ഫോർമുല വൺ ബഹ്റൈൻ ഗ്രാൻഡ്പ്രീ: ഒരുക്കം അവലോകനം ചെയ്ത് മന്ത്രിസഭ

മനാമ: രാജ്യത്തിന്‍റെ അഭിമാന വിനോദമായ ഫോർമുല വൺ ബഹ്റൈൻ ഗ്രാൻഡ്പ്രീയുടെ ഒരുക്കങ്ങൾ അവലോകനം ചെയ്ത് മന്ത്രിസഭ. ഗുദൈബിയ കൊട്ടാരത്തിൽ കിരീടാവകാശിയും പ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫയുടെ അധ‍്യക്ഷതിയിൽ ചേർന്ന് പ്രതിവാരയോഗത്തിലാണ് ചർച്ച ചെയ്തത്.

ബഹ്റൈൻ ഗ്രാൻഡ് പ്രീയുടെ 21ാം വാർഷിക ഇവന്‍റായ ഇത്തവണത്തെ പോരിനൊരുങ്ങുന്ന എല്ലാ ടീമുകളെയും സന്ദർശകരെയും ആരാധകരെയും മന്ത്രിസഭ സ്വാഗതം ചെയ്തു. കൂടാതെ മത്സരത്തിന്‍റെ വിജയത്തിനായി പ്രവർത്തിക്കുന്ന സംഘാടകർക്കും മറ്റ് പ്രവർത്തകർക്കും യോഗം ആശംസകൾ നേർന്നു.