അവധിദിനത്തിൽ നിരവധി പേർ  പുസ്​തകമേളയിലെത്തി

മനാമ: ബഹ്‌റൈൻ കേരളീയ സമാജം ഡി.സി. ബുക്സുമായി ചേർന്ന് സംഘടിപ്പിക്കുന്ന അന്തർദേശീയ പുസ്തകമേളയോടനുബന്ധിച്ച്​ നടന്ന സാംസ്​കാരിക സമ്മേളനത്തിൽ ഇന്നലെ കവി മുരുകൻ കാട്ടാക്കട മുഖ്യാതിഥിയായി പ​െങ്കടുത്തു. 
വൈവിധ്യം ഭാഷയിലും സംസ്​കാരത്തിലും ​ലയിച്ചുചേർന്ന ഇടമാണ്​ കേരളമെന്ന്​ മുരുകൻ പറഞ്ഞു. ഇൗ ​ൈവവിധ്യങ്ങളുടെ സംഗമമാണ്​ ഗൾഫിൽ കാണുന്നത്. മലയാളം അതിസുന്ദരമായ ഭാഷയാണ്​. കേവലം 26 അക്ഷരമുള്ള ഇംഗ്ലിഷുമായി താരതമ്യം ചെയ്യു​േമ്പാൾ, മലയാളം എത്രയോ ഉയരത്തിലാണ്​. ഏതുവികാരവും സന്ദർഭവും അതി​​​െൻറ സത്തചോരാതെ അടയാളപ്പെടുത്താൻ സജ്ജമാണ്​ മലയാളം.അഛനെയും മകനെയും ദൈവത്തെയും ‘ഹി’ എന്നാണ്​ ഇംഗ്ലിഷിൽ സംബോധന ചെയ്യുന്നത്​.എന്നാൽ മലയാളം ഒാരോരുത്തരും അർഹിക്കുന്ന രീതിയിലാണ്​ വിശേഷണങ്ങൾ നൽകുന്നത്​. ഏറ്റവും ബൃഹത്തായ ഭാഷയുടെ ഉടമകളാണ്​ മലയാളികൾ എന്ന്​ അദ്ദേഹം കൂട്ടിച്ചേർത്തു. സമാജം പ്രസിഡൻറ്​ പി.വി.രാധാകൃഷ്​ണ പിള്ള, ജന.സെക്രട്ടറി എൻ.കെ.വീരമണി, ഡി.സലിം, കെ.സി.ഫിലിപ്പ്​ തുടങ്ങിയവർ സന്നിഹിതരായിരുന്നു. 
കോഴിക്കോട്​ എം.പി. എം.കെ.രാഘവൻ ഇന്നലെ പുസ്​തമേള സന്ദർശിച്ചു. വെള്ളിയാഴ്​ച ആയതിനാൽ നിരവധി പേരാണ്​ മേളക്കെത്തിയത്​. വിൽപനയിലും വർധവുണ്ടായി.ഇന്നലെ കാലത്ത്​ നടന്ന ചെറുകഥ മത്സരത്തിൽ 50ഒാളം പേർ പ​െങ്കടുത്തു. ‘വേർപാട്​’ എന്ന വിഷയത്തിലായിരുന്നു മത്സരം. 
മികച്ച രചനകൾക്ക്​ മേയ്​ 26ന്​ നടക്കുന്ന സാഹിത്യക്യാമ്പിൽ സമ്മാനങ്ങൾ നൽകും. ഇത്​ സമാജം പ്രസിദ്ധീകരണമായ ‘ജാലക’ത്തിൽ ഉൾപ്പെടുത്തുകയും ചെയ്യും.  സമാജം വായനശാലയുടെ പുസ്​തകശേഖരണ കൗണ്ടർ ​തുറന്നിട്ടുണ്ട്​. ഇതിലേക്ക്​ നിരവധി പേർ പുസ്​തകങ്ങൾ നൽകിയതായി ലൈബ്രേറിയൻ വിനയചന്ദ്രൻ പറഞ്ഞു.ഇന്ന്​ ​വൈകീട്ട്​ നടക്കുന്ന പരിപാടിയിൽ മുരുകൻ കാട്ടാക്കടയുമായി മുഖാമുഖം നടക്കും. സാഹിത്യക്വിസും സംഘടിപ്പിച്ചിട്ടുണ്ട്​.