കേന്ദ്ര സർക്കാർ ജനാധിപത്യത്തെ തകർക്കുന്നു –എം.കെ. രാഘവൻ എം.പി

മനാമ: പാർലമ​​െൻറിനകത്തും പുറത്തും കേന്ദ്രസർക്കാർ തികച്ചും ഏകാധിപത്യപരമായാണ്​ പെരുമാറുന്നതെന്ന്​ കോൺഗ്രസ്​ നേതാവും ​േകാഴിക്കോട്​ എം.പിയുമായ എം.കെ. രാഘവൻ പറഞ്ഞു. പാർലമ​​െൻറിനകത്ത്​ സർക്കാറി​​​െൻറ ജനവിരുദ്ധ നയങ്ങൾക്കെതിരെ പ്രതിപക്ഷം ശക്​തമായി പ്രതികരിക്കാറുണ്ട്​. പ്രതിപക്ഷത്തി​​​െൻറ അംഗബലം കുറവാണെന്ന കാര്യം ഇതിൽ തടസമാകാറില്ല. ജനാധിപത്യവുമായി പുലബന്ധമില്ലാത്ത നടപടിയാണ്​ നരേന്ദ്ര മോദി സർക്കാർ സ്വീകരിച്ചുവരുന്നതെന്നും അദ്ദേഹം പറഞ്ഞു. ബഹ്​റൈനിൽ ഒ.​െഎ.സി.സി കോഴിക്കോട്​ ജില്ല കമ്മിറ്റിയുടെ പരിപാടിയിൽ പ​െങ്കടുക്കാനെത്തിയതിനിടെ, ‘ഗൾഫ്​ മാധ്യമം’ ബ്യൂറോ സന്ദർശിക്കവെയാണ്​ എം.കെ.രാഘവൻ ഇങ്ങനെ പറഞ്ഞത്​. കോൺഗ്രസ്​ സർക്കാർ ഉദാരവത്​കരണ നയങ്ങൾ നടപ്പാക്കിയ രീതിയിലല്ല ബി.ജെ.പി നടപ്പാക്കുന്നത്.

എല്ലാ രംഗവും കോർപറേറ്റ്​ വത്​കരിക്കാനുള്ള ശ്രമങ്ങളാണ്​ ഇന്ന്​ നടക്കുന്നത്​.ഇതിനെതിരെ യോജിക്കാവുന്ന എല്ലാ കക്ഷികളുമായും കൈകോർക്കാറുണ്ട്​. രാഷ്​ട്രപതി തെരഞ്ഞെടുപ്പിന്​ മുന്നോടിയായുള്ള ചർച്ചകൾ സജീവമാണ്​. വിശാലമായ യോജിപ്പിലേക്കുള്ള ചൂണ്ടുപലകയായി ഇത്​ മാറും. ഇൗ ചർച്ചകളിൽ ഇടതുകക്ഷികൾ കൂടി പങ്കാളികളാകണം. സി.പി.​െഎ ഇൗ വിഷയത്തിൽ നിലപാടെടുത്തിട്ടുണ്ട്​. അഖിലേന്ത്യ തലത്തിൽ വർഗീയ വിരുദ്ധ മ​ുന്നേറ്റം നടത്തുന്നതിൽ കോൺഗ്രസിസുള്ള പ്രാധാന്യമാണ്​ അവർ വ്യക്​തമാക്കിയത്​. ഇന്നത്തെ സാഹചര്യത്തിൽ ഇന്ത്യയിൽ നിലനിൽക്കുന്ന ഏറ്റവും വലിയ ഭീഷണി വർഗീയ ഫാഷിസം തന്നെയാണ്​. ഫാഷിസ്​റ്റ്​ വിരുദ്ധ നീക്കങ്ങളിൽ ആത്​മാർഥതയില്ലാത്ത സമീപനമാണ്​ സി.പി.എം. സ്വീകരിച്ചിട്ടുള്ളത്​.കേരളത്തിൽ കോൺഗ്രസി​െന പരാജയപ്പെടുത്താൻ സി.പി.എമ്മും ബി.ജെ.പിയും ഒരേ തന്ത്രങ്ങളാണ്​ പയറ്റുന്നത്​.കേരളത്തിലും ഇന്ത്യയിലും ഏറ്റവും അവസരവാദ നിലപാട്​ സ്വീകരിച്ച പാർട്ടിയാണ്​ സി.പി.എം. മുമ്പ്​ കെ.ജി.മാരാർക്ക്​ വേണ്ടി ഇ.എം.എസ്​ പൊതു​േയാഗത്തിൽ പ്രസംഗിച്ചിട്ടുണ്ട്​. അടിയന്തരാവസ്​ഥക്കാലത്തെ ​െഎക്യമെന്ന ന്യായീകരണമായിരുന്നു അതിന്​ പറഞ്ഞത്​.

മുമ്പ്​ രാജീവ്​ ഗാന്ധിയുടെ കാലത്ത്​ പഞ്ചായത്ത്​ രാജ്​^നഗരപാലിക ബിൽ പരാജയപ്പെടുത്തിയത്​ സി.പി.എമ്മാണ്​. കോൺഗ്രസിനോട്​ ഇപ്പോഴും അന്ധമായ വിരോധമാണ്​ സി.പി.എം.പുലർത്തുന്നത്​.ബംഗാളിൽ മുമ്പ്​ സി.പി.എം പരീക്ഷിച്ച അക്രമപാത ഇപ്പോൾ തൃണമൂൽ കോൺഗ്രസ്​ വിജയകരമായി നടപ്പാക്കി വരികയാണ്. സി.പി.എം വിശാലമായി കാര്യങ്ങളെ കാണണം. ഡൽഹിയിൽ വെച്ച്​ അരവിന്ദ്​ കെജ്​രിവാൾ പിണറായിയുമായി ചർച്ച നടത്തിയപ്പോൾ, പിണറായി പറഞ്ഞത്​ കോൺഗ്രസി​െന മാറ്റിനിർത്തിയുള്ള സഖ്യം എന്നാണ്​. ഇൗ നിലപാടുമായി മുന്നോട്ടുപോയാൽ ഫാഷിസ്​റ്റ്​ വിരുദ്ധ ​െഎക്യം​ ശക്​തിപ്പെടുത്താനാകില്ലെന്നും എം.കെ.രാഘവൻ പറഞ്ഞു.

കോഴിക്കോട്​ എം.പിയെന്ന നിലയിൽ ഒ​േട്ടറെ വികസന പ്രവർത്തനങ്ങൾ നടത്താൻ സാധിച്ചിട്ടുണ്ട്​. വിവിധങ്ങളായ കേ​ന്ദ്ര പദ്ധതികൾ സമയബന്ധിതമായി നടപ്പാക്കാനായി. ‘ഇംഹാൻസ്​’ ഉദ്​ഘാടനം ചെയ്​തു. കാൻസർ കെയർ സ​​െൻറർ നിർമാണം മെഡിക്കൽ കോളജിൽ പൂർത്തിയായി വരികയാണ്​. ഇത്​ പ്രവർത്തന ക്ഷമമാകുന്നതോടെ, രോഗികൾക്ക്​ തിരുവനന്തപുരം ആർ.സി.സിയിലേക്ക്​ ചികിത്സക്കായി പോകേണ്ട ആവശ്യമുണ്ടാകില്ല. ഇത്​ മൂന്ന്​ മാസം ​െകാണ്ട്​ പൂർത്തിയാകും. മെഡിക്കൽ കോളജിലുള്ള മൾട്ടി സ്​പെഷ്യാലിറ്റി ആശുപത്രിയും കേന്ദ്രപദ്ധതിയാണ്​.എരഞ്ഞിപ്പാലത്ത്​ ഇ.എസ്​.​െഎ റീജനൽ ഒാഫിസ്​ തുറന്നു. ഇത്​ മേഖയിലെ നിരവധി പേർക്ക്​ ആശ്വാസമാകും. റെയിൽവെ സ്​റ്റേഷനിൽ വൻ വികസന പദ്ധതികളാണ്​ വരുന്നത്​. ഇത്​ സ്വകാര്യവത്​കരണമാണ്​ എന്ന ആശങ്ക അസ്​ഥാനത്താണ്​. വികസനത്തിനായി മുടക്കാൻ റെയിൽവെയുള്ള പക്കൽ പണമില്ല. ഇൗ സാഹചര്യത്തിലാണ്​ നിക്ഷേപകർക്ക്​ 45 വർഷത്തേക്ക്​ നടത്തിപ്പിന്​ കരാർ നൽകുന്നത്​. കരാർ സുതാര്യമാണ്​. ഇതിൽ ഏതെങ്കിലും വ്യവസ്​ഥകൾ ലംഘിക്കപ്പെട്ടാൽ കരാർ റദ്ദാകും.

ജീവനക്കാർക്കോ, യാ​ത്രക്കാർ​ക്കോ ഇതുമൂലം യാതൊരു പ്രതിസന്ധിയുമുണ്ടാകില്ല. മാൾ, മൾട്ടിപ്ലെക്​സ്​ എന്നിവ വരുന്നതോടെ റെയിൽവെ സ്​റ്റേഷ​​​െൻറ മുഖം മാറും. കോഴിക്കോട്​ നഗരത്തിൽ ജോലി ചെയ്യുന്ന സ്​ത്രീ തൊഴിലാളികൾ ഉൾപ്പെടെയുള്ളവർക്ക്​ ശുചിമുറി ഉൾപ്പെടെ അടിസ്​ഥാന സൗകര്യങ്ങൾ ലഭ്യമല്ല എന്ന പ്രശ്​നം നിലനിൽക്കുകയാണ്​. ഇതിന്​ പരിഹാരം കണ്ടെത്തേണ്ടതുണ്ട്. മിഠായിതെരുവിലും മറ്റും അഗ്​നിബാധയുണ്ടാകുന്ന സാഹചര്യത്തിൽ കുതിച്ചെത്താൻ റെയിൽവെയുടെ ഭൂമിയിൽ ഫയർസ്​റ്റേഷൻ സ്​ഥാപിക്കുന്നുണ്ട്​. രാമനാട്ടുകര^വെങ്ങളം ​ 28 കിലോ മീറ്റർ ബൈപ്പാസ് ആറുവരി പാതയാക്കുകയാണ്​. ടെണ്ടർ നടപടി പൂർത്തിയായാൽ ഇത്​ 30 മാസം കൊണ്ട്​ തീർക്കാനാകുമെന്നും എം.പി.പറഞ്ഞു.