വെ​സ്റ്റ് ഏ​ഷ്യ​ൻ പാ​രാ ഗെ​യിം​സി​ന്​ തു​ട​ക്കം

മ​നാ​മ: ബ​ഹ്​​റൈ​നി​ൽ ന​ട​ക്കു​ന്ന വെ​സ്റ്റ് ഏ​ഷ്യ​ൻ പാ​രാ​ലി​മ്പി​ക് ഗെ​യിം​സി​​ന്റെ മൂ​ന്നാം പ​തി​പ്പ് ജ​ന​റ​ൽ സ്‌​പോ​ർ​ട്‌​സ് അ​തോ​റി​റ്റി പ്ര​സി​ഡ​ന്‍റും ബ​ഹ്‌​റൈ​ൻ ഒ​ളി​മ്പി​ക് ക​മ്മി​റ്റി ചെ​യ​ർ​മാ​നു​മാ​യ ശൈ​ഖ്​ ഖാ​ലി​ദ്​ ബി​ൻ ഹ​മ​ദ്​ ആ​ൽ ഖ​ലീ​ഫ ഉ​ദ്ഘാ​ട​നം ചെ​യ്തു.

അ​റാ​ദ്​ ഫോ​ർ​ട്ടി​ൽ ന​ട​ന്ന ഉ​ദ്​​ഘാ​ട​ന ച​ട​ങ്ങി​ൽ വി​വി​ധ ടീ​മു​ക​ൾ പ​​ങ്കെ​ടു​ത്ത പ​രേ​ഡ്​ ശ്ര​ദ്ധ​യാ​ക​ർ​ഷി​ച്ചു. 10 ദി​വ​സം നീ​ണ്ടു​നി​ൽ​ക്കു​ന്ന ഗെ​യിം​സി​ൽ 11 രാ​ജ്യ​ങ്ങ​ളി​ൽ​നി​ന്നു​ള്ള 700 പു​രു​ഷ-​വ​നി​ത താ​ര​ങ്ങ​ളാ​ണ്​ പ​​ങ്കെ​ടു​ക്കു​ന്ന​ത്. അ​ത്‌​ല​റ്റി​ക്‌​സ്, വീ​ൽ​ചെ​യ​ർ ബാ​സ്‌​ക​റ്റ്‌​ബാ​ൾ, ബോ​ച്ച, ഗോ​ൾ ബാ​ൾ, ടേ​ബ്ൾ ടെ​ന്നി​സ്, ബാ​ഡ്മി​ന്‍റ​ൺ, ഭാ​രോ​ദ്വ​ഹ​നം തു​ട​ങ്ങി​യ കാ​യി​ക ഇ​ന​ങ്ങ​ളി​ൽ മ​ത്സ​ര​ങ്ങ​ൾ അ​ര​ങ്ങേ​റും. ബ​ഹ്‌​റൈ​ൻ, സൗ​ദി അ​റേ​ബ്യ, യു.​എ.​ഇ, കു​വൈ​ത്ത്, ഒ​മാ​ൻ, ഖ​ത്ത​ർ, ജോ​ർ​ഡ​ൻ, ഇ​റാ​ഖ്, സി​റി​യ, ഫ​ല​സ്തീ​ൻ, ല​ബ​നാ​ൻ എ​ന്നീ രാ​ജ്യ​ങ്ങ​ളാ​ണ്​ വെ​സ്റ്റ് ഏ​ഷ്യ​ൻ പാ​രാ​ലി​മ്പി​ക് ഗെ​യിം​സി​​ൽ പ​​ങ്കെ​ടു​ക്കു​ന്ന​ത്.

2017ൽ ​യു.​എ.​ഇ​യി​ലാ​ണ്​ ആ​ദ്യ വെ​സ്റ്റ് ഏ​ഷ്യ​ൻ പാ​രാ​ലി​മ്പി​ക് ഗെ​യിം​സ്​ അ​ര​ങ്ങേ​റി​യ​ത്. 2019ൽ ​ജോ​ർ​ഡ​നാ​ണ്​ ര​ണ്ടാ​മ​ത്​ പ​തി​പ്പി​ന്​ ആ​തി​ഥേ​യ​ത്വം വ​ഹി​ച്ച​ത്.