ജീ​വി​ത​രീ​തി​ക​ളി​ലെ മാ​റ്റ​ങ്ങ​ൾ രോ​ഗ​ങ്ങ​ൾ​ക്ക് കാ​ര​ണ​മാ​വു​ന്നു-​ഡോ. ബ്ലെ​സ്സി ജോ​ൺ

മ​നാ​മ: ജീ​വി​ത​രീ​തി​ക​ളി​ൽ വ​ന്ന മാ​റ്റ​മാ​ണ് സ്ത്രീ​ക​ളി​ൽ ഉ​ണ്ടാ​കു​ന്ന പ​ല രോ​ഗ​ങ്ങ​ളു​ടെ​യും കാ​ര​ണ​മെ​ന്ന് കിം​സ് ഹോ​സ്പി​റ്റ​ലി​ലെ ഒ​ബ്സ്റ്റ​റി​ക് ആ​ൻ​ഡ് ഗൈ​ന​ക്കോ​ള​ജി വി​ദ​ഗ്ധ ഡോ. ​ബ്ലെ​സി ജോ​ൺ അ​ഭി​പ്രാ​യ​പ്പെ​ട്ടു. ഫ്ര​ൻ​ഡ്സ് സോ​ഷ്യ​ൽ അ​സോ​സി​യേ​ഷ​ൻ മ​നാ​മ ഏ​രി​യ വ​നി​ത വി​ഭാ​ഗം സം​ഘ​ടി​പ്പി​ച്ച ആ​രോ​ഗ്യ ബോ​ധ​വ​ത്‌​ക​ര​ണ പ​രി​പാ​ടി​യി​ൽ സം​സാ​രി​ക്കു​ക​യാ​യി​രു​ന്നു അ​വ​ർ.

സ്ത്രീ​ക​ളി​ൽ പൊ​തു​വെ ക​ണ്ടു​വ​രു​ന്ന പി.​സി.​ഒ.​ഡി എ​ങ്ങ​നെ തി​രി​ച്ച​റി​യാം, രോ​ഗ പ്ര​തി​രോ​ധ​ത്തി​നാ​യു​ള്ള ചി​കി​ത്സാ വി​ധി​ക​ൾ, ജീ​വി​ത​രീ​തി​യി​ൽ വ​രു​ത്തേ​ണ്ട മാ​റ്റ​ങ്ങ​ൾ എ​ന്നി​വ സം​ബ​ന്ധി​ച്ച് ഡോ. ​ബ്ലെ​സി ജോ​ൺ വി​ശ​ദീ​ക​രി​ച്ചു. പ്ര​വാ​സി​ക​ളാ​യ സ്ത്രീ​ക​ൾ ത​ങ്ങ​ളു​ടെ ആ​രോ​ഗ്യ​വി​ഷ​യ​ത്തി​ൽ ജാ​ഗ്ര​ത കാ​ണി​ക്ക​ണം. കൃ​ത്യ​മാ​യ വ്യാ​യാ​മം, ചി​ട്ട​യാ​യ ഭ​ക്ഷ​ണ​ക്ര​മം എ​ന്നി​വ​യും രോ​ഗ​ങ്ങ​ളെ പ്ര​തി​രോ​ധി​ക്കാ​നു​ള്ള മാ​ർ​ഗ​ങ്ങ​ളാ​ണ്.

സെ​ർ​വി​ക്ക​ൽ കാ​ൻ​സ​ർ, ബ്രെ​സ്റ്റ് കാ​ൻ​സ​ർ എ​ന്നി​വ​യെ കു​റി​ച്ചും സ്ത്രീ​ക​ൾ കൂ​ടു​ത​ൽ ബോ​ധ​വ​തി​ക​ളാ​വ​ണ​മെ​ന്നും ഡോ. ​ബ്ലെ​സി ജോ​ൺ ഓ​ർ​മ​പ്പെ​ടു​ത്തി. ഡോ​ക്ട​ർ​ക്കു​ള്ള മെ​മ​ന്റോ, പ​രി​പാ​ടി​യി​ൽ അ​ധ്യ​ക്ഷ​ത വ​ഹി​ച്ച ഫ്ര​ൻ​ഡ്സ് സോ​ഷ്യ​ൽ അ​സോ​സി​യേ​ഷ​ൻ വ​നി​ത വി​ഭാ​ഗം മ​നാ​മ ഏ​രി​യ പ്ര​സി​ഡ​ന്റ്‌ ഷ​ബീ​ഹ ഫൈ​സ​ൽ ന​ൽ​കി. ക​ൺ​വീ​ന​ർ നൂ​റ ഷൗ​ക്ക​ത്ത് സ്വാ​ഗ​ത​വും ഏ​രി​യ സെ​ക്ര​ട്ട​റി ഫ​സീ​ല ഹാ​രി​സ് ന​ന്ദി​യും പ​റ​ഞ്ഞു. ഹ​നാ​ൻ അ​ബ്ദു​ൽ മ​നാ​ഫ് പ്രാ​ർ​ത്ഥ​നാ ഗീ​തം ആ​ല​പി​ച്ചു. ബു​ഷ്ര ഹ​മീ​ദ്, റ​ഷീ​ദ സു​ബൈ​ർ , റ​സീ​ന അ​ക്ബ​ർ , സു​ആ​ദ ഫാ​റൂ​ഖ് , മെ​ഹ​റ മൊ​യ്തീ​ൻ തു​ട​ങ്ങി​യ​വ​ർ നേ​തൃ​ത്വം ന​ൽ​കി.