അതിരുകൾ ഭേദിച്ച സൈക്കിൾ റൈഡ്​: യു.എ.ഇയിൽനിന്ന്​ ഒമാനിലേക്ക്​ സൈക്കിൾ ചവിട്ടി മലയാളികൾ

ദു​ബൈ: കു​ത്ത​നെ​യു​ള്ള ക​യ​റ്റ​വും കു​ത്തി​റ​ക്ക​വും ചു​ടു​കാ​റ്റും മ​ല​നി​ര​ക​ളും ഓ​ഫ്​​റോ​ഡും താ​ണ്ടി​യു​ള​ള 24 മ​ണി​ക്കൂ​ർ യാ​ത്ര, 120 കി​ലോ​മീ​റ്റ​ർ റൈ​ഡ്. മ​ല​പ്പു​റം ച​ങ്ങ​രം​കു​ളം​കാ​ര​ൻ കെ.​വി. മു​ർ​ഷി​ദും ക​ണ്ണൂ​രു​കാ​ര​ൻ ഇ​ബ്രാ​ഹീം കു​ട്ടി​യും റാ​സ​ൽ​ഖൈ​മ​യി​ൽ​നി​ന്ന്​ ച​വി​ട്ടി​ക്ക​യ​റി​യ​ത്​ ച​രി​ത്ര​ത്തി​ലേ​ക്ക്. യു.​എ.​ഇ​യി​ൽ​നി​ന്ന്​ സൈ​ക്കി​ളി​ൽ ഒ​മാ​ൻ അ​തി​ർ​ത്തി​ക​ട​ക്കു​ന്ന അ​പൂ​ർ​വം മ​ല​യാ​ളി​ക​ളെ​ന്ന റെ​ക്കോ​ഡു​മാ​യാ​ണ്​ മു​ർ​ഷി​ദും ഇ​​ബ്രാ​ഹീം കു​ട്ടി​യും തി​രി​ച്ചെ​ത്തി​യി​രി​ക്കു​ന്ന​ത്. ഒ​രു​ദി​വ​സ​ത്തെ യാ​ത്ര​ക്കും ഭ​ക്ഷ​ണ​ത്തി​നും വി​സ​ക്കും താ​മ​സ​ത്തി​നും ഒ​രാ​ൾ​ക്ക് ചെ​ല​വാ​യ​ത്​ 220 ദി​ർ​ഹം മാ​ത്രം.

വെ​ള്ളി​യാ​ഴ്ച ഉ​ച്ച​ക്ക് മൂ​ന്നി​നാ​ണ്​​​ റാ​സ​ൽ​ഖൈ​മ​യി​ലെ ശാം ​റം​സി​ൽ​നി​ന്ന്​ യാ​ത്ര തു​ട​ങ്ങി​യ​ത്. അ​ഞ്ച്​ കി​ലോ​മീ​റ്റ​ർ അ​പ്പ​റു​ത്ത്​ അ​ൽ​ജീ​റ​യി​ലെ അ​തി​ർ​ത്തി ചെ​ക്​​പോ​സ്റ്റി​ലെ​ത്തി​യാ​ണ്​ വി​സ എ​ടു​ത്ത​ത്. 35 ദി​ർ​ഹ​മാ​ണ്​ ചെ​ല​വ്. അ​ൽ​ജീ​റ​യി​ലെ യു.​എ.​ഇ എ​മി​ഗ്രേ​ഷ​നി​ൽ​നി​ന്ന്​ എ​ക്സി​റ്റ്​ വാ​ങ്ങി. സൈ​ക്കി​​ളി​ൽ മ​ല​ക​യ​റാ​നാ​ണ്​ പോ​കു​ന്ന​തെ​ന്ന്​ പ​റ​ഞ്ഞ​പ്പോ​ൾ അ​തു​ വേ​ണോ എ​ന്നാ​യി​രു​ന്നു അ​വി​ടെ​യു​ണ്ടാ​യി​രു​ന്ന പൊ​ലീ​സു​കാ​രു​ടെ ചോ​ദ്യം. അ​പ​ക​ട സാ​ധ്യ​ത​ക​ൾ പ​റ​ഞ്ഞ്​ മ​ന​സ്സി​ലാ​ക്കി​യ ശേ​ഷം നി​ങ്ങ​ൾ​ക്ക്​ പ്ര​ശ്ന​മി​ല്ലെ​ങ്കി​ൽ പോ​യ്​​ക്കോ​ളൂ എ​ന്ന്​ പൊ​ലീ​സ്​ പ​റ​ഞ്ഞു. ഇ​വി​ടെ​നി​ന്ന്​ അ​ര​കി​ലോ​മീ​റ്റ​ർ മു​ന്നോ​ട്ട്​ നീ​ങ്ങു​മ്പോ​ൾ ഒ​മാ​ൻ എ​മി​ഗ്രേ​ഷ​നു​മു​ണ്ട്. അ​വി​ടെ വി​സ സ്​​റ്റാ​മ്പ്​ ചെ​യ്തു. വാ​ക്സി​നും 48 മ​ണി​ക്കൂ​റി​നു​ള്ളി​ലെ​ടു​ത്ത പി.​സി.​ആ​ർ ഫ​ല​വും ഹാ​ജ​രാ​ക്കി. ഇ​വി​ടെ​നി​ന്ന്​ പെ​ർ​മി​ഷ​ൻ കാ​ർ​ഡും ഒ​രു​മാ​സ​ത്തെ വി​സ​യും സ്റ്റാ​മ്പ്​ ചെ​യ്തു. എ​ല്ലാ വി​സ​ക്കാ​രെ​യും അ​തി​ർ​ത്തി​ക​ട​ക്കാ​ൻ അ​നു​വ​ദി​ക്കി​ല്ലെ​ന്ന്​ ഇ​ബ്രാ​ഹീം​കു​ട്ടി​യും മു​ർ​ഷി​ദും പ​റ​യു​ന്നു. ന​ല്ല പ്ര​ഫ​ഷ​ൻ കാ​ണി​ക്കു​ന്ന വി​സ​ക്കാ​രെ മാ​ത്ര​മാ​ണ്​ ക​ട​ത്തി​വി​ടു​ന്ന​ത്. തൊ​ട്ട​ടു​ത്തു​ള്ള മ​റ്റൊ​രു ചെ​ക്ക്​ പോ​സ്റ്റി​ലെ പ​രി​ശോ​ധ​ന​യും ക​ഴി​ഞ്ഞ്​ നാ​ലു​ മ​ണി​ക്കാ​ണ്​ ഒ​മാ​ൻ അ​തി​ർ​ത്തി ക​ട​ന്ന​ത്. അ​വി​ടെ നി​ന്ന്​ ക​സ​ബി​ലേ​ക്കാ​യി​രു​ന്നു യാ​ത്ര. 45 കി​ലോ​മീ​റ്റ​ർ ദൂ​ര​മു​ണ്ട്. ഒ​രു​ഭാ​ഗ​ത്ത്​ മ​ല​യും മ​റു​ഭാ​ഗ​ത്ത്​ ക​ട​ലും നി​റ​ഞ്ഞ കാ​ഴ്ച​ക​ൾ ക​ണ്ടാ​യി​രു​ന്നു ​യാ​ത്ര. കു​റ​ച്ച്​ ക​ഴി​ഞ്ഞ​പ്പോ​ൾ ചെ​റി​യ ക​യ​റ്റ​ങ്ങ​ൾ ക​ണ്ടു​തു​ട​ങ്ങി. 20 കി​ലോ​മീ​റ്റ​ർ ക​ഴി​ഞ്ഞാ​ൽ കു​ത്ത​നെ​യു​ള്ള ക​യ​റ്റ​മാ​ണ്. ജ​ബ​ൽ ജെ​യ്​​സി​നേ​ക്കാ​ൾ ക​ഠി​ന​മാ​ണ്​ ഈ ​ക​യ​റ്റ​മെ​ന്ന്​ ഇ​വ​ർ പ​റ​യു​ന്നു. 15 ത​വ​ണ ജ​ബ​ൽ​ജെ​യ്​​സ്​ ക​യ​റി​യി​റ​ങ്ങി​യ​യാ​ളാ​ണ്​ മു​ർ​ഷി​ദ്. 12 മ​ണി​ക്കൂ​റി​നി​ടെ മൂ​ന്നു​ ത​വ​ണ ജ​ബ​ൽ​ജെ​യ്​​സ്​ ക​യ​റി റെ​ക്കോ​ഡി​ട്ടി​ട്ടു​ണ്ട്. ക​സ​ബി​ലേ​ത്​ നാ​ലു കി​ലോ​മീ​റ്റ​ർ കു​ത്ത​നെ ക​യ​റ്റ​മാ​ണ്. കാ​ൽ കി​ലോ​മീ​റ്റ​ർ ച​വി​ട്ടി​യ​ശേ​ഷം ബാ​ക്കി ഭാ​ഗം ത​ള്ളി​ക്ക​യ​റ്റു​ക​യാ​യി​രു​ന്നു. മു​ക​ളി​ലെ​ത്തി​ക്ക​ഴി​ഞ്ഞാ​ൽ അ​ടു​ത്ത​ത്​ നാ​ല്​ കി​ലോ​മീ​റ്റ​ർ കു​ത്ത​നെ​യു​ള്ള ഇ​റ​ക്ക​മാ​ണ്.

അ​ഞ്ചു​ മി​നി​റ്റു​കൊ​ണ്ട്​ താ​ഴെ മു​ക്കി​ൽ എ​ന്ന സ്ഥ​ല​ത്തെ​ത്തി. അ​വി​ടെ നി​ന്ന്​ അ​ഞ്ചു​ കി​ലോ​മീ​റ്റ​ർ സ​ഞ്ച​രി​ച്ചാ​ൽ മ​ല​യാ​ളി​യാ​യ ജം​ഷി​റി‍െൻറ ക​ഫ​റ്റീ​രി​യ കാ​ണാം. ആ​ദ്യ​മാ​യാ​ണ്​ മ​ല​യാ​ളി​ക​ൾ സൈ​ക്കി​ളി​ൽ അ​തി​ർ​ത്തി​ക​ട​ന്നു വ​രു​ന്ന​തെ​ന്നാ​ണ്​ അ​വി​ടെ​യു​ണ്ടാ​യി​രു​ന്ന​വ​ർ പ​റ​ഞ്ഞ​ത്.

രാ​ജീ​വ്, ബാ​ദു​ഷ എ​ന്നി​വ​രാ​ണ്​ ത​ങ്ങ​ൾ​ക്ക്​ റൂം ​ശ​രി​യാ​ക്കി ത​ന്ന​ത്. ക​സ​ബി​ലെ ലു​ലു​വി‍െൻറ സ​മീ​പ​മാ​യി​രു​ന്നു താ​മ​സം. തൊ​ട്ട​ടു​ത്ത ദി​വ​സം രാ​വി​ലെ സു​ബ്​​ഹി ന​മ​സ്കാ​രം ക​ഴി​ഞ്ഞ്​ അ​ധി​ക​മാ​രും ക​യ​റാ​ത്ത കൊ​റ​ൽ അ​ൽ ന​ജ്​​ദ്​ ല​ക്ഷ്യ​മാ​ക്കി യാ​ത്ര തു​ട​ർ​ന്നു. 25 കി​ലോ​മീ​റ്റ​റു​ണ്ട്. അ​ഞ്ച്​ കി​ലോ​മീ​റ്റ​ർ ഓ​ഫ്​ റോ​ഡും കു​ത്ത​നെ ക​യ​റ്റ​വു​മാ​ണ്. ഇ​വി​ടെ​യും ര​ണ്ടു​ കി​ലോ​മീ​റ്റ​ർ ത​ള്ളി​ക്ക​യ​റ്റേ​ണ്ടി വ​ന്നു. മു​ക​ളി​ലെ​ത്തി​യാ​ൽ കാ​ണു​ന്ന​ത്​ ക​ൺ​കു​ളി​രു​ന്ന കാ​ഴ്ച​യാ​ണെ​ന്ന്​ ഇ​രു​വ​രും പ​റ​യു​ന്നു. താ​ഴെ ക​ട​ലും ക​ര​​യു​മെ​ല്ലാം ഒ​രു​മി​ച്ച്​ കാ​ണാം. ഉ​ച്ച​യോ​ടെ തി​രി​ച്ച്​ ക​സ​ബി​ലെ​ത്തി. അ​ടു​ത്ത ദി​വ​സം ത​ന്നെ നാ​ട്ടി​ലേ​ക്ക്​ പോ​കേ​ണ്ട​തി​നാ​ൽ ഒ​മാ​നി​ൽ അ​ധി​കം ക​റ​ക്ക​ത്തി​ന്​ നി​ന്നി​ല്ല. മൂ​ന്നു​ മ​ണി​ക്കൂ​ർ കൊ​ണ്ട്​ ബോ​ർ​ഡ​റി​ലെ​ത്തി. 14 ദി​വ​സ​ത്തി​നു​ള്ളി​ലെ​ടു​ത്ത പി.​സി.​ആ​ർ പ​രി​ശോ​ധ​ന ഫ​ല​മാ​ണ്​ ഇ​വി​ടെ ഹാ​ജ​രാ​ക്കേ​ണ്ട​ത്.

ഇ​തി​നു മു​മ്പും ദു​ബൈ​യി​ൽ ദീ​ർ​ഘ​ദൂ​ര റൈ​​ഡു​ക​ൾ ന​ട​ത്തി​യ​വ​രാ​ണ്​ മു​ർ​ഷി​ദും ഇ​ബ്രാ​ഹിം കു​ട്ടി​യും. 12 മ​ണി​ക്കൂ​ർ കൊ​ണ്ട്​ 300 കി​ലോ​മീ​റ്റ​ർ സൈ​ക്കി​ൾ ച​വി​ട്ടി​യി​ട്ടു​ണ്ട്​ മു​ർ​ഷി​ദ്. യു.​എ.​ഇ​യി​ലെ മ​ല​യാ​ളി സൈ​ക്കി​​ൾ കൂ​ട്ടാ​യ്മ​യാ​യ കേ​ര​ള റൈ​ഡേ​ഴ്​​സ്, ഡി.​എ​ക്സ്.​ബി റൈ​ഡേ​ഴ്​​സ്​ എ​ന്നി​വ​യി​ൽ അം​ഗ​ങ്ങ​ളാ​ണ്. റാ​സ​ൽ​ഖൈ​മ​യി​ൽ ബ​ഖാ​ല ന​ട​ത്തു​ക​യാ​ണ്​ മു​ർ​ഷി​ദ്. ദുബൈ പൊലീസിൽ ഹെൽത്ത്​ വിഭാഗം ജീവനക്കാരനാണ്​ ഇബ്രാഹീം കുട്ടി.