പച്ചക്കറികൾ വെള്ളം കയറി നശിച്ചു; സെൻട്രൽ മാർക്കറ്റിൽ നഷ്​ടങ്ങളുടെ ദിനം

മനാമ: കനത്ത മഴയിൽ മനാമ സെൻട്രൽ മാർക്കറ്റിലേക്ക്​ വെള്ളം ഇരച്ചുകയറിയതിനെ തുടർന്ന്​ കനത്ത നാശനഷ്​ടം. രാവിലെ പത്ത്​ മണിയോടെ വെള്ളം കയറുകയും നിലത്ത്​ പെട്ടികളിലായി വച്ചിരുന്ന പച്ചക്കറികളും മുട്ടയും നശിക്കുകയായിരുന്നു. നിരവധി വ്യാപാരികൾക്കാണ്​ ഇൗ ദുരനുഭവമുണ്ടായത്​. മഴ കാരണം ആളുകളെത്താത്തതിനെ തുടർന്ന്​ വ്യാപാരവും നടന്നില്ല. മഴവെള്ളം കയറി സാധനങ്ങൾ നശിച്ചത്​ തങ്ങളുടെ വയറ്റത്തടിക്കുന്ന പോലെയായി എന്നാണ്​ വ്യാപാരികൾ പറഞ്ഞത്​.