പു​തി​യ മോ​ഡ​ൽ ത​ട്ടി​പ്പ്; പ്ര​വാ​സി അ​ധ്യാ​പി​ക​ക്ക് ന​ഷ്ട​മാ​യ​ത് 1188 ദീ​നാ​ർ പ്ര​തി ഏ​ഷ്യ​ക്കാ​ര​ൻ

മ​നാ​മ: ഡേ​റ്റ ചോ​ർ​ത്തി ബാ​ങ്ക് അ​ക്കൗ​ണ്ട് വി​വ​ര​ങ്ങ​ൾ മ​ന​സ്സി​ലാ​ക്കി ത​ട്ടി​പ്പ് ന​ട​ത്തു​ന്ന സം​ഘം വീ​ണ്ടും. സം​ഘ​ത്തി​ന്റെ ത​ട്ടി​പ്പി​നി​ര​യാ​യ പ്ര​വാ​സി അ​ധ്യാ​പി​ക​ക്ക് ന​ഷ്ട​മാ​യ​ത് സെ​ക്ക​ൻ​ഡു​ക​ൾ​ക്കു​ള്ളി​ൽ 1188 ദീ​നാ​റാ​ണ്. ഒ​രു ക​മ്പ​നി ജീ​വ​ന​ക്കാ​ര​നാ​യ ഏ​ഷ്യ​ക്കാ​ര​നാ​ണ് പ്ര​തി.

ഡേ​റ്റ അ​പ്‌​ഡേ​റ്റ് ചെ​യ്യേ​ണ്ട​തു​ണ്ടെ​ന്ന് പ​റ​ഞ്ഞാ​ണ് ഇ​യാ​ൾ 40കാ​രി​യാ​യ അ​ധ്യാ​പി​ക​യെ സ​മീ​പി​ച്ച​ത്. ബാ​ങ്ക് കാ​ർ​ഡ് വെ​രി​ഫി​ക്കേ​ഷ​ൻ കോ​ഡ് ചോ​ദി​ച്ച​റി​ഞ്ഞ​ശേ​ഷം അ​ക്കൗ​ണ്ടി​ൽ​നി​ന്ന് പ​ണം ത​ട്ടു​ക​യാ​യി​രു​ന്നു. മ​റ്റൊ​രാ​ളു​ടെ സ​ഹാ​യ​ത്തോ​ടെ​യാ​ണ് അ​യാ​ൾ ത​ട്ടി​പ്പ് ന​ട​ത്തി​യ​തെ​ന്ന് അ​ന്വേ​ഷ​ണ​ത്തി​ൽ വ്യ​ക്ത​മാ​യി. ഫോ​ണി​ലേ​ക്ക് വ​ന്ന ഒ.​ടി.​പി ന​ൽ​കി​യ​യു​ട​ൻ 1100 ദീ​നാ​ർ അ​ക്കൗ​ണ്ടി​ൽ​നി​ന്ന് ന​ഷ്ട​മാ​യി. തു​ട​ർ​ന്ന് 88 ദീ​നാ​റും പോ​യി.

പ്ര​തി ബ​ഹ്‌​റൈ​ന് പു​റ​ത്തു​ള്ള കൂ​ട്ടാ​ളി​ക​ളു​മാ​യി സ​ഹ​ക​രി​ച്ചാ​ണ് പ്ര​വ​ർ​ത്തി​ച്ച​തെ​ന്നും ഇ​ല​ക്ട്രോ​ണി​ക് ത​ട്ടി​പ്പി​ൽ വൈ​ദ​ഗ്ധ്യ​മു​ള്ള ഒ​രു ശൃം​ഖ​ല​യു​ടെ ഭാ​ഗ​മാ​ണി​യാ​ളെ​ന്നും പൊ​ലീ​സ് അ​ന്വേ​ഷ​ണ​ത്തി​ൽ വ്യ​ക്ത​മാ​യി. വ​ഞ്ച​ന​പ​ര​മാ​യ പ്ര​വ​ർ​ത്ത​ന​ങ്ങ​ൾ​ക്കാ​യി ത​ട്ടി​പ്പു​കാ​ർ ഒ​ന്നി​ല​ധി​കം ബാ​ങ്ക് അ​ക്കൗ​ണ്ടു​ക​ൾ ഉ​പ​യോ​ഗി​ക്കു​ന്നു​ണ്ട്. പ്ര​തി​യെ വ​ഞ്ച​ന​ക്കു​റ്റം ചു​മ​ത്തി ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു. കോ​ട​തി ഇ​യാ​ൾ​ക്ക് മൂ​ന്ന് വ​ർ​ഷം ത​ട​വും 1000 ദീ​നാ​ർ പി​ഴ​യും നാ​ടു​ക​ട​ത്ത​ലും ശി​ക്ഷ വി​ധി​ച്ചു.