‘ബഹ്​റൈൻ എല്ലാവർക്കും, എല്ലാവരും ബഹ്​റൈന്​’ ആഘോഷ പരിപാടി നാളെ 

മനാമ:‘ബഹ്​റൈൻ എല്ലാവർക്കും, എല്ലാവരും ബഹ്​റൈന്​’ എന്ന തലക്കെട്ടിൽ നടക്കുന്ന ആഘോഷ പരിപാടി നാളെ ഹിദ്ദിലെ പ്രിൻസ്​ ഖലീഫ പാർക്കിൽ നടക്കുമെന്ന്​ ബന്ധപ്പെട്ടവർ അറിയിച്ചു. രാജ്യ​ത്തി​​​​െൻറ മത സഹിഷ്​ണുതയും സഹവർത്തിത്വവും വിളംബരം​ ചെയ്യുന്ന നാലാമത്​ പരിപാടിയാണ്​ 41 എംബസികളും വിവിധ സംഘടനകളും ഒ​ത്തു​േചർന്ന്​ നടത്തുന്നത്​.

55,000 ത്തോളം പേർ പരിപാടിയിൽ പ​െങ്കടുക്കുമെന്നാണ്​ കരുതുന്നത്​. വിവിധ സാമൂഹിക സംഘടനകൾ, വനിതാ കൂട്ടായ്​മകൾ, ആഭ്യന്തര മന്ത്രാലയത്തിലെ 16 ഡയറക്​​ടറേറ്റുകൾ എന്നിവയും ആഘോഷ പരിപാടികളിൽ സജീവ സാന്നിധ്യമാകും.ബഹ്​റൈനിൽ ജീവിക്കുന്ന എല്ലാവരും സ്​നേഹത്തി​​​​െൻറയും സഹവർത്തിത്വത്തി​​​​െൻറയും സഹിഷ്​ണുതയുടെയും സ​​േന്ദശമാണ്​ ഉയർത്തിപ്പിടിക്കുന്നതെന്ന്​ വ്യക്​തമാക്കാനൂം ഇൗ​െയാരു വ്യതിരിക്​തത കാത്തുസൂക്ഷിക്കുന്ന ഭരണകർത്താക്കൾക്ക്​ കൂറ്​ പ്രകടിപ്പിക്കുന്നതിനുമാണ്​ പരിപാടി.

വിവിധ സംസ്​കാരങ്ങളും മത സമൂഹങ്ങളും വിഭാഗങ്ങളും ഒത്തൊരുമയോടെ ജീവിക്കുന്ന സന്ദേശം ലോകത്തിന്​ മുന്നിൽ വിളിച്ചു  പറയാനും അത്തരമൊരു നിലപാടിന്​ പിന്തുണ തേടാനും കൂടിയാണ ്​ ആഘോഷ പരിപാടികൾ നടത്തുന്നത്​. സംസ്​കാരങ്ങൾ തമ്മിലുള്ള ആദാന പ്രദാനങ്ങൾ, വിവിധ സാംസ്​കാരിക പരിപാടികൾ, പാരമ്പര്യ കലാരൂപങ്ങൾ തുടങ്ങിയവ വിവിധ പ്രവാസി സമൂഹങ്ങൾ  അവതരിപ്പിക്കും. കുട്ടികൾക്കും മുതിർന്നവർക്കും ഒരുപോലെ ആസ്വാദ്യകരമാകുന്ന പരിപാടിയിൽ ​ബഹ്​റൈൻ ഫാമിലി ​ഉൽപന്നങ്ങളുടെ വിപണനവും നടക്കും. 250 ഒാളം സ്​റ്റാളുകളും ബഹ്​റൈൻ പാരമ്പര്യ കലാരൂപങ്ങളും ഒരുക്കിയിട്ടുണ്ട്​. ഇന്ത്യ, പാകിസ്​താൻ, ഫിലിപ്പീൻ, ശ്രീലങ്ക, ജോർഡൻ, ഇൗജിപ്​ത്​, തായ്​ലൻറ്​, ബംഗ്ലാദേശ്​, ഇതോപ്യ എന്നിവിടങ്ങളിൽ നിന്നുള്ള പ്രവാസി സമൂഹം അവതരിപ്പിക്കുന്ന കലാവിരുന്നുകളും ആഘോഷത്തിന്​ കൊഴുപ്പേകും.