കു​ന്ന​തെ​ന്ന​തി​നാ​ൽ വി​വാ​ഹ​ക്ക​രാ​ർ സാ​ധു​വ​ല്ലെ​ന്നും ച​ർ​ച്ച​യി​ൽ പാ​ർ​ല​മെ​ന്റ് അം​ഗ​ങ്ങ​ൾ ചൂ​ണ്ടി​ക്കാ​ട്ടി.