വേഗപരിധി 10 ശതമാനം വര്‍ധിച്ചാല്‍  പിഴ –ട്രാഫിക് വിഭാഗം

മനാമ: വാഹനമോടിക്കുേമ്പാൾ ഓരോ റോഡിലും നിശ്ചയിച്ച പരമാവധി  വേഗതയിലും 10 ശതമാനം വര്‍ധിച്ചാല്‍ പിഴയൊടുക്കേണ്ടി വരുമെന്ന് ട്രാഫിക് ഡയറക്ടറേറ്റ് വൃത്തങ്ങള്‍ വ്യക്തമാക്കി. രാജ്യത്തെ മുഴുവന്‍ റോഡുകളിലും ട്രാഫിക് സിഗ്‌നലുകളിലും ഈ നിയമം ബാധകമാണെന്ന് അറിയിച്ചിട്ടുണ്ട്. നിര്‍ണിത വേഗതയില്‍ വാഹനമോടിക്കുന്നതിനും ജനങ്ങളുടെ ജീവനും സ്വത്തും സംരക്ഷിക്കുന്നതിനും മുഖ്യ പരിഗണന നൽകണമെന്ന് അധികൃതര്‍ പറഞ്ഞു.
ട്രാഫിക് നിയമ ലംഘനങ്ങള്‍ക്ക് പിഴ വര്‍ധിപ്പിച്ചതിന് ശേഷം റോഡപകടങ്ങളില്‍ ഗണ്യമായ കുറവ് വന്നതായി ട്രാഫിക് വിഭാഗം നേരത്തെ അറിയിച്ചിരുന്നു.