ഭാവനയുടെ വർണക്കൂ​െട്ടാരുക്കി കുട്ടികളുടെ ചിത്രപ്രദർശനം 

മനാമ: സന്തോഷ് പോരുവഴിയുടെ കീഴിൽ ചിത്രകലാ പഠനം നടത്തിയ 60 ഒാളം ബഹ്‌റൈൻ പ്രവാസികളായ ബാലിക^ബാലൻമാരുടെ ചിത്ര പ്രദർശനം കെ.സി.എ ഓഡിറ്റോറിയത്തിൽ നടന്നു. ഇന്നലെ വൈകീട്ട്​ ഏഴുമണി മുതലാണ്​ ‘കളർ എക്സ്പ്ലോഷൻ’ എന്ന പേരിലുള്ള പ്രദർശനം നടന്നത്​. തുടർച്ചയായി മൂന്നാം വർഷവും നടക്കുന്ന പരിപാടിയിൽ ഇന്ത്യയിലെ വിവിധ സംസ്ഥാനങ്ങളിൽ നിന്നുള്ള കുട്ടികളുടെ ചിത്രങ്ങളാണ് പ്രദർശിപ്പിച്ചത്​. 
പ്രദർശനം പ്രശസ്​ത ബഹ്​റൈനി ആർടിസ്​റ്റ്​ അബ്ബാസ് അൽ മൂസവി ഉദ്​ഘാടനം ചെയ്​തു. ബഹ്‌റൈൻ ആർട്​ സൊസൈറ്റിയിലെ ആദ്യ വനിതാഅംഗവും പ്രശസ്ത കലാകാരിയുമായ ബൽഖീസ്​ ഫക്രൂ, ബ്രിട്ടീഷ് ആർടിസ്​റ്റ്​ ജാക്വിലൈൻ ഡി ഫ്രയിറ്റാസ് തുടങ്ങിയവർ പ​െങ്കടുത്തു. പ്രദർശനം കാണാൻ നിരവധി പേരെത്തി.