ഗ്യാസ് സിലണ്ടറിന് തീ​കൊ​ളു​ത്തു​മെ​ന്ന് ഭീഷണിപ്പെടുത്തി കാ​ർ മോ​ഷ​ണം

മ​നാ​മ: ഗ്യാ​സ് സി​ലി​ണ്ട​റി​ന് തീ​കൊ​ളു​ത്തു​മെ​ന്ന് ഭീ​ഷ​ണി​പ്പെ​ടു​ത്തി കാ​ർ മോ​ഷ്ടി​ച്ച കേ​സി​ൽ ര​ണ്ടു​പേ​രെ ഹൈ ​ക്രി​മി​ന​ൽ കോ​ട​തി അ​ഞ്ചു​വ​ർ​ഷ​ത്തെ ത​ട​വി​ന് ശി​ക്ഷി​ച്ചു. 40 വ​യ​സ്സു​ള്ള പു​രു​ഷ​നെ​യും കൂ​ട്ടാ​ളി​യാ​യ സ്ത്രീ​യെ​യു​മാ​ണ് ശി​ക്ഷി​ച്ച​ത്. ഈ​സ്റ്റ് റി​ഫ​യി​ലെ മാ​ർ​ക്ക​റ്റി​ലാ​ണ് സം​ഭ​വം ന​ട​ന്ന​ത്. കു​ടും​ബ​മാ​ണ് കാ​റി​ൽ സ​ഞ്ച​രി​ച്ചി​രു​ന്ന​ത്. ഗൃ​ഹ​നാ​ഥ​ൻ കാ​റി​ൽ​നി​ന്നി​റ​ങ്ങി ക​ട​യി​ലേ​ക്കു​പോ​യ സ​മ​യ​ത്താ​ണ് സം​ഭ​വം.

കാ​റി​ൽ സ്ത്രീ​യും കു​ട്ടി​യും മാ​ത്ര​മാ​യി​രു​ന്നു. ഈ ​സ​മ​യം ഗ്യാ​സ് സി​ലി​ണ്ട​റും ലൈ​റ്റ​റു​മാ​യി എ​ത്തി​യ പ്ര​തി സ്‌​ഫോ​ട​നം ന​ട​ത്തു​മെ​ന്ന് ഭീ​ഷ​ണി​പ്പെ​ടു​ത്തി കാ​റി​ൽ നി​ന്നി​റ​ങ്ങാ​ൻ സ്ത്രീ​യെ​യും മ​ക​ളെ​യും നി​ർ​ബ​ന്ധി​ച്ചു. സ്ത്രീ​യു​ടെ പ​ക്ക​ലു​ണ്ടാ​യി​രു​ന്ന സാ​ധ​ന​ങ്ങ​ളും കൈ​ക്ക​ലാ​ക്കി. തു​ട​ർ​ന്ന് വാ​ഹ​ന​വു​മാ​യി ര​ക്ഷ​പ്പെ​ടു​ക​യും ചെ​യ്തു. സു​ര​ക്ഷാ കാ​മ​റ​ക​ളി​ൽ ദൃ​ശ്യം പ​തി​ഞ്ഞി​രു​ന്നു. തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​ക​ളെ അ​റ​സ്റ്റ് ചെ​യ്ത​ത്. പ്ര​തി വേ​റെ​യും മോ​ഷ​ണം ന​ട​ത്തി​യി​ട്ടു​ണ്ടെ​ന്ന് അ​ന്വേ​ഷ​ണ​ത്തി​ൽ തെ​ളി​ഞ്ഞു.