സ്ത​നാ​ർ​ബു​ദ ബോ​ധ​വ​ത്ക​ര​ണ പ​രി​പാ​ടി സംഘടിപ്പിച്ചു

മ​നാ​മ: അ​ൽ ഹി​ലാ​ൽ ഹെ​ൽ​ത്ത് കെ​യ​ർ ഗ്രൂ​പ്പും മെ​ഗാ മാ​ർ​ട്ടും യൂ​നി​ലീ​വ​റും സം​യു​ക്ത​മാ​യി, സാ​റി​ലെ മാ​ക്രോ മാ​ർ​ട്ടി​ൽ സ്ത​നാ​ർ​ബു​ദ ബോ​ധ​വ​ത്ക​ര​ണ പ​രി​പാ​ടി സം​ഘ​ടി​പ്പി​ച്ചു. സ്ത​നാ​ർ​ബു​ദം നേ​ര​ത്തേ ക​ണ്ടെ​ത്തു​ന്ന​ത് ജീ​വ​ൻ ര​ക്ഷി​ക്കാ​ൻ സ​ഹാ​യി​ക്കു​മെ​ന്ന വി​ദ​ഗ്ധാ​ഭി​പ്രാ​യ​ത്തി​ന്റെ അ​ടി​സ്ഥാ​ന​ത്തി​ലാ​ണ് കാ​മ്പ​യി​ൻ സം​ഘ​ടി​പ്പി​ച്ച​ത്. മെ​ഗാ മാ​ർ​ട്ട്, മാ​ക്രോ മാ​ർ​ട്ട് സ്റ്റോ​റു​ക​ളി​ൽ​നി​ന്ന് മൂ​ന്ന് ദീ​നാ​റി​ന്റെ യൂ​നി​ലീ​വ​ർ ഉ​ൽ​പ​ന്ന​ങ്ങ​ൾ വാ​ങ്ങു​മ്പോ​ൾ സൗ​ജ​ന്യ ബ്രെ​സ്റ്റ് കാ​ൻ​സ​ർ സ്ക്രീ​നി​ങ് കൂ​പ്പ​ണു​ക​ൾ ന​ൽ​കും. ഈ ​വ​ർ​ഷം ഗൈ​ന​ക്കോ​ള​ജി​സ്റ്റ്/​ജ​ന​റ​ൽ സ​ർ​ജ​ൻ/​ജ​ന​റ​ൽ ഫി​സി​ഷ്യ​ൻ ക​ൺ​സ​ൽ​ട്ടേ​ഷ​നും മാ​മോ​ഗ്രാ​മു​ക​ൾ​ക്കു​മാ​യി ഉ​പ​ഭോ​ക്താ​ക്ക​ൾ​ക്ക് 2000 കൂ​പ്പ​ണു​ക​ൾ ന​ൽ​കാ​നാ​ണ് പ​ദ്ധ​തി​യി​ട്ടി​രി​ക്കു​ന്ന​ത്.

പ​രി​പാ​ടി​യി​ൽ യൂ​നി​ലീ​വ​ർ ഹെ​ഡ് ഓ​ഫ് മോ​ഡേ​ൺ ട്രേ​ഡ് & ഒ​കെ​സി ബി​സി​ന​സ് മാ​നേ​ജ​ർ മു​ഹ​മ്മ​ദ് മെ​സ്ത​രി​ഹി, അ​ൽ ഹി​ലാ​ൽ ഹെ​ൽ​ത്ത് കെ​യ​ർ ഗ്രൂ​പ് സി.​ഇ.​ഒ ഡോ. ​ശ​ര​ത് ച​ന്ദ്ര​ൻ, മെ​ഗാ മാ​ർ​ട്ട്/​മാ​ക്രോ മാ​ർ​ട്ട് ജ​ന​റ​ൽ മാ​നേ​ജ​ർ അ​നി​ൽ ന​വാ​നി തു​ട​ങ്ങി​യ​വ​ർ പ​ങ്കെ​ടു​ത്തു. സ്ത​നാ​ർ​ബു​ദ പ​രി​ശോ​ധ​ന​ക്കാ​യി 2000 ക​ൺ​സ​ൽ​ട്ടേ​ഷ​ൻ കൂ​പ്പ​ണു​ക​ൾ അ​ൽ​ഹി​ലാ​ൽ ന​ൽ​കും. വൈ​ദ്യ​സ​ഹാ​യ​വും സ്ക്രീ​നി​ങ്ങും വ​ഴി അ​ർ​ബു​ദ​സാ​ധ്യ​ത കു​റ​ക്കു​ന്ന​തി​ന് ഗ്രൂ​പ് പി​ന്തു​ണ ന​ൽ​കും. മാ​മോ​ഗ്രാ​മി​നും അ​ൾ​ട്രാ​സൗ​ണ്ട് സ്കാ​നി​ങ്ങി​നും അ​ൽ ഹി​ലാ​ൽ 50 ശ​ത​മാ​നം കി​ഴി​വ് ന​ൽ​കും.