ബഹ്​റൈനിൽ 49 പ്രവാസി തൊഴിലാളികൾക്ക്​ കൂടി കോവിഡ്​

മനാമ: ബഹ്​റൈനിൽ 49 പ്രവാസി തൊഴിലാളികൾക്ക്​ കൂടി കോവിഡ്​ -19 സ്​ഥിരീകരിച്ചതായി ആരോഗ്യ മന്ത്രാലയം അറിയിച്ചു. ഞ ായറാഴ്​ച മാത്രം 94 പ്രവാസികൾക്കാണ്​ രോഗം കണ്ടെത്തിയത്​. ഇതോടെ രാജ്യത്ത്​ രോഗം സ്​ഥിരീകരിച്ച പ്രവാസികളുടെ എണ്ണം 376 ആയി. പ്രവാസികൾ ഉൾപ്പെടെ 96 പേർക്കാണ്​ ഞായറാഴ്​ച കോവിഡ്​ കണെടസ്​ഥിരീകരിച്ചത്​. നിലവിൽ 572 പേരാണ്​ ചികിത്സയിൽ കഴിയുന്നത്​. പുതുതായി മൂന്ന്​ പേർ​ സുഖം പ്രാപിച്ചതോടെ രോഗമുക്​തി നേടിയവരുടെ എണ്ണം 558 ആയി.

പ്രവാസി തൊഴിലാളികളുടെ താമസ സ്​ഥലങ്ങളിൽ കഴിഞ്ഞ ദിവസങ്ങളിൽ മെഡിക്കൽ സംഘം പരിശോധന നടത്തിയിരുന്നു. ഇതിലാണ്​ കുടുതൽ പേർക്ക്​ രോഗം സ്​ഥിരീകരിച്ചത്​. ഇവരുമായി സമ്പർക്കം പുലർത്തിയവരെ നിരീക്ഷണത്തിലാക്കിയിട്ടുണ്ട്​. രോഗം സ്​ഥിരീകരിച്ചവർ താമസ സ്​ഥലം വിട്ടുപോയിട്ടില്ലെന്ന്​ ആരോഗ്യ മന്ത്രാലയം അറിയിച്ചു.