കു​ട്ടി​ക​ൾ​ക്ക് അ​മ്മ​മാ​രു​ടെ പൗ​ര​ത്വം ന​ൽ​ക​ണം

മ​നാ​മ: പ്ര​വാ​സി​യാ​യ പു​രു​ഷ​നെ വി​വാ​ഹം ക​ഴി​ച്ച ബ​ഹ്റൈ​നി യു​വ​തി​യു​ടെ മ​ക്ക​ൾ​ക്ക് അ​വ​രു​ടെ അ​മ്മ​മാ​രു​ടെ പൗ​ര​ത്വം ന​ൽ​ക​ണ​മെ​ന്ന ച​ർ​ച്ച​ക​ൾ വീ​ണ്ടും സ​ജീ​വ​മാ​കു​ന്നു.

വി​ഷ​യം ഗൗ​ര​വ​മാ​യി പ​രി​ഗ​ണി​ക്കു​മെ​ന്നും 1965ലെ ​കു​ടി​യേ​റ്റ താ​മ​സ​ക്കാ​ർ​ക്കു​ള്ള താ​മ​സ നി​യ​മം ഭേ​ദ​ഗ​തി ചെ​യ്യാ​നു​ള്ള ശ്ര​മ​ങ്ങ​ൾ ന​ട​ത്തു​മെ​ന്നും പാ​ർ​ല​മെ​ന്‍റ് വി​ദേ​ശ​കാ​ര്യ, പ്ര​തി​രോ​ധ, ദേ​ശീ​യ സു​ര​ക്ഷാ സ​മി​തി അ​ധ്യ​ക്ഷ​ൻ എം.​പി ഹ​സ്സ​ൻ ബു​ഖ​മ്മാ​സ് പ​റ​ഞ്ഞു. ഗു​ദൈ​ബി​യ​യി​ൽ ന​ട​ന്ന വാ​ർ​ത്ത​സ​മ്മേ​ള​ന​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

പാ​സ്പോ​ർ​ട്ട് ആ​വ​ശ്യ​വു​മാ​യി ബ​ന്ധ​പ്പെ​ട്ട നി​യ​മ​ക്കു​രു​ക്കി​ല​ക​പ്പെ​ട്ട ഇ​ത്ത​രം കു​ടും​ബ​ങ്ങ​ളി​ലെ കു​ട്ടി​ക​ളു​ടെ പൗ​ര​ത്വ​ത്തി​നാ​യു​ള്ള ഭേ​ദ​ഗ​തി​ക​ൾ ക​ണ്ടെ​ത്താ​ൻ ആ​ഭ്യ​ന്ത​ര മ​ന്ത്രാ​ല​യ​വു​മാ​യി വി​ശ​ദ​മാ​യ ച​ർ​ച്ച ന​ട​ത്തു​മെ​ന്നും അ​ദ്ദേ​ഹം പ​റ​ഞ്ഞു. അ​ത്ത​രം കു​ട്ടി​ക​ൾ ഇ​വി​ടെ പൗ​ര​ന്മാ​രാ​യി ത​ന്നെ തു​ട​ര​ണ​മെ​ന്ന ആ​വ​ശ്യ​ത്തെ ഞ​ങ്ങ​ൾ പി​ന്തു​ണ​ക്കു​ന്നു, അ​വ​രു​ടെ പി​താ​വി​ന്‍റെ മാ​തൃ​രാ​ജ്യ​വു​മാ​യി അ​വ​ർ​ക്ക് ഒ​രു ബ​ന്ധ​വു​മു​ണ്ടാ​കി​ല്ല, ബ​ഹ്റൈ​നി​ലും അ​വ​രെ അ​പ​രി​ചി​ത​രാ​യി കാ​ണു​ന്ന​ത് ശ​രി​യ​ല്ലെ​ന്നും ബു​ഖ​മ്മാ​സ് പ​റ​ഞ്ഞു. നി​ല​വി​ൽ രാ​ജ്യം അ​വ​ർ​ക്ക് ആ​രോ​ഗ്യം, വി​ദ്യാ​ഭ്യാ​സം തു​ട​ങ്ങി​യ അ​വ​ശ്യ പൊ​തു സേ​വ​ന​ങ്ങ​ൾ ന​ൽ​കു​ന്നു​ണ്ടെ​ങ്കി​ലും പൗ​ര​ത്വ​മി​ല്ലാ​യ്മ അ​വ​രെ അ​പൂ​ർ​ണ​മാ​ക്കു​ന്നു​ണ്ട്.

ഈ ​ആ​വ​ശ്യം രാ​ജ്യ​ത്ത് ശ​ക്ത​മാ​യി ഉ​യ​രു​ന്നു​ണ്ട്. കു​ട്ടി​ക​ൾ​ക്ക് പൗ​ര​ത്വം നി​ഷേ​ധി​ക്ക​പ്പെ​ടു​ന്ന​തി​നെ​തി​രെ നി​യ​മ​പ​ര​മാ​യ പ​രി​ഷ്ക​ര​ണം ന​ട​ത്ത​ണ​മെ​ന്ന് പ​ല മ​നു​ഷ്യാ​വ​കാ​ശ സം​ഘ​ട​ന​ക​ളും ആ​വ​ശ്യ​പ്പെ​ട്ടി​ട്ടു​ണ്ട്.

വി​ഷ​യം വേ​ന​ല​വ​ധി ക​ഴി​ഞ്ഞി​ട്ടു​ള്ള പാ​ർ​ല​മെ​ന്‍റ് സ​മ്മേ​ള​ന​ത്തി​ൽ ച​ർ​ച്ച​ക്കി​ടു​മെ​ന്നും ഈ ​പ​രി​ഷ്ക​ര​ണം ബ​ഹ്‌​റൈ​ന്‍റെ പൗ​ര​ത്വ നി​യ​മ​ത്തി​ൽ ഒ​രു വ​ലി​യ മാ​റ്റം കൊ​ണ്ടു​വ​രും, ബ​ഹ്‌​റൈ​നെ സ്വ​ന്തം വീ​ടാ​യി കാ​ണു​ന്ന ആ​യി​ര​ക്ക​ണ​ക്കി​ന് കു​ടും​ബ​ങ്ങ​ൾ​ക്ക് ആ​ശ്വാ​സം ന​ൽ​കു​ക​യും ചെ​യ്യു​മെ​ന്നും എം.​പി പ​റ​ഞ്ഞു.

നി​ല​വി​ൽ ബ​ഹ്റൈ​നി പി​താ​വി​ന്‍റെ പൗ​ര​ത്വ​മാ​ണ് കു​ട്ടി​ക​ൾ​ക്ക് ല​ഭി​ക്കു​ന്ന​ത്. അ​വ​രു​ടെ അ​മ്മ​മാ​ർ പ്ര​വാ​സി​ക​ളാ​ണെ​ങ്കി​ലും പ്ര​ശ്ന​മി​ല്ല.

നേ​ര​ത്തെ ഇ​തു​മാ​യി ബ​ന്ധ​പ്പെ​ട്ട കാ​മ്പ​യി​നു​ക​ൾ​ക്ക് മ​നു​ഷ്യാ​വ​കാ​ശ സം​ഘ​ട​ന​ക​ൾ, ബ​ഹ്‌​റൈ​ൻ ഹ്യൂ​മ​ൻ റൈ​റ്റ്‌​സ് വാ​ച്ച് സൊ​സൈ​റ്റി, ബ​ഹ്‌​റൈ​ൻ വി​മ​ൻ​സ് യൂ​നി​യ​ൻ, ബ​ഹ്‌​റൈ​ൻ യ​ങ് ലേ​ഡീ​സ് അ​സോ​സി​യേ​ഷ​ൻ തു​ട​ങ്ങി​യ സം​ഘ​ട​ന​ക​ൾ പി​ന്തു​ണ​യു​മാ​യി രം​ഗ​ത്തെ​ത്തി​യി​രു​ന്നു.