ബ്രോഷർ, ലീഫ്​ലെറ്റ്​ വിതരണം നടത്തിയാൽ വൻ പിഴ 

മനാമ: മനാമയിലും പരിസരങ്ങളിലും അനധികൃതമായി ലീഫ്​ലെറ്റുകളും നോട്ടിസുകളും ബ്രോഷറുകളും മറ്റും വിതരണം ചെയ്​താൽ 1200 ദിനാർ വരെ പിഴ ലഭിക്കും.കാപിറ്റൽ ട്രസ്​റ്റീസ്​ ബോർഡ്​ ആണ്​ ഇൗ തീരുമാനമെടുത്തത്​. വിവിധ സ്​ഥാപനങ്ങളുടെ  പ്രൊമോഷൻ ഒാഫറുകൾ വിശദീകരിക്കുന്ന വർണാഭമായ ബ്രോഷറുകൾ നിർത്തിയിട്ട കാറി​​െൻറ വിൻഡ്​ സ്​ക്രീനിലും വീടുകളുടെയും ഒാഫിസുകളുടെയും പടിക്കലും ഇട്ടു​േപാകുന്ന പതിവുണ്ട്​. 
ഇതിനെതിരെയാണ്​ നടപടി. ഇത്തരം നടപടി സ്വീകരിക്കുന്ന കമ്പനികൾക്കെതിരെ 1200 ദിനാർ വരെ പിഴ ഇൗടാക്കാൻ നിർദേശിക്കു​േമ്പാൾ, ഇത്​ വിതരണം ചെയ്യുന്നവർക്കെതിരെ 75 മുതൽ 150 ദിനാർ വരെ പിഴ ചുമത്താനാണ്​ തീരുമാനം. ഇൗ തീരുമാനത്തിന്​ കാപിറ്റൽ ട്രസ്​റ്റീസ്​ ബോർഡ്​ കഴിഞ്ഞ ദിവസം അംഗീകാരം നൽകി. ആളുകൾ സംഘം ചേർന്നാണ്​ ഫ്ലയറുകൾ വിതരണം ചെയ്യുന്നതെങ്കിൽ 300 ദിനാർ പിഴ ഇൗടാക്കും. നോട്ടിസ്​ പതിച്ചാലും പിഴ അടക്കേണ്ടി വരും. ഇത്തരം ബ്രോഷറുകളും മറ്റും വിതരണം ചെയ്യാൻ ആളെ നിയമിക്കുന്ന കമ്പനികളിൽ നിന്ന്​ 250 ദിനാർ അധികം ഇൗടാക്കും.തുടർച്ചയായി നിയമം ലംഘിക്കുന്നവരെ കോടതിക്ക്​ കൈമാറും. ഇവരിൽ നിന്ന്​ കൂടുതൽ പിഴയും വാങ്ങും.

 നൂറു കണക്കിനാളുകളാണ്​ ഇത്തരം ബ്രോഷറുകൾ വീടിനുമുന്നിലും കാറിലുമിട്ട്​ പോകുന്നതെന്നും അത്​ നല്ലൊരു പ്രവണതായി കാണാൻ കഴിയില്ലെന്നും ഇതു സംബന്ധിച്ച നിർദേശം കൊണ്ടുവന്ന കാപിറ്റൽ ട്രസ്​റ്റീസ്​ ബോർഡ്​ ചെയർമാൻ മുഹമ്മദ്​ അൽ ഖോസാഇ പറഞ്ഞു. ചിലർ ട്രാഫിക്​ സിഗ്​നലുകളിൽ കാറി​​െൻറ ഗ്ലാസിൽ മുട്ടിവിളിച്ചാണ്​ ഇത്​ വിതരണം ചെയ്യുന്നതെന്നും കാര്യമായി ഏഷ്യൻ പൗരൻമാരാണ്​ വിതരണക്കാരായുള്ളതെന്നും അദ്ദേഹം കൂട്ടിച്ചേർത്തു. വിതരണം ചെയ്യാൻ ഏൽപ്പിച്ച ബ്രോഷറുകൾ തെരുവുകളിൽ അട്ടിയായി ​​െവച്ചതും കാണാം.ഇതുവഴി റോഡിൽ ബ്രോഷറുകൾ പരന്നുകിടക്കുന്നത്​ പതിവാണ്​. നോട്ടിസുകൾ ഒട്ടിച്ച്​ പോകുന്ന രീതിയുമുണ്ട്​.     ഇതൊന്നും അംഗീകരിക്കാനാകില്ലെന്നും നടപടി നിർബന്ധമായി വന്നിരിക്കുകയാണെന്നും അൽ ഖോസാഇ വ്യക്തമാക്കി. 
ഇത്തരം ബ്രോഷറുകൾ മെയിൽ വഴി മാത്രമേ അനുവദിക്കൂ എന്ന്​ കാപിറ്റൽ ട്രസ്​റ്റീസ്​ ബോർഡ്​ വ്യക്തമാക്കി. ന്യൂസ്​പേപ്പർ ഡെലിവറി ബോക്​സുകളിൽ   നിക്ഷേപിക്കുകയോ റിസപ്​ഷൻ ഡെസ്​കുകളിലോ ബിൽഡിങ്​ വാച്ച്​മാ​​െൻറ പക്കൽ   ഏൽപ്പിക്കുകയോ ചെയ്യാം. ഇതിനായി വീട്ടുടമയുടെ അനുവാദം വാങ്ങണം. ന്യൂസ്​ പേപ്പറുകളുടെയും മാഗസിനുകളുടെയും ഒപ്പം വരുന്ന സപ്ലിമ​െൻറുകൾക്ക്​ നിരോധനമില്ല. 

 ബ്രോഷർ വിതരണം എല്ലാ സീമകളും ലംഘിച്ച ഘട്ടത്തിലാണ്​ അടിയന്തര നടപടി സ്വീകരിക്കുന്നതെന്ന്​ അൽ ഖോസാഇ പറഞ്ഞു. ദുബൈയിൽ ഇൗ നിയമം ലംഘിച്ചാൽ ആദ്യ തവണ 100 ദിനാർ ആണ്​ പിഴ. തുടർച്ചായി നിയമലംഘനം നടത്തുന്നവർ 200 ദിനാർ പിഴയടക്കണം. കമ്പനി ഉടമകളെ കോടതിയിൽ ഹാജരാക്കുകയും 1000ത്തിലധികം ദിനാർ പിഴ ചുമത്തുകയും ചെയ്യും.