​െഎക്യ ആഹ്വാനവുമായി ഇസ്​ലാഹി സമ്മേളനം  സമാപിച്ചു

മനാമ: മാനവിക, സമുദായ ഐക്യത്തിനായുള്ള  പ്രവർത്തനങ്ങൾക്ക്​  മുന്നിട്ടിറങ്ങാൻ  ആഹ്വാനം  ചെയ്തുകൊണ്ട്  ബഹ്‌റൈൻ ഇസ്​ലാഹി കോഓഡിനേഷൻ  കമ്മിറ്റിയുടെ  ആഭിമുഖ്യത്തിൽ  സംഘടിപ്പിച്ച സമ്മേളനം സമാപിച്ചു. ബഹ്‌റൈ​​​െൻറ വികസനത്തിൽ മലയാളി സമൂഹം നൽകിയ സംഭാവനകൾ വിലപ്പെട്ടതാണെന്ന്​ മുഖ്യാതിഥിയായി പ​െങ്കടുത്ത ബഹ്‌റൈൻ പാർലമ​​െൻറ്​ അംഗം അഹ്‌മദ്‌ അബ്​ദുൽ വാഹിദ്‌  ഖറാത്ത പറഞ്ഞു. 

അന്ധവിശ്വാസങ്ങൾക്കും  അനാചാരങ്ങൾക്കുമെതിരെ  സന്ധിയില്ലാസമരം  നടത്തുന്ന  ഇസ്​ലാഹി പ്രസ്ഥാനത്തി​​​െൻറ  പ്രവർത്തനങ്ങൾ സമൂഹത്തി​​​െൻറ നാനാതുറകളിലുള്ളവർക്ക്​ ബോധ്യമായതാണെന്നും യോജിച്ച  പ്രവർത്തനത്തിലൂടെ അത്  കൂടുതൽ കാര്യക്ഷമമാക്കാൻ  കഴിയുമെന്നും സമ്മേളനം ഉദ്​ഘാടനം  ചെയ്​ത  കേരള  നദ്‌വത്തുൽ  മുജാഹിദീൻ സംസ്ഥാന   പ്രസിഡൻറ്​ ടി.പി.അബ്​ദുല്ലക്കോയ മദനി  പറഞ്ഞു.

ഏകനായ സൃഷ്​ടാവിനെ  ആരാധിക്കുകയും  ദൈവ സന്ദേശം ജീവിതത്തിൽ  പകർത്തുകയും ചെയ്യുക വഴി മറ്റുള്ളവരിലും ഇസ്​ലാമി​​​െൻറ സന്ദേശം  എത്തിക്കാൻ  കഴിയുമെന്ന്  മുഖ്യപ്രഭാഷണം നടത്തിയ കേരള നദ്‌വത്തുൽ  മുജാഹിദീൻ  വൈസ്  പ്രസിഡൻറ്​ ഡോ.ഹുസൈൻ  മടവൂർ  പറഞ്ഞു. ഡോ. ഈസ മുതവ്വ, എസ്‌.വി.ജലീൽ (കെ.എം.സി.സി), സഈദ് റമദാൻ നദ്‌വി (ഫ്രൻറ്​സ്​) എന്നിവർ  ആശംസകൾ  അർപ്പിച്ചു. കോഓഡിനേഷൻ  കമ്മിറ്റി  കൺവീനർ ജൗഹർ  ഫാറൂഖി  സ്വാഗതം  പറഞ്ഞ  ചടങ്ങിൽ  ചെയർമാൻ  മൂസ സുല്ലമി  അധ്യക്ഷത വഹിച്ചു. 
ശിഫ മൻസൂറി​​​െൻറ  ഖിറാഅത്തോട്  കൂടി  ആരംഭിച്ച  പരിപാടിയുടെ പ്രസീഡിയം അബ്​ദുൽ റസാഖ്  കൊടുവള്ളി, അബ്​ദുൽ മജീദ്‌ കുറ്റ്യാടി, എൻ.റിയാസ്, നദീർ ചാലിൽ,  സൈഫുല്ല ഖാസിം,  നൂറുദ്ദീൻ  ഷാഫി, ഹംസ  മേപ്പാടി  എന്നിവർ നിയന്ത്രിച്ചു.