ബഹ്​റൈനിൽ പി.സി.ആർ ടെസ്​റ്റ്​ സർട്ടിഫിക്കറ്റ്​ ഇനി 'ബി അവെയർ'ആപ്പിലും

മനാമ: ബഹ്​റൈനിൽനിന്ന്​ മറ്റ്​ രാജ്യങ്ങളിലേക്ക്​ പോകുന്നവർക്ക്​ പി.സി.ആർ പരിശോധനാ സർട്ടിഫിക്കറ്റ്​ 'ബി അവെയർ' മൊബൈൽ ആപ്പിൽ ലഭിക്കുമെന്ന്​ ഇൻഫർമേഷൻ ആൻറ്​ ഇ ഗവൺമെൻ്​ അതോറിറ്റി ചീഫ്​ എക്​സിക്യൂട്ടീവ്​ ഒാഫീസർ മുഹമ്മദ്​ അലി അൽ ഖാഇദ്​ പറഞ്ഞു. ആപ്പി​െൻറ പുതിയ അപ്​ഡേഷനിൽ ഇൗ സൗകര്യം ലഭ്യമാകും. ഏറ്റവും ഒടുവിൽ നടത്തിയ പരിശോധനയുടെ ഫലമാണ്​ ആപ്പിൽ ലഭിക്കുക. ഫലം നെഗറ്റീവ്​ ആയിരിക്കണം, ഒരുമാസത്തിനുള്ളിൽ നടത്തിയ പരിശോധനയായിരിക്കണം എന്നീ നിബന്ധനകളുണ്ട്​. യാത്ര ചെയ്യുന്നവർ പരിശോധനാ ഫലം ലഭിച്ചാൽ ഉടൻതന്നെ സർട്ടിഫിക്കറ്റിന്​ അപേക്ഷിക്കാം. ടെസ്​റ്റ്​ നടത്തി 24 മണിക്കൂറിനകമാണ്​ ഫലം ആപ്പിൽ ലഭ്യമാവുക. ​ഏറ്റവും പുതിയ ടെസ്​റ്റ്​ സെലക്​ട്​ ചെയ്​ത്​ 'പ്രിൻറ്​ പി.ഡി.എഫ്​' ഒാപ്​ഷൻ നൽകി പ്രിൻറ്​ എടുക്കാവ​ുന്നതാണ്​. ഇൗ സർട്ടിഫിക്കറ്റ്​ ഏത്​ രാജ്യത്തും കാണിക്കാം. അതേസമയം, എത്തുന്ന രാജ്യത്ത്​ സ്വീകരിക്കുന്ന സർട്ടിഫിക്കറ്റി​െൻറ കാലപരിധി ഉറപ്പ്​ വരുത്തണം.