ബഹ്​റൈനിൽ തൊഴിലാളികളുടെ ജീവിതവും അവകാശങ്ങളും മെച്ചപ്പെട്ടനിലയിൽ

മനാമ: ബഹ്​റൈനിൽ തൊഴിൽ സംരക്ഷണവും തൊഴിലാളികളുടെ ജീവിത നിലവാരവും അവകാശങ്ങളും മെച്ചപ്പെടുത്തുന്നതരത്തിലുള്ളതും സുസ്ഥിര വികസനത്തിൽ ഉൗന്നിയതുമായ മഹത്തരമായ നിലപാടാണ്​ ബഹ്​റൈൻ ഭരണകൂടം സ്വീകരികുന്നതെന്ന്​ കാബിനറ്റ്​ കാര്യ മന്ത്രി മുഹമ്മദ് ബിൻ ഇബ്രാഹീം അൽ മുതാവ പറഞ്ഞു. തൊഴിൽ അവകാശങ്ങൾ സംരക്ഷിക്കുന്നതിന്​ ബഹ്​റൈൻ പ്രതിഞ്​ജാബദ്ധമാണ്​. 

സമകാലിക നിയമങ്ങളും അത്യുന്നതിലുള്ള മാനുഷിക നയങ്ങളും ആദർശവും പരിഗണിച്ചുകൊണ്ടാണ്​ ഇൗ രംഗത്തിലൂടെയുള്ള ബഹ്​റൈൻ ഗവൺമ​െൻറി​​െൻറ പ്രവർത്തനങ്ങളെന്നും അദ്ദേഹം വ്യക്തമാക്കി. ഏറ്റവും മികച്ച രീതിയിലുള്ള മനുഷ്യാവകാശ തത്വങ്ങളാണ്​ തങ്ങൾ കണക്കിലെട​ുത്തിരിക്കുന്നത്. ബഹ്റൈനിലെ പ്രവാസി തൊഴിലാളികൾ രാജ്യത്തി​​െൻറ  വികസന പ്രക്രിയയിൽ തങ്ങളുടെ സംഭാവനകൾ നൽകുന്നുണ്ട്​. അതേസമയം അവർ എല്ലാവിധ തരത്തിലും അർഹിക്കുന്ന ജീവിത നിലവാരം ആസ്വാദിക്കുകയും ചെയ്യുന്നുണ്ടെന്നും അദ്ദേഹം വ്യക്​തമാക്കി.

യുഎൻ എക്കണോമിക് ആൻറ്​  സോഷ്യൽ കൗൺസിലി​​െൻറ സുസ്ഥിര വികസനത്തിൽ ഉന്നതതല രാഷ്ട്രീയ ഫോറം (എച്ച്എൽപിഎഫ് 2018) ​​െൻറ  ഭാഗമായി ലേബർ മാർക്കറ്റ് റെഗുലേറ്ററി അതോറിറ്റിയുടെ (എൽ.എം.ആർ.എ)  പാനൽ ചർച്ചയിൽ പ​െങ്കടുത്ത്​ സംസാരിക്കുകയായിരുന്നു കാബിനറ്റ് മന്ത്രി.