ബാലഭാസ്​കറിനെ പവിഴദ്വീപ്​ മറക്കുന്നതെങ്ങനെ..

മനാമ: വയലിൻ ഫ്യൂഷനിലൂടെ സംഗീതപ്രേമികളുടെ ഹൃദയത്തിൽ ഇടംപിടിച്ച ബാലഭാസ്​കറി​​​െൻറ വിയോഗം ബഹ്​റൈൻ മലയാളി സമൂഹത്തിന്​ തീരാവേദനയായി. ഒരാഴ്​ച മുമ്പ്​ അദ്ദേഹത്തിനും കുടുംബത്തിനും വാഹനാപകടം ഉണ്ടാകുകയും കുഞ്ഞ്​ മരിക്കുകയും ചെയ്​ത വാർത്തയെ അതീവ ദു:ഖത്തോടെയാണ്​ ഇവിടെയുള്ള മലയാളികൾ ശ്രവിച്ചത്​. ബഹ്​റൈൻ മലയാളി സാംസ്​കാരിക സംഗീത പരിപാടികളിൽ സംബന്​ധിക്കാൻ ബാലഭാസ്​കർ നിരവധി തവണയാണ്​ വന്നിട്ടുള്ളത്​. ബഹ്​റൈനിൽ സുഹൃത്തുക്കളും ആരാധകരും അദ്ദേഹത്തിന്​ ഏറെയാണ്​. ഒരു വർഷത്തോളം മുമ്പ്​ മീഡിയവൺ സംഘടിപ്പിച്ച മെഗാഷോയിൽ പ​െങ്കടുക്കാനാണ്​ ഏറ്റവും ഒടുവിലായി എത്തിയത്​.

വിനയവും നിറഞ്ഞ സൗഹൃദം നിറഞ്ഞ പെരുമാറ്റവും സാധാരണക്കാരുടെ ഇടയിൽ അദ്ദേഹത്തിന്​ കൂടുതൽ അടുപ്പക്കാരുണ്ടാക്കി. വാഹനാപകട വാർത്ത എത്തിയപ്പോൾ ഏവരും അദ്ദേഹത്തിനും കുടുംബത്തിനുമായുള്ള പ്രാർഥനകളിലായിരുന്നു. ബഹ്​റൈനിലുള്ള സംഗീതരംഗത്തുള്ളവർക്ക്​ വ്യക്തിപരമായ നഷ്​ടം കൂടിയാണ്​ ബാലഭാസ്​കറി​​​െൻറ മടക്കം. ഇന്നലെ പുലർച്ചെ മുതൽ വിയോഗ വാർത്ത വാട്ട്​സാപ്പ്​ ഗ്രൂപ്പുകളിലൂടെ വ്യാപിക്കു​േമ്പാൾ അവിശ്വസനീയതയോടെയാണ്​ പലരും കണ്ടത്​. തുടർന്ന്​ ന്യൂസ്​ ചാനലുകളിലൂടെ സംഭവം സ്ഥിരീകരിച്ചപ്പോൾ സാമൂഹിക മാധ്യമങ്ങളിൽ അദ്ദേഹത്തിന്​ പ്രണാമം അർപ്പിക്കലി​​​െൻറ ഒഴ​ുക്കായിരുന്നു. ഉംബായിയുടെ മരണത്തിനുശേഷം പ്രവാസി സമൂഹത്തിന്​ ആഘാതം നൽകിയ മരണവാർത്തയായിരുന്നു ബാലഭാസ്​കറി​​​െൻറത്​ എന്നാണ്​ വിലയിരുത്തൽ.