മലയാളത്തെ നെഞ്ചേറ്റുക –മുരുകൻ കാട്ടാക്കട

മനാമ: കേരളത്തിലെ സ്​കൂളുകളിൽ മലയാളം നിർബന്ധമാക്കിയതും ഭരണഭാഷ മലയാളമാക്കിയതും പ്രശംസനീയ നടപടിയാണെന്ന്​​ കവി മുരുകൻ കാട്ടാക്കട പറഞ്ഞു. ‘ഗൾഫ്​ മാധ്യമ’വുമായി സംസാരിക്കുകയായിരുന്നു അദ്ദേഹം.  കേരളീയ സമാജവും ഡി.സി ബുക്​സും ചേർന്ന്​ നടത്തുന്ന അന്തർദേശീയ പുസ്​തകമേളയിൽ സംബന്ധിക്കാനായാണ്​ അദ്ദേഹം ബഹ്​റൈനിൽ എത്തിയത്​.

 മലയാളം സുന്ദരമായ ഭാഷയാണ്​. ഏത്​ വികാരവും സന്ദർഭവും സത്ത ​േചാരാതെ അടയാളപ്പെടുത്താൻ സജ്ജമാണ്​ മലയാളം. വായനയും മലയാളവും മരിക്കുന്നു, നശിക്കുന്നു എന്ന്​ പറയുന്നവരാണ്​ യഥാർഥത്തിൽ നാശം വിതക്കുന്നത്​. പല വാക്കുകളും കാലത്തോടൊപ്പം ഇല്ലാതാകുന്നുണ്ട്​. പത്തായം, ഉറി, ഉലക്ക എന്നീ വാക്കുകൾ അതിന്​ ഉദാഹരണമാണ്​.  അതോടൊപ്പം ഒരു സംസ്​കാരവും കൂടിയാണ്​ ഇല്ലാതാകുന്നത്​. ഏറ്റവും ബൃഹത്തായ ഭാഷയുടെ ഉടമകളാണ്​ മലയാളികൾ.

സാഹിത്യ പ്രവർത്തനവും ഒൗദ്യോഗിക ജീവിതവും ഒന്നിച്ച്​കൊണ്ടുപോകു​വാൻ ഏറെ ബുദ്ധിമുട്ടുന്നുണ്ട്​. കവി കവിത എഴുതിയാൽ പോര, എഴുതിയത്​ ചൊല്ലുകയും വേണമെന്ന നിർബന്ധത്തിന്​ വഴങ്ങേണ്ടിവരുന്നു. രാത്രികാലങ്ങളിലുള്ള ഫോൺ കോളുകൾ അലോസരപ്പെടുത്തുന്നതാണ്​. ചിലർ നേരവും കാലവുമില്ലാതെ വിളിച്ച്​ ‘ഒരു കവിത ചൊല്ലി തരൂ’ എന്ന്​ പറയുകയാണ്​. ഒന്ന്​ ചൊല്ലികഴിഞ്ഞാൽ അടുത്തത്​ ചോദിക്കുന്നു. സ്വകാര്യതക്കൊ​ന്നും ആരും ഒരു പരിഗണനയും തരുന്നില്ല. സാഹിത്യ മേഖലയിലും സഹപ്രവർത്തകർക്കിടയിലും ശത്രുകളില്ല. ആരുടെയും പടിവാതിൽക്കൽ ഒൗദാര്യങ്ങൾക്കായി പോയിട്ടില്ല. സ്വന്തം നിലക്ക്​ കഠിനാധ്വാനം ചെയ്​താണ്​ ഇൗനിലയിൽ എത്തിയത്​. കവിതകളെ ഇഷ്​ടപ്പെടുന്നവരുടെ ഹൃദയത്തിലൂടെയാണ്​ ഞാൻ യാത്ര ചെയ്യുന്നത്​. അത്​ തരുന്ന സന്തോഷം പറഞ്ഞറിയിക്കാൻ കഴിയില്ല. കവി എന്ന്​ എന്നെ ആദ്യം വിളിച്ചത്​ കടമ്മനിട്ടയാണ്​. എന്നെ എന്നും വാത്സല്യത്തോടെ കണ്ടത്​ കടമ്മനിട്ട മാത്രമായിരുന്നു. ഒരു വാക്കുകൊണ്ട്​ ആരുടെയെങ്കിലും ഹൃദയത്തിൽ കവിയായി ജീവിക്കുന്നുണ്ടെങ്കിൽ അതിൽപരം സന്തോഷം ഇല്ല. ബാല്യത്തി​​​െൻറ സ്വപ്​നങ്ങളിൽനിന്ന്​ അച്​ഛൻ വിടപറയു​േമ്പാൾ പോലും പതറിയിട്ടില്ല. ആത്​മവിശ്വാസം എന്നും കൂടെയുണ്ടായിരുന്നു.

സ്വന്തം നാടിനെയും പുഴയെയും മരങ്ങളെയും കുറിച്ചോർത്താണ്​ കവിതകളെഴുതിയത്​. അധ്യാപകർ കുട്ടികളെ അടിക്കരുത്​, വഴക്കുപറയരുത്​ എന്ന നിലപാടിനോട്​ യോജിപ്പില്ല. സ്വന്തം മകളെ അടിക്കാറുണ്ട്​. ആൺകുട്ടികൾ മാത്രം പഠിക്കുന്ന സ്​കൂളിലെ അധ്യാപകനാണ്​ ഞാൻ. അവിടെയും കുട്ടികൾക്ക്​ അടികിട്ടാറുണ്ട്​​. എന്നാലും അവർ പറയും മുരുകൻ സാറാണ്​ ഏറ്റവും പ്രിയപ്പെട്ട സാറെന്ന്​. കുട്ടികളോട്​ ആരുടെയും സ്വാധീനത്തിൽ പെടരുത്​ എന്നാണ്​ എപ്പോഴും പറയാറുള്ളത്​. ആരെയും ഉദാഹരണങ്ങളായും എടുക്കരുത്​. ആരെയും മാതൃകയാക്കേണ്ട കാര്യവുമില്ല. അങ്ങനെയായാൽ വേറെ ആരോ ആയിത്തീരാനുള്ള ശ്രമമായിരിക്കും നടക്കുന്നത്​. അതല്ല വേണ്ടത്​. 
പുതിയകാലത്ത്​ നിരവധി നല്ല എഴുത്തുകാരുണ്ട്​. നല്ല രചനകളുമുണ്ടാകുന്നുണ്ട്​. ഏറെ ഇഷ്​ടപ്പെടുന്ന കവിയാണ്​ റഫീഖ്​ അഹമ്മദ്​.
 കവിതയും സിനിമാഗാനവും ഒരുപോലെ ഹൃദയസ്​പർശിയാക്കാൻ കഴിവുള്ള ഒരാൾ വേറെയില്ല. മറ്റൊരാളാണ്​ പവിത്രൻ തീക്കുനി. തീ എരിയുന്ന രചനകൾക്ക്​ ഉടമയാണ്​ അദ്ദേഹം. വേറെയും ഏഴുത്തുകാരുണ്ട്​. പദസമ്പത്തുള്ളവർ. പുതുതലമുറയിലെ കുട്ടികൾ ഭാഷയെ സ്​നേഹിക്കുന്നില്ലെങ്കിൽ അതി​​​െൻറ കുറ്റം രക്ഷിതാക്കൾക്കാണ്​. 
മുതിർന്നവർ കവിതകേൾക്കുന്ന പതിവില്ലാതാക്കി മൊബൈൽ ഫോണിൽ തലകുനിച്ചിരിക്കുന്ന സംസ്​കാരം വളർത്തികൊണ്ടിരിക്കുന്നു. ഇതുകണ്ടാണ്​ കുട്ടികളും വളരുന്നത്​. പരസ്​പരം കാണുന്നവർ സംസാരിക്കുന്നില്ല. പറയാനുള്ളത്​ വാട്​സ്​ആപ്പിലും ഇ^മെയിലിലും അയക്കുകയാണ്​.
പ്രവാസജീവിതം തീഷ്​ണമായ ഒന്നാണ്​​. മലയാളത്തി​ലെ ഏറ്റവും മനോഹരമായ രചനകൾ വരുന്ന ഇടമാണിത്​​. നാടിനെക്കുറിച്ചുള്ള ചിന്തകളുമായാണ്​ പ്രവാസി ഇവിടെ കഴിയുന്നത്​. അതുകൊണ്ടാണ്​ ഒാണവും വിഷുവും തിരുവാതിരയും  ഇവിടെ സജീവമാകുന്നത്. ^മുരുകൻ പറഞ്ഞു.