സിനി ടോക്ക്, തിരുവാതിരക്കളി മത്സരങ്ങൾ നടന്നു
text_fieldsമനാമ: കേരളീയ സമാജത്തിന്റെ ഓണാഘോഷങ്ങളുടെ ഭാഗമായി സിനി ടോക്ക് മത്സരം നടന്നു. സിനിമാധിഷ്ഠിത അഭിനയാവിഷ്കാരത്തിലൂന്നിയുള്ള പരിപാടിയിൽ 11 ടീമുകൾ പങ്കെടുത്തു. പത്താം തീയതി ചൊവ്വാഴ്ച നടന്ന മത്സരത്തിൽ കുട്ടികളുടെ പ്രകടനങ്ങൾ പ്രത്യേക പ്രശംസ നേടി.
മത്സരത്തിൽ അവർ കിഡ്സ്, സിനി ഗ്രേപ്സ്, സാദിഖ് ആൻഡ് ഫ്രണ്ട്സ് എന്നീ ടീമുകൾ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി. കുമാരി ഇഷാൽ മെഹർ ഹാഷിം ബെസ്റ്റ് പെർഫോർമർ അവാർഡ് നേടി. പ്രസിഡന്റ് പി.വി. രാധാകൃഷ്ണ പിള്ള ഫല പ്രഖ്യാപനം നടത്തി. പരിപാടിയുടെ കൺവീനർ അരുൺ ആർ. പിള്ള നന്ദി പറഞ്ഞു.
ബുധനാഴ്ച വൈകീട്ട് സമാജം ഡി.ജെ ഹാളിൽവെച്ച് നടന്ന തിരുവാതിരക്കളി മത്സരത്തിൽ ആറ് ടീമുകൾ മാറ്റുരച്ചു. വാശിയേറിയ മത്സരത്തിൽ മത്സരത്തിൽ എസ്.എൻ.സി.എസ്, ബി.കെ.എസ് സാഹിത്യവിഭാഗം, ബി.കെ.എസ് വനിത വേദി എന്നീ ടീമുകൾ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി. സമാജം പ്രസിഡന്റ് പി.വി. രാധാകൃഷ്ണ പിള്ള ഫല പ്രഖ്യാപനം നടത്തി. പരിപാടിയുടെ കൺവീനർ രജിത അനി നന്ദി പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

