ഉച്ചസമയത്തെ പുറംജോലികൾക്കുള്ള നിരോധനം 15 കമ്പനികൾ ലംഘിച്ചു

മനാമ: വേനലിലെ ഉച്ച സമയത്തെ പുറം ജോലികൾക്കുള്ള നിരോധനം നിലവിൽ വന്ന്​ രണ്ടാഴ്​ചയാകു​േമ്പാൾ ഇൗ നിയമം ലംഘിച്ചത്​ 15 കമ്പനികൾ. ജൂലൈ^ ആഗസ്​റ്റ്​ മാസങ്ങളിൽ ഉച്ച 12 മണി മുതൽ വൈകീട്ട്​ നാലുവരെയാണ്​ പുറം ജോലികൾക്ക്​ നിരോധനമുള്ളത്​. 2007 മുതൽ ഇൗ നിയമം രാജ്യത്ത്​ പ്രാബല്യത്തിലുണ്ട്. കഴിഞ്ഞ ദിവസം 44 ഡിഗ്രിവരെയാണ്​ ചൂടെത്തിയത്​. ഇതോടൊപ്പം 85ശതമാനം വരെ ഹ്യുമിഡിറ്റിയും അനുഭവപ്പെട്ടതിനാൽ ചൂടിൽ പുഴുങ്ങുന്ന അവസ്​ഥയിലായിരുന്നു. 

നിരോധിത സമയത്ത്​ ജോലി ചെയ്യുന്ന 33 തൊഴിലാളികളെയാണ്​ കണ്ടെത്തിയത്​.ഇവർ വിവിധ സ്​ഥാപനങ്ങളിൽ ​േജാലി ചെയ്യുന്നവരാണ്​. നിയമലംഘനത്തിന്​ ഉത്തരവാദികളായ 15 കമ്പനികൾക്കെതിരെ പിഴ ചുമത്തിയതായി തൊഴിൽ,സാമൂഹിക വികസന മന്ത്രാലയത്തിലെ തൊഴിൽകാര്യ അണ്ടർ സെക്രട്ടറി സബാഹ്​ അദ്ദൂസരി പ്രാദേശികപത്രത്തോട്​ പറഞ്ഞു. 

പൊതുവെ ജോലി സമയ നിയന്ത്രണത്തിൽ സ്വകാര്യമേഖലയിൽ നിന്ന്​ നല്ല പ്രതികരണമാണ്​ ലഭിക്കുന്നതെന്നും അദ്ദേഹം വ്യക്​തമാക്കി. നിയമം പാടെ ലംഘിക്കുന്നവർക്ക്​ മൂന്ന്​ മാസം വരെ തടവുശിക്ഷയും 500 മുതൽ 1000 ദിനാർ വരെ പിഴയും നൽകാൻ വ്യവസ്​ഥയുണ്ട്​. ഇലക്​ട്രിക്കൽ, വാട്ടർ അതോറിറ്റി​ വകു​പ്പുകൾ പോലുള്ള അവശ്യസേവന വിഭാഗങ്ങൾക്ക്​ മാത്രമാണ്​ സമയനിയന്ത്രണത്തിൽ ഇളവുള്ളത്​.

ഏതെങ്കിലും സാചര്യത്തിൽ അടിയന്തര സ്വഭാമുള്ള ജോലികൾ നിരോധിത സമയത്ത്​ ചെയ്യേണ്ടവർ ഇക്കാര്യം മന്ത്രാലയ​െത്ത നേരത്തെ അറിയിച്ച്​ അനുമതി വാങ്ങണമെന്നും അദ്ദേഹം പറഞ്ഞു. ‘അൽബ’യുടെ പുതിയ സുരക്ഷ ബോധവത്​കരണ കാമ്പയിൻ ഉദ്​ഘാടന വേളയിൽ സംസാരിക്കുകയായിരുന്നു സബാഹ്​ അദ്ദൂസരി. കഴിഞ്ഞ വർഷം നിയമലംഘനത്തിൽ വളരെ കുറവ്​ വന്നിട്ടുണ്ട്. ജൂലൈ, ആഗസ്​റ്റ്​ മാസങ്ങളിൽ പോയവർഷം 10,035  പരിശോധനകളാണ്​ അധികൃതർ നടത്തിയത്​. 99 ശതമാനം കമ്പനികളും നിയമം പാലിക്കുന്നുവെന്നാണ്​ പരിശോധനകളിൽ വ്യക്തമായത്​.