‘പവിഴദ്വീപിലും കണികാണൽ കെ​േങ്കമമാകും’ കണി​െക്കാന്ന മലരണിഞ്ഞു; മാവുകളിൽ കണ്ണിമാങ്ങകളും

മനാമ: വിഷുവിന്​ ഇനി പത്ത്​ ദിവസങ്ങൾ മാത്രം ശേഷിക്കെ മലയാളികൾ കണികാണാനുള്ള വിഭവങ്ങൾ കണ്ടുവെക്കുന്ന തിരക്കിലാണ്​. സമൃദ്ധിയുടെ ലക്ഷണമായ കണിക്കൊന്ന ബഹ്​റൈനിൽ പലയിടത്തും നട്ടുവളർത്തുന്ന മലയാളികളുണ്ട്​. അവയിൽ പലതും പൂത്തുകഴിഞ്ഞു. ബഹ്​റൈൻ കേരളീയ സമാജം വളപ്പിലെ കണിക്കൊന്ന ചെടികളിലും മഞ്ഞപൂക്കളുകൾ വിരിഞ്ഞുകഴിഞ്ഞു. ബഹ്​റൈ​​​​െൻറ ഗഫൂൾ പോലുള്ള മേഖലകളിൽ സ്വകാര്യ വ്യക്തികളുടെ വീടുകളിലെ തേൻമാവുകളിൽ നിറയെ കണ്ണിമാങ്ങകള​ും പിടിച്ചിട്ടുണ്ട്​. കണിക്കൊന്നക്കും വെള്ളരിക്കും ഒപ്പം കണികാണാൻ മലയാളികളായ ഹൈന്ദവ വിശ്വാസികൾക്ക്​ കണ്ണിമാങ്ങ നിർബന്​ധമാണ്​. അതിനൊപ്പം സദ്യക്ക്​ നാടൻ വിഭവങ്ങളും തങ്ങളുടെ താമസസ്ഥലങ്ങളിൽ നട്ടുപിടിപ്പിച്ചിരിക്കുന്ന ചില വീട്ടമ്മമാർ എങ്കിലുമുണ്ട്​. വെള്ളരിയും പാവലും പടവലങ്ങയും എല്ലാം ഇത്തിരിയുള്ള വീട്ടുമുറ്റത്ത്​ നട്ടുപിടിപ്പിച്ചവരുടെ വിളവെടുപ്പ്​ ലക്ഷ്യവും വിഷു മുന്നിൽകണ്ടാണ്​. ഒള്ളതുകൊണ്ട്​ ഒാണം എന്ന്​ പറയുന്നതിന്​ പകരം ഒള്ളതുകൊണ്ട്​ വിഷു എന്ന്​ കൂട്ടിച്ചേർക്കുന്നു കണികാണാനും സദ്യയുണ്ണാനും ഒരുങ്ങുന്നവർ.