ചേംബർ ഒാഫ്​ കൊമേഴ്​സിലേക്ക്​ മത്​സരിക്കുന്നത്​ മാറ്റത്തിനു​േവണ്ടി -പ്രൊഫ വഹീബ്​ അൽ ഖാജ

മനാമ: ബഹ്​റൈൻ ചേംബർ ഒാഫ്​ കൊമേഴ്​സിലേക്ക്​ സമീർ അബ്​ദുല്ല നാസി​​െൻറ നേതൃത്വത്തിലുള്ള ‘തുജ്ജാർ’ പാനലിൽ താൻ മത്​സരിക്കുന്നത്​ ഗുണപരമായ മാറ്റത്തിനുവേണ്ടിയാണെന്ന്​ അപ്ലൈഡ്​ സയൻസ്​ യൂനിവേഴ്​സിറ്റി ബോർഡ്​ ഒാഫ്​ ട്രസ്​റ്റീസ്​ ചെയർമാനും എഞ്ചിനീയറുമായ പ്രൊഫ വഹീബ്​ അഹ്​മദ്​ അൽ ഖാജ പറഞ്ഞു. ‘ഗൾഫ്​മാധ്യമ’ത്തിന്​ അനുവദിച്ച അഭിമുഖത്തിലാണ്​ അദ്ദേഹം ത​​െൻറ നിലപാട്​ വ്യക്തമാക്കിയത്​. 

പ്രൊഫസറും യൂനിവേഴ്​സിറ്റി എം.ഡിയുമായ വ്യക്തി എന്തിനാണ്​ ചേംബർ ഒാഫ്​ കൊമേഴ്​സിലേക്ക്​ മത്​സരിക്കുന്നത്​ എന്ന ചോദ്യം ചിലർ ഉന്നയിക്കുന്നുണ്ട്​. എന്നാൽ രാജ്യത്തി​​െൻറ മുന്നേറ്റത്തിനും വ്യവസായ സാധ്യതകൾക്കും വിദ്യാഭ്യാസ മേഖലയിൽ നിന്നുള്ളവർക്കും അതി​​െൻറതായ പങ്കുവഹിക്കാൻ കഴിയും. 
മത്​സരത്തിന്​ ഇറങ്ങിയപ്പോൾ ഏറെ പിന്തുണ കിട്ടുന്നുണ്ട്​. ലോകം മുഴുവൻ സാമ്പത്തിക പ്രതിസന്​ധിയിലൂടെയാണ്​ കടന്നുപോകുന്നത്​. 

അതിനെ മറികടക്കാനുള്ള ശ്രമങ്ങൾ ഉൗർജിതമായിരിക്കുന്നു. ബഹ്​റൈൻ ചേംബർ ഒാഫ്​ കൊമേഴ്​സിനും സാമ്പത്തിക പ്രതിസന്​ധികളെ മറികടക്കാനുള്ള പദ്ധതികൾക്ക്​ രൂപം നൽകാൻ കഴിയും. തൊഴിൽ സാധ്യതകൾ, മികച്ച വ്യവസായങ്ങൾ എന്നിവക്കായി കൂടുതൽ പദ്ധതികൾ കൊണ്ടുവരാൻ കഴിയും. വിജയിച്ചാൽ അത്തരത്തിലുള്ള പദ്ധതികൾക്കായി താനും ത​​െൻറ പാനലും ശ്രമിക്കുമെന്നും അദ്ദേഹം വ്യക്തമാക്കി. രാജ്യത്തെ ഉന്നത വിദ്യാഭ്യാസ രംഗം മറ്റെല്ലാ മേഖലകളെയും പോലെ ഉണർവി​​െൻറ പാതയിലാണ്​. 

വിദ്യാഭ്യാസത്തി​​​െൻറ പ്രാധാന്യം മനസിലാക്കി അത്​ നേടാൻ യത്നിക്കുന്ന തലമുറയെയാണ്​ ബഹ്​റൈനിൽ കാണുന്നത്​. ഉന്നത വിദ്യാഭ്യാസ രംഗത്ത്​ രാജ്യം മികച്ച പ്രകടനമാണ്​ കാഴ്​ച്ച വെക്കുന്നത്​. ചേംബർ ഒാഫ്​ കൊമേഴ്​സിൽ വോട്ടുള്ള മലയാളികളുടെ പിന്തുണ പ്രതീക്ഷിക്കുന്നതായും അദ്ദേഹം പറഞ്ഞു. മലയാളികളെ കുറിച്ച്​ തനിക്ക്​ ഏറെ മതിപ്പാണ്​. ഇന്ത്യയിലെ വിവിധ നഗരങ്ങളിലെ യൂനിവേഴ്​സിറ്റികൾ സന്ദർശിച്ചിട്ടുണ്ടെങ്കിലും കേരളത്തിൽ പോകാൻ ക​ഴിഞ്ഞിട്ടില്ല. എന്നാൽ പോകണമെന്ന ആഗ്രഹമുണ്ടെന്നും അദ്ദേഹം പറഞ്ഞു. ബഹ്​​ൈറൻ ചാർ​േട്ടഡ്​ ഇൻസ്​റ്റിറ്റ്യൂട്ട്​ ഒാഫ്​ ബിൽഡിംഗ്​ ​​െഫല്ലോഷിപ്പ്​ ആദ്യമായി നേടിയ ബഹ്​റൈനി എന്ന റിക്കോർഡുള്ള പ്രൊഫ വഹീബ്​ അഹ്​മദ്​ അൽ ഖാജ നിരവധി വിദ്യാഭ്യാസ യോഗ്യതകൾ നേടിയിട്ടുണ്ട്​. 

അമേരിക്കയിലെ ടെക്​സാസ യൂനി​േവഴ്​സിറ്റിയിൽ നിന്നും സിവിൽ ഇഞ്ചിനീയറിംങ്​ ബിരുദം നേടിയ അദ്ദേഹം, ലീഡ്​സ്​ യൂനിവേഴ്​സിറ്റിയിൽ നിന്നാണ്​ പി.എച്ച്​.ഡി നേടിയത്​. 27 ഗവേഷണ പ്രബന്​ധങ്ങൾ പ്രസിദ്ധീകരിച്ചിട്ടുള്ള പ്രൊഫ വഹീബ്​ ‘ദ കൺസ്​ട്രക്ഷൻസ്​ മറ്റീരിയൽസ്​ ആൻറ്​ റോഡ്​സ്​’ എന്നതുൾപ്പെടെയുള്ള പുസ്​തകങ്ങളും രചിച്ചിട്ടുണ്ട്​. എഞ്ചിനീയറിംങ്​ കൺസ്​ട്രക്ഷൻസ്​ മേഖലക്കും അദ്ദേഹം മികച്ച സംഭാവനകൾ നൽകിയിട്ടുണ്ട്​.