ഫ​ല​സ്തീ​ൻ സം​ര​ക്ഷ​ണ​ം; സം​യു​ക്ത അ​റ​ബ് ഉ​ച്ച​കോ​ടി​ക്ക് പി​ന്തു​ണ​യുമായി ബ​ഹ്റൈ​ൻ

മ​നാ​മ: ഫ​ല​സ്തീ​ൻ സം​ര​ക്ഷ​ണ​ത്തി​നാ​യി സം​യു​ക്ത അ​റ​ബ് ഉ​ച്ച​കോ​ടി​ക്ക് പി​ന്തു​ണ​യു​മാ​യി ബ​ഹ്റൈ​ൻ. മി​ഡി​ൽ ഈ​സ്റ്റി​ലെ സ​മാ​ധാ​ന അ​ന്ത​രീ​ക്ഷം കൈ​വ​രി​ക്കു​ക, സം​ഘ​ർ​ഷം കു​റ​ക്കു​ക, ഗ​സ്സ​യി​ൽ വെ​ടി​നി​ർ​ത്ത​ൽ നി​ല​നി​ർ​ത്തു​ക, പൗ​ര​ന്മാ​ർ​ക്ക് മാ​നു​ഷി​ക സ​ഹാ​യം അ​ടി​യ​ന്ത​ര​മാ​യി ല​ഭ്യ​മാ​ക്കു​ക, ബ​ന്ദി​ക​ളെ​യും ത​ട​വു​കാ​രെ​യും മോ​ചി​പ്പി​ക്കു​ന്ന​തി​നു​ള്ള ശ്ര​മ​ങ്ങ​ൾ മു​ന്നോ​ട്ട് കൊ​ണ്ടു​പോ​കു​ക എ​ന്നി​വ ചൂ​ണ്ടി​ക്കാ​ട്ടി​യ ബ​ഹ്റൈ​ൻ വി​ദേ​ശ​കാ​ര്യ മ​ന്ത്രി ഡോ. ​അ​ബ്​​ദു​ല്ല​ത്തീ​ഫ്​ ബി​ൻ റാ​ശി​ദ്​ അ​ൽ സ​യാ​നി ഉ​ച്ച​കോ​ടി​യു​ടെ പ്രാ​ധാ​ന്യ​ത്തെ ചൂ​ണ്ടി​ക്കാ​ട്ടി.

ഈ​ജി​പ്തി​ലെ കൈ​റോ​യി​ൽ സം​യു​ക്ത ഉ​ച്ച​കോ​ടി ചേ​ര​ണ​മെ​ന്ന അ​റ​ബ് രാ​ജ്യ​ങ്ങ​ളു​ടെ ആ​ലോ​ച​ന​ക​ളെ പി​ന്തു​ണ​ക്കു​ന്നു​വെ​ന്നും ഫ​ല​സ്തീ​ൻ വി​ഷ​യ​ത്തി​ൽ അ​റ​ബ് നി​ല​പാ​ട് ഉ​റ​ച്ച​തും ഐ​ക്യ​മു​ള്ള​തു​മാ​ണെ​ന്നും റാ​ശി​ദ് അ​ൽ സ​യാ​നി വ്യ​ക്ത​മാ​ക്കി. ഫ​ല​സ്തീ​ൻ ജ​ന​ത​യു​ടെ അ​വ​കാ​ശ​ങ്ങ​ൾ സം​ര​ക്ഷി​ക്കു​ക, പൂ​ർ​ണ പ​ര​മാ​ധി​കാ​ര​മു​ള്ള ഒ​രു സ്വ​ത​ന്ത്ര ഫ​ല​സ്തീ​ൻ രാ​ഷ്ട്രം നി​ർ​മി​ക്കു​ക എ​ന്നി​വ​യാ​ണ് പ്രാ​ദേ​ശി​ക സ്ഥി​ര​ത കൈ​വ​രി​ക്കാ​നു​ള്ള മാ​ർ​ഗ​മെ​ന്നും അ​ദ്ദേ​ഹം പ്ര​തി​പാ​ദി​ച്ചു.

മി​ഡി​ൽ ഈ​സ്റ്റി​ലെ സ​മീ​പ​കാ​ല​ങ്ങ​ളി​ൽ ന​ട​ന്ന പ്ര​ശ്ന​ങ്ങ​ളെ​ക്കു​റി​ച്ചു​ള്ള ഒ​രു രാ​ഷ്ട്രീ​യ കൂ​ടി​യാ​ലോ​ച​ന​ക്ക് വേ​ദി​യൊ​രു​ക്കു​ക എ​ന്ന​താ​ണ് നി​ർ​ദി​ഷ്ട അ​റ​ബ് ഉ​ച്ച​കോ​ടി​യു​ടെ ല‍ക്ഷ്യം. ക​ഴി​ഞ്ഞ വ​ർ​ഷം ബ​ഹ്റൈ​നി​ൽ ന​ട​ന്ന 33ാാമ​ത് അ​റ​ബ് ഉ​ച്ച​കോ​ടി​യി​ൽ അ​ധ്യ​ക്ഷ​ത വ​ഹി​ച്ച ഹ​മ​ദ് രാ​ജാ​വ് സം​യു​ക്ത ഉ​ച്ച​കോ​ടി​യു​ടെ ആ​വ​ശ്യം ഉ​ന്ന​യി​ച്ചി​രു​ന്നു. ഫ​ല​സ്തീ​ൻ രാ​ഷ്ട്ര​ത്തി​ന് പൂ​ർ​ണ അം​ഗീ​കാ​രം ന​ൽ​കു​ക​യും ഐ​ക്യ​രാ​ഷ്ട്ര​സ​ഭ​യി​ൽ അം​ഗ​ത്വം ന​ൽ​കു​ക​യും വേ​ണം.

മേ​ഖ​ല​യി​ൽ സം​ഘ​ർ​ഷ​ങ്ങ​ളാ​ൽ ദു​രി​ത​മ​നു​ഭ​വി​ക്കു​ന്ന​വ​ർ​ക്ക് വി​ദ്യാ​ഭ്യാ​സ​പ​ര​വും ആ​രോ​ഗ്യ​പ​ര​വു​മാ​യ സേ​വ​ന​ങ്ങ​ൾ ന​ൽ​കാ​ൻ പ്ര​​ത്യേ​ക പ​ദ്ധ​തി വേ​ണം. അ​നു​ര​ഞ്ജ​ന സ​മീ​പ​ന​ത്തി​ലൂ​ടെ​യും ഗൗ​ര​വ​മാ​യ രാ​ഷ്ട്രീ​യ സം​വാ​ദ​ത്തി​ലൂ​ടെ​യും ഇ​ത് സാ​ധ്യ​മാ​ക്ക​ണം. സാ​മ്പ​ത്തി​കം, സാ​ങ്കേ​തി​ക വി​ദ്യ, ഡി​ജി​റ്റ​ൽ പ​രി​വ​ർ​ത്ത​നം എ​ന്നി​വ​യി​ൽ അ​റ​ബ് സ​ഹ​ക​ര​ണം വ​ർ​ധി​പ്പി​ക്ക​ണം. മേ​ഖ​ല​യു​ടെ സു​സ്ഥി​ര​ത​യും വി​ക​സ​ന​വും ഉ​റ​പ്പാ​ക്കാ​നു​ള്ള നി​ര​വ​ധി പ​ദ്ധ​തി​ക​ളും ഹ​മ​ദ് രാ​ജാ​വ് ഉ​ച്ച​കോ​ടി​യി​ൽ നി​ർ​ദേ​ശി​ച്ചി​രു​ന്നു.

ഫ​ല​സ്തീ​നി​ക​ൾ ഗ​സ്സ വി​ട്ടു​പോ​ക​ണ​മെ​ന്ന അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പി​ന്‍റെ പ​രാ​മ​ർ​ശ​ത്തെ എ​തി​ർ​ക്കു​ന്നെ​ന്നും അ​തി​നു​ള്ള ഐ​ക്യ​നി​ല​പാ​ടു​ക​ൾ​ക്ക് മ​റ്റ് അ​റ​ബ് രാ​ജ്യ​ങ്ങ​ൾ സ​ഹ​ക​രി​ച്ചി​ട്ടു​ണ്ടെ​ന്നും ഈ​ജി​പ്ത് ക​ഴി​ഞ്ഞ ദി​വ​സം അ​റി​യി​ച്ചി​രു​ന്നു. ഈ​ജി​പ്ത് വി​ദേ​ശ​കാ​ര്യ മ​ന്ത്രി ബ​ദ്ർ അ​ബ്ദു​ൽ ആ​ത്വി 11 രാ​ജ്യ​ങ്ങ​ളി​ലെ വി​ദേ​ശ കാ​ര്യ​മ​ന്ത്രി​മാ​രു​മാ​യി ഈ ​വി​ഷ​യം ഉ​ന്ന​യി​ച്ച് ആ​ശ​യ വി​നി​മ​യം ന​ട​ത്തി​യി​ട്ടു​ണ്ട്. ഫ​ല​സ്തീ​ൻ ജ​ന​ത​യെ അ​വ​രു​ടെ ഭൂ​മി​യി​ൽ​നി​ന്ന് മാ​റ്റി​പ്പാ​ർ​പ്പി​ക്കാ​നു​ള്ള എ​ല്ലാ നീ​ക്ക​ങ്ങ​ളെ‍യും നി​ര​സി​ക്കു​ന്ന​താ​ണ് അ​റ​ബ് നി​ല​പാ​ടെ​ന്നും ഈ​ജി​പ്ത് പ​റ​ഞ്ഞു.