പുസ്​തകോത്സവത്തിൽ കൗതുകവുമായി സ്​കൂൾ വിദ്യാർഥികൾ

മനാമ: കേരളീയ സമാജത്തിൽ നടക്കുന്ന പുസ്​തകമേളയോടനുബന്ധിച്ച്​ ഇന്നലെ കവി മുരുകൻ കാട്ടാക്കടയുമായി മുഖാമുഖം നടന്നു. അനുബന്ധ പരിപാടിയായി സാഹിത്യ ക്വിസ്​ മത്സരവും നടത്തി. പ്രാഥമിക എഴുത്തുപരീക്ഷയിൽ 11 ടീമുകൾ പ​​െങ്കടുത്തു. അതിൽനിന്ന്​ മികച്ച ആറ്​ ടീമുകളാണ്​ അവസാന റൗണ്ട്​ മത്സരത്തിൽ എത്തിയത്​.

മിനേഷ്​ രാമനുണ്ണി, അഞ്​ജു, നജ്​മുദ്ദീൻ ടീം ഒന്നാം സ്​ഥാനവും, ശങ്കർപ്രസാദ്​, ഉഷ, അനഘ ടീം രണ്ടാം സ്​ഥാനവും, വിജു കൃഷ്​ണൻ,രജിത സുനിൽ, ജോസി ടീം മൂന്നാം സ്​ഥാനവും നേടി.ന്യൂ ഇന്ത്യൻ സ്​കൂൾ, ഭവൻസ്​ സ്​കൂൾ എന്നിവിടങ്ങളിലെ കുട്ടികൾ കഴിഞ്ഞ ദിവസം പുസ്​തകമേള  കാണാനെത്തി. വി.ടി. ബൽറാം എം.എൽ.എ, എ.പി.അബ്​ദുല്ലക്കുട്ടി എന്നിവർ പുസ്​തകമേള സന്ദർശിച്ചു. ​​കോൺഗ്രസ്​ അനുഭാവികളുടെ കൂട്ടായ്മയായ െഎ.വൈ.സി.സിയുടെ പരിപാടികളിൽ സംബന്ധിക്കാനാണ്​ ഇരുവരും ബഹ്​റൈനിൽ എത്തിയത്. നാട്ടിലെത്തിയ പ്രതീതിയാണ്​ ഇവിടെയെന്നും ആഗ്രഹിച്ച പുസ്​തകങ്ങൾ വാങ്ങാനായെന്നും വി.ടി.ബൽറാം പറഞ്ഞു.

ഷാർജയിൽ നടക്കുന്ന പുസ്​തകമേളയിൽ പലതവണ പ​െങ്കടുത്തിട്ടുണ്ടെന്നും ഗൾഫ്​ മലയാളികളുടെ സാഹിത്യപ്രവർത്തനം എല്ലാ രാജ്യങ്ങളിലും ശക്​തമാണെന്നതിന്​ തെളിവാണ്​ ബഹ്​റൈനിലെ പുസ്​തകോത്സവമെന്നും അബ്​ദുല്ലക്കുട്ടി പറഞ്ഞു. ‘മീഡിയ കോർണി​’​​െൻറ നേതൃത്വത്തിൽ മ്യൂസിക്കൽ ഫ്യൂഷൻ സംഘടിപ്പിച്ചു. ബംഗാൾ വാദ്യോപകരണമായ കമക്​, അറബിക്​ വാദ്യമായ ദർബൂക, ചെണ്ട എന്നിവയിൽ വിഷ്​ണു നാടകഗ്രാമം, വിജുകൃഷ്​ണൻ, ഹരീഷ്​ മേനോൻ എന്നിവരാണ്​ ഫ്യൂഷൻ തീർത്തത്​​. സോണിയ റഫീഖി​​​െൻറ ‘ഹെർബേറിയം’ എന്ന പുസ്​തകം സുധി പുത്തൻവേലിക്കരയും,  മനു എസ്​. പിള്ള രചിച്ച ‘ദ ​െഎവറിത്രോൺ’ എന്ന പുസ്​തകം അനിൽ വേ​േങ്കാടും വായനക്കാർക്കായി പരിചയപ്പെടുത്തി.ഇന്ന്​ സമാജം സ്​കൂൾ ഒാഫ്​ ഡ്രാമയുടെ ഇൗ വർഷത്തെ പ്രവർ​ത്തനോദ്​ഘാടനം നടക്കും. ഇതോടനുബന്ധിച്ച്​ ‘ബിരിയാണി’ എന്ന നാടകം അവതരിപ്പിക്കും. തിങ്കളാഴ്​ച നടക്കുന്ന പരിപാടികളിൽ കരിയർ ഗൈഡൻസ്​ വിദഗ്​ധൻ ബി.എസ്​. വാരിയർ പ​​​െങ്കടുക്കും.