പുസ്​തകോത്സവം: വിശപ്പി​െൻറ പുതിയ മാനങ്ങൾ ചികഞ്ഞ്​ ‘ബിരിയാണി’ നാടകം അവതരിപ്പിച്ചു

മനാമ: കേരളീയ സമാജത്തിൽ നടക്കുന്ന പുസ്​തകോത്സവത്തോടനുബന്ധിച്ച്​ ഇന്നലെ വിവിധ സാംസ്​കാരിക പരിപാടികൾ സംഘടിപ്പിച്ചു. സമാജം സ്​കൂൾ ഒാഫ്​ ഡ്രാമയുടെ ഇൗ വർഷത്തെ പ്രവർത്തനോദ്​ഘാടനം ഗിരീഷ്​ സോപാനം നിർവഹിച്ചു. കലാവിഭാഗം സെക്രട്ടറി ശിവകുമാർ കൊല്ലറോത്ത്​, നാടക വിഭാഗം കൺവീനർ അനിൽ സോപാനം എന്നിവരും സമാജം ഭാരവാഹികളും സംബന്ധിച്ചു.

 ഡ്രാമ ക്ലബി​​െൻറ ഒരുമാസം നീണ്ടുനിൽക്കുന്ന നാടകക്യാമ്പിനും ഇന്നലെ തുടക്കമായി. കാവാലം നാരായണ പണിക്കരുടെ ശിഷ്യൻ കൂടിയായ ഗിരീഷ്​ സോപാനം ക്യാമ്പിന്​ നേതൃത്വം നൽകും. ക്യാമ്പി​​െൻറ സമാപനത്തിൽ ‘അവനവൻ കടമ്പ’ എന്ന പ്രശസ്​ത നാടകം അവതരിപ്പിക്കും. ക്യാമ്പിൽ പ​െങ്കടുക്കാൻ താൽപര്യമുള്ളവർക്ക്​ സമാജവുമായി ബന്ധപ്പെടാം. ഇന്നലെ സന്തോഷ്​ ഏച്ചിക്കാനം എഴുതിയ ചെറുകഥ ‘ബിരിയാണി’യുടെ നാടകാവിഷ്​കാരം നടന്നു. 
അനിൽ സോപാമാണ്​ സംവിധാനം ചെയ്​തത്.

നാടകത്തിൽ രാഗേഷ്​ ബാലുശ്ശേരി, ദിനേശ്​ കുറ്റിയിൽ, ആർ.ജെ.പ്രവീൺ, സജീവൻ കണ്ണപുരം, കാർത്തിക്​ സുന്ദർ, അനീഷ്​ റോൺ, സ്​മിത സന്തോഷ്​, ബ്രിജേഷ്​, അശ്വതി ബ്രിജേഷ്​, രാജേഷ്​ കോടോത്ത്​, സുനിൽ കതിരൂർ എന്നിവർ അഭിനയിച്ചു.സജീവൻ, സാരംഗി ശശി, വിപിൻ, അച്ചു അരുൺ, ധർമരാജ്​, ടോണി, അജിത്​ നായർ എന്നിവർ അണിയറിയിൽ പ്രവർത്തിച്ചു. ഇന്നലെ ഇന്ത്യൻ സ്​കൂളിലെ കുട്ടികൾ പുസ്​തകമേള കാണാനെത്തി.കുട്ടികൾ ഇംഗ്ലിഷ്​ പുസ്​തകങ്ങളാണ്​ കൂടുതലും വാങ്ങുന്നത്​. നാളെ വൈകീട്ട്​ ബി.എസ്​.വാരിയരുടെ നേതൃത്വത്തിൽ കരിയർ ഗൈഡൻസ്​ ക്ലാസ്​ നടക്കും. സമാജം മലയാളം പാഠശാലയുടെ പ്രവേശനോത്സവം ഇന്ന്​ നടക്കുമെന്ന്​ ഭാരവാഹികൾ അറിയിച്ചു.