കാലാവസ്ഥ മാറ്റം: ആരോഗ്യ പ്രശ്​നങ്ങളും തുടങ്ങി

മനാമ: വേനൽക്കാലം അവസാനിക്കുകയും ശൈത്യകാലത്തി​​​െൻറ വരവറിയിച്ച്​ മഴയും പൊടിക്കാറ്റും വ്യാപകമായ സാഹചര്യത് തിൽ ആരോഗ്യപ്രശ്​നങ്ങളുണ്ടാകാനുള്ള സാധ്യത ഏറെയാണെന്ന്​ ഡോക്​ടർമാർ മുന്നറിയിപ്പ്​ നൽകുന്നു. കാലാവസ്ഥമാറ്റവുമായി ഉണ്ടാകുന്ന ശാരീരിക പ്രശ്​നങ്ങളെ സൂക്ഷ്​മതയോടെ നേരിട്ടാൽ ആരംഭത്തിൽതന്നെ ഭേദപ്പെടുത്താവുന്നതാണെന്നും ഡോക്​ടർമാർ പറയുന്നു. മഴ പെയ്​ത സാഹചര്യത്തിൽ ജലദോഷം, പനി, തൊണ്ടവേദന, ത്വക്കിലുണ്ടാകുന്ന ചില അസ്വസ്ഥതകൾ, അലർജി രോഗങ്ങൾ, ശ്വാസംമുട്ട്​ തുടങ്ങിയവ ബാധിച്ച്​ ആശ​ുപത്രികളിൽ എത്തുന്നവരുടെ എണ്ണവും വർധിച്ചിട്ടുണ്ട്​.

തണുത്ത അന്നപാനീയങ്ങൾ ഒഴിവാക്കുക
കാലാവസ്ഥമാറ്റം മൂലമുള്ള ശാരീരിക പ്രശ്​നങ്ങൾ ഉണ്ടാകാൻ സാധ്യതയുള്ളതിനാൽ, പാകം ചെയ്​ത​ശേഷം മണിക്കൂറുകൾ കഴിഞ്ഞതും തണുത്തതുമായ ഭക്ഷണപദാർഥങ്ങൾ ഒഴിവാക്കുന്നതായിരിക്കും നല്ലതെന്നും ഡോക്​ടർമാർ മുന്നറിയിപ്പ്​ നൽകുന്നു. രോഗബാധ ഉണ്ടാകാൻ സാധ്യതയുള്ളതിനാൽ പരമാവധി തണുത്ത സാധനങ്ങൾ കഴിക്കരുത്​. ചൂട്​ വെള്ളം ധാരാളം കുടിക്കുകയും വേണം. പൊടിക്കാറ്റുണ്ടാകു​േമ്പാൾ പുറത്തിറങ്ങാതിരിക്കുന്നതും നല്ലതാണ്​. അഥവാ പുറത്തിറങ്ങുകയാണങ്കിൽ ചെവി, മൂക്ക്​ എന്നിവ മറക്കുന്നത്​ ഉചിതമായിരിക്കും. മഴ നനയാതിരിക്കാനും ശ്രദ്ധിക്കണം.

‘ആൻറിബയോട്ടിക്കുകൾ ആവശ്യമില്ല’
കാലവസ്ഥ മാറ്റവുമായി ബന്​ധപ്പെട്ട്​ പനി, ജലദോഷം തൊണ്ടവേദന,ചുമ എന്നിങ്ങനെയുള്ള പ്രശ്​നങ്ങൾ ഉണ്ടാകു​േമ്പാൾ സ്വയം ചികിത്​സ നടത്തി മെഡിക്കൽ ഷോപ്പുകളിൽ നിന്ന്​ ആൻറിബയോട്ടിക്കുകൾ വാങ്ങി കഴിക്കരുതെന്ന്​ ഡോക്​ടർമാർ ചൂണ്ടിക്കാട്ടുന്നു.
അന്തരീക്ഷ വ്യതിയാനത്തി​​​െൻറ ഭാഗമായുള്ള ചെറിയ ആരോഗ്യ പ്രശ്​നങ്ങൾ മാത്രമാണിവ. ശരീരത്തിന്​ ​ വിശ്രമം നൽകുകയും തിളപ്പിച്ചാറ്റിയ വെള്ളം ധാരാളം കുടിക്കുകയും ചെയ്​താൽ കുറച്ചുദിവസങ്ങൾക്കുള്ളിൽ ഇൗ അസുഖങ്ങൾ ഭേദപ്പെടുമെന്ന്​ അമേരിക്കൻ മിഷൻ ആശ​ുപത്രിയിലെ ഡോ. ബാബുരാമചന്ദ്രൻ ‘ഗൾഫ്​ മാധ്യമ’ത്തോട്​ പറഞ്ഞു. പനിയോ ജലദോഷമോ ഉണ്ടാകു​േമ്പാൾ പ്രവാസികളിൽ
പലര​ും സ്വയം തീരുമാനിച്ച്​ ആൻറിബ​േയാട്ടിക്കുകൾ വാങ്ങികഴിക്കുന്ന പതിവുണ്ട്​. ഡോക്​ടറുടെ നിർദേശമല്ലാതെ ഇത്തരത്തിൽ മരുന്ന്​ കഴിക്കുന്നത്​ ആരോഗ്യത്തിന്​ നന്നല്ല. മൂന്നുനാല്​ ദിവസം കഴിഞ്ഞിട്ടും അസുഖം മാറാത്തപക്ഷം ഡോക്​ടറെ കാണുകയായിരിക്കും ഉത്തമം.