ചേംബർ ഒാഫ്​ കൊമേഴ്​സ്​ തെരഞ്ഞെടുപ്പ്​: ‘തുജാർ പാനലിന്​ ഭൂരിപക്ഷം

  • പ്രസിഡൻറ്​ സ്ഥാനത്തേക്ക്​ സമീർ അബ്​ദുള്ള നാസിന്​ സാധ്യത

10:29 AM
12/03/2018
ചേംബർ ഒാഫ്​ കൊമേഴ്​സ്​ വോ​െട്ടണ്ണൽ കേന്ദ്രത്തിലെ കാഴ്​ച (നൂർ മുഹമ്മദ്​)

മനാമ: ബഹ്​റൈൻ ചേംബർ ഒാഫ്​ കൊമേഴ്​സി​​െൻറ 29 ാം ഭരണസമിതി തെരഞ്ഞെടുപ്പ്​ ഫലം പ്രഖ്യാപിച്ചു. നാല്​ വർഷത്തിലൊരിക്കൽ നടക്കുന്ന വാശിയേറിയ തെരഞ്ഞെട​ുപ്പിൽ തുജാർ പാനലിനാണ്​ ഭൂരിപക്ഷം. സമീർ അബ്​ദുള്ള നാസ്​, മുഹമ്മദ്​ ഫാറൂഖ്​ അൽ മുഅയ്യദ്​, ബാസിം മുഹമ്മദ്​ അൽസാഇ​, ജമീൽ യൂസഫ്​ അൽഗന്ന, ആരിഫ്​ അഹ്​മദ്​ ഹിജ്​രിസ്​, വാഹീദ്​ ഇബ്രാഹീം ഖലീൽ കാനു, ഡോ. വഹീബ്​ അഹ്​മദ്​ അൽ ഖാജ, മുഹമ്മദ്​ അബ്​ദുൽ ജബ്ബാർ അൽ കൂഹ്​ജി, ഖാലിദ്​ ബിൻ റാഷിദ്​ അൽ സയാനി, അഹ്​മദ്​ അബ്​ദുല്ല ബിൻ ഹിന്ദി, ഖാലിദ്​ മുഹമ്മദ്​ നജീബി, ബതൂൽ മുഹമദ്​ ദാദാബായ്​, ​ൈശഖ ഹിന്ദ്​ ബിന്ദ്​ സൽമാൻ ആൽ ഖലീഫ, അബ്​ദുൽ ഹുസയിൻ ഖലീൽ ദീവാനി, അഹ്​മദ്​ സബാഹ്​ അൽ സുലൂം, സോണിയ മുഹമ്മദ്​ ജനാഹി, അബ്​ദുൽ ഹക്കീം ഇബ്രാഹീം അശ്ശംരി, റാമിസ്​ മുഹമ്മദ്​ അൽ ഇവാദി എന്നിവരാണ്​ വിജയിച്ചത്​. തുജാർ പാനലിനെ നയിച്ച സമീർ അബ്​ദുള്ള നാസിന്​ 9,368 വോട്ടുകൾ ലഭിച്ചു.

ഇദ്ദേഹം പ്രസിഡൻറാകുമെന്നാണ്​ പ്രതീക്ഷിക്കപ്പെടുന്നത്​​.  പ്രമുഖരായ രണ്ട്​ സ്ഥാനാർഥികളായ ഇൗസ അബ്​ദുൽറഹീം, സാജിദ്​ എന്നിവർ പരാജയപ്പെട്ടു.  ജുഫയിർ കൾച്ചറൽ സ​െൻററിലായിരുന്നു വോ​െട്ടടുപ്പും വോ​െട്ടണ്ണലും നടന്നത്​. നാല്​ വർഷത്തിലൊരിക്കൽ നടക്കുന്ന തെരഞ്ഞെടുപ്പിൽ 7,500ത്തിലധികം പേർ വോട്ട്​ രേഖപ്പെടുത്തി. ഇത്തവണ വൻ പ്രചരണവുമായാണ്​ അഞ്ചോളം​ പാനലുകൾ തെരഞ്ഞെടുപ്പിനെ നേരിട്ടത്​.  അഞ്ച്​ പാനലുകളാണ്​ മത്​സരിച്ചത്​. 18 സ്വതന്ത്രൻമാരും പോരിനിറങ്ങിയിരുന്നു. ആകെ 72 സ്ഥാനാർഥികളാണ്​ ഉണ്ടായിരുന്നത്​.

തുജാർ പാനൽ 15, ഷറാക 17,അൽ ഗദ്​ 11, തആവിൻ ഏഴ്​,തജ്​ദീദ്​ വതത്​വീർ നാല്​, സ്വതന്ത്രർ 18 എന്നിങ്ങനെയാണ്​ മത്​സര രംഗത്ത്​ ഉണ്ടായിരുന്നത്​. വനിതാസ്ഥാനാർഥികളായി 12 പേരുണ്ടായിരുന്നു. ഇതിൽ മൂന്നുപേരാണ്​ വിജയിച്ചത്​. ധാരാളം മലയാളി വോട്ടർമാരുള്ളതിനാൽ മലയാളി സമൂഹങ്ങളിലും തെരഞ്ഞെടുപ്പി​​െൻറ ഭാഗമായുള്ള പ്രചരണങ്ങളും വോട്ട്​ ​േതടലുമുണ്ടായിരുന്നു.

COMMENTS