ബഹ്​റൈൻ-റഷ്യ അക്കാദമിക്​ സഹകരണത്തെക്കുറിച്ച്​ ചർച്ച നടത്തി

മനാമ: യൂനിവേഴ്​സിറ്റി ഒാഫ്​ ബഹ്​റൈൻ പ്രസിഡൻറ്​ ഡോ.റിയാദ്​ ഹംസയും ബഹ്​റൈനിലെ റഷ്യൻ അംബാസഡർ ഇഗോർ ക്രമ്​നേവും തമ്മിൽ അക്കാദമിക്​ സഹകരണത്തെ കുറിച്ച്​ ചർച്ച നടത്തി. ഇരുരാജ്യങ്ങളും വിവിധ മേഖലകളിൽ നിലനിൽക്കുന്ന പരസ്​പര സഹകരണത്തെ കുറിച്ചും അടിസ്ഥാന തലത്തിലെ ബന്​ധത്തെ കുറിച്ചും യൂനിവേഴ്​സിറ്റി പ്രസിഡൻറും റഷ്യൻ അംബാസഡറും കൂടിക്കാഴ്​ചയിൽ സംതൃപ്​തി രേഖപ്പെടുത്തി. രണ്ട്​ രാജ്യങ്ങളുടെ സഹകരണം ശക്തമാക്കുന്നതിൽ യൂനിവേഴ്​സിറ്റി ഒാഫ്​ ബഹ്​റൈൻ വഹിക്കുന്ന പങ്കിനെ അംബാസഡർ അഭിനന്ദിക്കുകയും ചെയ്​തു. റഷ്യൻ യൂനിവേഴ്​സിറ്റിയും യു.ഒ.ബിയും തമ്മിലുള്ള സഹകരണത്തെ കുറിച്ചും യു.ഒ.ബി രാജ്യത്ത്​ നിറവേറ്റിക്കൊണ്ടിരിക്കുന്ന വിദ്യാഭ്യാസത്തെ കുറിച്ചും അദ്ദേഹം എടുത്തുപറഞ്ഞു.