ബഹ്റൈന്റെ ഭീകരവിരുദ്ധ നിയമത്തിൽ മാറ്റങ്ങൾക്ക് ഒരുങ്ങി പാർലമെന്റ്

മനാമ: രണ്ട് പതിറ്റാണ്ടിലേറെയായി നിലവിലുള്ള ബഹ്‌റൈന്റെ ചരിത്രപ്രധാനമായ ഭീകരവിരുദ്ധ നിയമത്തിൽ മാറ്റങ്ങൾക്കൊരുങ്ങുന്നു. രാജ്യത്ത് വർദ്ധിച്ചുവരുന്ന ഭീകരവാദ പ്രീണനം, രഹസ്യ ശൃംഖലകൾ, വിദേശ പിന്തുണയോടെയുള്ള അട്ടിമറി പ്രവർത്തനങ്ങൾ എന്നിവ കർശനമായി നേരിടാനാണ് പാർലമെന്റിന്റെ നീക്കം. 2006-ലെ സൊസൈറ്റി സംരക്ഷണം സംബന്ധിച്ച നിയമ നമ്പർ 58-ൽ വരുത്തേണ്ട ഭേദഗതികളെക്കുറിച്ച് ആഭ്യന്തര മന്ത്രാലയവുമായി ചർച്ചകൾ ആരംഭിക്കുമെന്ന് പാർലമെന്റിന്റെ ഫോറിൻ അഫയേഴ്സ്, ഡിഫൻസ് ആൻഡ് നാഷണൽ സെക്യൂരിറ്റി കമ്മിറ്റി ചെയർമാൻ ഡോ. ഹസ്സൻ ബുഖമ്മാസ് വ്യക്തമാക്കി.