മനാമ സെൻട്രൽ മാർക്കറ്റിൽ എ.സി ഉടൻ പ്രവർത്തിച്ച്​ തുടങ്ങും; കച്ചവടക്കാർക്ക്​ ആശ്വാസം

മനാമ: മനാമ സെൻട്രൽ മാർക്കറ്റിലെ എയർകണ്ടീഷനിങ്​ സംവിധാനം ഏതാനും ദിവസങ്ങൾക്കുള്ളിൽ പ്രവർത്തിച്ചു തുടങ്ങുമെന്ന്​ റിപ്പോർട്ട്​. കഴിഞ്ഞ ദിവസം പൊതുമരാമത്ത്​, മുനിസിപ്പാലിറ്റികാര്യ നഗരാസൂത്രണ മന്ത്രി ഇസാം ബിൻ അബ്​ദുല്ല ഖലഫ്​ മാർക്കറ്റ്​ സന്ദർശിച്ചിരുന്നു. പ്രധാനമന്ത്രി പ്രിൻസ്​ ഖലീഫ ബിൻ സൽമാൻ ആൽ ഖലീഫയുടെ നിർദേശാനുസരണം സെൻട്രൽ മാർക്കറ്റിൽ നടപ്പാക്കി വരുന്ന വികസന പ്രവർത്തനങ്ങൾ കാപിറ്റൽ ജനറൽ സെക്ര​േട്ടറിയറ്റ്​ (മുനിസിപ്പാലിറ്റി) ജനറൽ ഡയറക്​ടർ ശൈഖ്​ മുഹമ്മദ്​ ബിൻ അഹ്​മദ്​ ആൽ ഖലീഫ മന്ത്രിയോട്​ വി​ശദീകരിച്ചു. 

സെൻട്രൽ മാർക്കറ്റിലെ വികസനത്തിനായി 770,000 ദിനാർ ചെലവുവരുന്ന പദ്ധതികളാണ്​ നടപ്പാക്കുന്നതെന്ന്​ മന്ത്രി പിന്നീട്​ പ്രസ്​താവനയിൽ പറഞ്ഞു. ഇവിടുത്തെ പരമ്പാരഗത ബൾബുകളും മറ്റും മാറ്റി എൽ.ഇ.ഡി ലൈറ്റുകൾ സ്​ഥാപിച്ചിട്ടുണ്ട്​. ഇത്​ വൈദ്യുതി ഉപയോഗം ഗണ്യമായി കുറക്കും. മാർക്കറ്റിലെ ശീതീകരണ പദ്ധതി രണ്ടുഘട്ടങ്ങളിലായാണ്​ നടപ്പാക്കുക. ആദ്യം റീ​െട്ടയ്​ൽ, പ്ര​ാദേശിക ഉൽപന്ന മാർക്കറ്റിലെ ശീതീകരണം നടപ്പാക്കും. ഇത്​ ഇൗ മാസം പകുതിയോടെ പ്രവർത്തിച്ച്​ തുടങ്ങും. ഇതിന്​ 320,000 ദിനാർ ചെലവ്​ വരുമെന്നാണ്​ കണക്ക്. രണ്ടാം  ഘട്ടത്തിൽ ഹോൾസെയിൽ മാർക്കറ്റ്​ ഉൾപ്പെടുത്തും. 7,000 സ്ക്വയർ മീറ്റർ വീതമാണ്​ രണ്ടു ഭാഗങ്ങളുടെയും വിസ്തീർണം. 

മനാമ സെൻട്രൽ മാർക്കറ്റിലെ വികസന പ്രവർത്തനങ്ങൾ വേഗത്തിലാക്കാനും മന്ത്രി നിർദേശം നൽകിയിട്ടുണ്ട്​. ഇവിടെ എയർകണ്ടീഷൻ ചെയ്യുകയെന്നത്​ മാർക്കറ്റിലെ കച്ചവടക്കാരുടെയും ഉപഭോക്താക്കളുടെയും ദീർഘനാളത്തെ ആവശ്യമാണ്​. ചൂടുകൂടുന്നതോടെ മാർക്കറ്റിലെ പഴം, പച്ചക്കറി കച്ചവടക്കാർ കടുത്ത ദുരിതത്തിലാവാറാണ്​ പതിവ്​.വലിയ വിലയുള്ള ഉൽപന്നങ്ങൾ പെ​െട്ടന്ന്​ കേടാകും. ഇതുമൂലം പലർക്കും നഷ്​ടം സംഭവിക്കാറുണ്ട്​. മാർക്കറ്റിനുള്ളിൽ ചൂടേറുന്നതിനാൽ ഉപഭോക്താക്കളുടെ എണ്ണവും കുറയാറുണ്ട്​. എ.സി വരുന്നതോടെ ഇൗ പ്രശ്​നങ്ങൾ പരിഹരിക്കപ്പെടുമെന്ന വിശ്വാസത്തിലാണ്​ വ്യാപാരികൾ.