ബ​ഹു​സ്വ​ര​ത​യു​ടെ സം​ര​ക്ഷ​ണ​ത്തി​ന് ഭ​ര​ണ​ഘ​ട​ന സാ​ക്ഷ​ര​ത അ​നി​വാ​ര്യം -ഐ.​സി.​എ​ഫ്

മ​നാ​മ: ഇ​ന്ത്യ​യു​ടെ ആ​ത്മാ​വ് നി​ല​നി​ൽ​ക്കു​ന്ന​ത് ബ​ഹു​സ്വ​ര​ത​യി​ലാ​ണെ​ന്നും ബ​ഹു​സ്വ​ര​ത​യു​ടെ സം​ര​ക്ഷ​ണ​ത്തി​ന് ഭ​ര​ണ​ഘ​ട​ന സാ​ക്ഷ​ര​ത അ​നി​വാ​ര്യ​മാ​ണെ​ന്നും ഐ.​സി.​എ​ഫ് ബ​ഹ്റൈ​ൻ സം​ഘ​ടി​പ്പി​ച്ച പൗ​ര​സ​ഭ അ​ഭി​പ്രാ​യ​പ്പെ​ട്ടു.

78ാമ​ത് സ്വാ​ത​ന്ത്ര്യ ദി​നാ​ഘോ​ഷ​ങ്ങ​ളു​ടെ ഭാ​ഗ​മാ​യാ​ണ് വൈ​വി​ധ്യ​ങ്ങ​ളു​ടെ ഇ​ന്ത്യ എ​ന്ന ശീ​ർ​ഷ​ക​ത്തി​ൽ ഐ.​സി.​എ​ഫ് പൗ​ര​സ​ഭ സം​ഘ​ടി​പ്പി​ച്ച​ത്. വൈ​വി​ധ്യ​ങ്ങ​ളി​ലാ​ണ് ഇ​ന്ത്യ​യു​ടെ ഏ​ക​ത്വം കു​ടി​കൊ​ള്ളു​ന്ന​ത്. ലോ​ക​ത്തെ​ങ്ങു​മി​ല്ലാ​ത്ത വി​ധ​ത്തി​ൽ അ​നേ​കം വൈ​വി​ധ്യ​ങ്ങ​ളു​ള്ള ജ​ന​ത ഒ​രു ഇ​ന്ത്യ​യാ​യി​രി​ക്കു​ന്ന​ത് വൈ​വി​ധ്യ​ങ്ങ​ളു​ടെ സം​ര​ക്ഷ​ണം ഉ​റ​പ്പ് ന​ൽ​കു​ന്ന ഭ​ര​ണ​ഘ​ട​ന​യു​ള്ള​ത് കൊ​ണ്ടാ​ണ്.

ഭ​ര​ണ​ഘ​ട​ന​യു​ടെ ആ​മു​ഖം പോ​ലും ഇ​ന്ത്യ എ​ന്ന ആ​ശ​യ​ത്തി​ലേ​ക്കു​ള്ള ചൂ​ണ്ടു പ​ല​ക​യാ​ണ്. നീ​തി​യും സ്വാ​ത​ന്ത്ര്യ​വും അ​വ​സ​ര സ​മ​ത്വ​വു​മാ​ണ് ഭ​ര​ണ​ഘ​ട​ന​യു​ടെ കാ​ത​ൽ. പൗ​ര​ന്മാ​രു​ടെ അ​വ​കാ​ശ​ങ്ങ​ൾ​ക്കു മേ​ലു​ള്ള ക​ട​ന്നു​ക​യ​റ്റം ഭ​ര​ണ​ഘ​ട​ന ഉ​റ​പ്പ് ന​ൽ​കു​ന്ന നീ​തി​ക്കും സ​മ​ത്വ​ത്തി​നും വെ​ല്ലു​വി​ളി​യാ​ണെ​ന്നും അ​ത്ത​രം വെ​ല്ലു​വി​ളി​ക​ളെ ഭ​ര​ണ​ഘ​ട​ന ഉ​യ​ർ​ത്തി​പ്പി​ടി​ച്ച് നേ​രി​ട​ണ​മെ​ന്നും പൗ​ര​സ​ഭ അ​ഭി​പ്രാ​യ​പ്പെ​ട്ടു.

സ​ൽ​മാ​ബാ​ദ് അ​ൽ ഹി​ലാ​ൽ ഓ​ഡി​റ്റോ​റി​യ​ത്തി​ൽ സം​ഘ​ടി​പ്പി​ച്ച പൗ​ര​സ​ഭ അ​ബ്ദു​ൽ സ​ലാം മു​സ് ലി​യാ​രു​ടെ അ​ധ്യ​ക്ഷ​ത​യി​ൽ ഐ.​സി.​എ​ഫ് നാ​ഷ​ന​ൽ സം​ഘ​ട​ന കാ​ര്യ പ്ര​സി​ഡ​ന്‍റ് ഷാ​ന​വാ​സ് മ​ദ​നി ഉ​ദ്ഘാ​ട​നം ചെ​യ്തു.

ഐ.​സി.​എ​ഫ് ബ​ഹ്റൈ​ൻ ജ​ന​റ​ൽ സെ​ക്ര​ട്ട​റി അ​ഡ്വ. എം.​സി. അ​ബ്ദു​ൽ ക​രീം പ്ര​മേ​യ​ഭാ​ഷ​ണം ന​ട​ത്തി. ഗ​ഫൂ​ർ കൈ​പ്പ​മം​ഗ​ലം, ബി​നു കു​ന്ന​ന്താ​നം, രാ​ജീ​വ് വെ​ള്ളി​ക്കോ​ത്ത്, ഗ​ഫൂ​ർ ഉ​ണ്ണി​കു​ളം, ചെ​മ്പ​ൻ ജ​ലാ​ൽ എ​ന്നി​വ​ർ സം​സാ​രി​ച്ചു. ഫൈ​സ​ൽ ചെ​റു​വ​ണ്ണൂ​ർ സ്വാ​ഗ​ത​വും ഷം​സു​ദ്ദീ​ൻ പൂ​ക്ക​യി​ൽ ന​ന്ദി​യും പ​റ​ഞ്ഞു.