ബഹ്റൈൻ: സി.ബി.എസ്.ഇ 12ാം ക്ലാസ് പരീക്ഷ
text_fieldsഇന്ത്യൻ സ്കൂളിന് മികച്ച വിജയം
മനാമ: സി.ബി.എസ്.ഇ 12ാം ക്ലാസ് പരീക്ഷയിൽ ഇന്ത്യൻ സ്കൂൾ ബഹ്റൈന് മികച്ച വിജയം. പരീക്ഷയെഴുതിയ 675 പേരിൽ 98.7 ശതമാനം പേർ വിജയിച്ചു. 65.9 ശതമാനം പേർ ഡിസ്റ്റിങ്ഷനും 92.7 ശതമാനം പേർ ഫസ്റ്റ് ക്ലാസും നേടി. 98 ശതമാനം മാർക്ക് നേടിയ റീലു റെജിയാണ് സ്കൂൾ ടോപ്പർ. കെയൂർ ഗണേഷ് ചൗധരി 97.8 ശതമാനം മാർക്കോടെ രണ്ടാം സ്ഥാനവും അർജുൻ മുരളീധരനും ശ്രീ ആരതി ഗോവിന്ദരാജുവും 97.4 ശതമാനവും മാർക്കോടെ മൂന്നാം സ്ഥാനവും നേടി. 163 വിദ്യാർഥികൾ 90 ശതമാനത്തിന് മുകളിൽ മാർക്ക് നേടി. സ്കൂൾ ടോപ്പർമാർതന്നെയാണ് സയൻസ് സ്ട്രീമിലെ ടോപ്പർമാരും. കോമേഴ്സ് സ്ട്രീമിൽ 97.2 ശതമാനം മാർക്ക് നേടിയ നന്ദിനി രാജേഷ് നായർ ഒന്നാമതെത്തി. ഷെറിൻ സൂസൻ സന്തോഷ് (96.6 ശതമാനം) രണ്ടാം സ്ഥാനവും അർജുൻ അനൂപ്, വൈഷ്ണവ് ഉണ്ണി (96.2 ശതമാനം) മൂന്നാം സ്ഥാനവും നേടി. ഹ്യുമാനിറ്റീസ് സ്ട്രീമിൽ 97.2 ശതമാനം മാർക്ക് നേടിയ അർച്ചിഷ മരിയോ ഒന്നാം സ്ഥാനവും അഞ്ജന സുരേഷ് (96.6 ശതമാനം) രണ്ടാം സ്ഥാനം നേടി. 96 ശതമാനം മാർക്ക് നേടിയ അഞ്ജലി ഗോപുരത്തിങ്കൽ അനിൽകുമാറിനാണ് മൂന്നാം സ്ഥാനം.
അൽ നൂർ ഇൻറർനാഷണൽ സ്കൂളിന് 100 ശതമാനം വിജയം
മനാമ: സി.ബി.എസ്.ഇ 12ാം ക്ലാസ് പരീക്ഷയിൽ അൽ നൂർ ഇൻറർനാഷനൽ സ്കൂളിന് 100 ശതമാനം വിജയം. സയൻസ് സ്ട്രീമിൽ ഷാമില സാലിക് (95.4 ശതമാനം) സ്കൂൾ ടോപ്പറായി. തൻവി ശൈലേന്ദ്ര റായ് (95 ശതമാനം) രണ്ടാം സ്ഥാനവും താഹ മുല്ല (94.6 ശതമാനം) മൂന്നാം സ്ഥാനവും നേടി. കോമേഴ്സ് സ്ട്രീമിൽ ഫഹദ് പൈവളികെ ഹുസൈൻ 90.2 ശതമാനം മാർക്കോടെ സ്കൂൾ ടോപ്പറായി.
100 ശതമാനം വിജയവുമായി ഇബ്ൻ അൽ ഹൈതം ഇസ്ലാമിക് സ്കൂൾ
മനാമ: സി.ബി.എസ്.ഇ 12ാം ക്ലാസ് പരീക്ഷയിൽ ഇബ്ൻ അൽ ഹൈതം ഇസ്ലാമിക് സ്കൂൾ 100 ശതമാനം വിജയം നേടി. 83 വിദ്യാർഥികളാണ് പരീക്ഷയെഴുതിയത്. സയൻസ് സ്ട്രീമിൽ 29 പേരും കോമേഴ്സ് സ്ട്രീമിൽ 54 പേരും വിജയിച്ചു. സയൻസ് സ്ട്രീമിൽ 94.60 ശതമാനം മാർക്ക് നേടിയ അയിഷ ഹാഫിസ് മുസിബുർ റഹ്മാൻ ഒന്നാം സ്ഥാനവും എസ അമീൻ ബെയ്ഗ് (89.80 ശതമാനം) രണ്ടാം സ്ഥാനവും നേടി. കോമേഴ്സ് സ്ട്രീമിൽ ഫാത്തിമ ജാഫർ (98 ശതമാനം) ഒന്നാം സ്ഥാനവും എൽഹാം ഷഫീഹുദ്ദീൻ കോയ തങ്ങൾ (87.20 ശതമാനം) രണ്ടാം സ്ഥാനവും നേടി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.